ADផ្ទាំងផ្សព្វផ្សាយពាណិជ្ជកម្ម

Picture

ផ្លូវលំ និង​ស្ពានឈើ​ជា​ច្រើន​កន្លែង​រង​ការ​ខូចខាត​ដោយ​ជំនន់​ទឹកភ្លៀង​ហូរ​កាត់​ផ្តាច់​(​វី​ដេ​អូ​)

2 ខែ មុន
  • ឧត្តរមានជ័យ

ស្រុក​អន្លង់​វែង ស្ថិត​នៅ​តាម​ខ្សែបន្ទាត់​ព្រំដែន​កម្ពុជា​-​ថៃ ជាប់​នឹង​ភូមិ​ស្រែ​ព្រៃ ឃុំ​ស្រែ​ព្រៃ ស្រុក​ភូ​ស៊ិ​ង ខេត្ត​ស៊ី​សាកេ​ត ប្រទេស​ថៃ​។ ស្រុក​អន្លង់​វែង មាន​ច្រក​ទ្វារ​អន្តរជាតិ​ចំនួន

ខេត្តឧត្តរមានជ័យ ៖ ស្រុក​អន្លង់​វែង ស្ថិត​នៅ​តាម​ខ្សែបន្ទាត់​ព្រំដែន​កម្ពុជា​-​ថៃ ជាប់​នឹង​ភូមិ​ស្រែ​ព្រៃ ឃុំ​ស្រែ​ព្រៃ ស្រុក​ភូ​ស៊ិ​ង ខេត្ត​ស៊ី​សាកេ​ត ប្រទេស​ថៃ​។ ស្រុក​អន្លង់​វែង មាន​ច្រក​ទ្វារ​អន្តរជាតិ​ចំនួន​១ ឃុំ​ចំនួន​៥ ភូមិ​៥៨ ភូមិ​ខាងត្បូង​ជាប់​ព្រំប្រទល់​ស្រុក​វ៉ា​រិ​ន្ទ ខេត្តសៀមរាប ខាងជើង​ជាប់​ព្រំប្រទល់​ប្រទេស​ថៃ ខាងលិច​ជាប់ ក្រុង​សំរោង ខាងកើត​ជាប់​ស្រុក​ត្រពាំង​ប្រាសាទ ខេត្តឧត្តរមានជ័យ ស្ថិត​នៅ​ក្នុង​ស្ថានភាព​ផ្ទៃដី​ខ្ពង់រាប​ផង​ដែរ​។

Picture

លោក ងួ​ន ទ្ធី​រិ​ទ្ធ អភិបាលស្រុក​អន្លង់​វែង នៅ​ព្រឹក​ថ្ងៃ​ទី​៦ ខែតុលា ឆ្នាំ​២០២២​នេះ បានឱ្យ​ដឹង​ថា ក្នុង​រដូវ​ខែវស្សា ទឹកភ្លៀង​បាន​ធ្លាក់​ជា​រៀងរាល់ថ្ងៃ លាយឡំ​ទៅ​ដោយ​ផ្គរ រន្ទះ និង​ខ្យល់​ក​ន្ទ្រា​ក់ ធ្វើ​ឱ្យ​ទឹកជំនន់​ជន់​លិច​ផ្ទះសម្បែង​របស់​ប្រជាពលរដ្ឋ និង​ទឹក​ជន់​លិច​ហូរ​បុក​កាត់​ផ្តាច់​ផ្លូវលំ និង​ស្ពាន ទទួល​រង​ការ​ខូចខាត​ជា​ច្រើន​កន្លែង សម្រាប់​ស្រុក​អន្លង់​វែង​នេះ​តែ​ម្តង​។

Picture

លោក​អភិបាលស្រុក​បាន​បញ្ជាក់​ថា ក្នុង​តំបន់​ស្រុក​នេះ ស្ថិត​នៅ​លើ​ផ្ទៃដី​ខ្ពង់រាប ហើយ​នៅ​ក្នុង​រដូវ​ទឹកភ្លៀង​ធ្លាក់​មក​ម្តង​ៗ​នោះ ទឹកភ្លៀង​ដែល​ហូរ​ធ្លាក់​ពីលើ​កំពូល​ជួរ​ភ្នំ​ដងរ៉ែក ចូល​តាម​អាង ប្រឡាយ បឹងបួរ ស្ទឹង ទឹកនឹង​ហក់​ឡើងជា​គំហុក​ធ្វើ​ឱ្យ​ជន់​លិច​យ៉ាង​លឿន តែ​ក្នុង​រយៈពេល​៤​ទៅ​៥​ម៉ោង​ក្រោយមក ទឹក​ក៏​អាច​ស្រក​ទៅ​វិញ​យ៉ាង​លឿន​ផង​ដែរ​។

Picture

ហើយ​នៅ​ក្នុង​ស្ថានភាព​ទឹក​ជន់​លិច​ភូមិ​-​ឃុំ​នានា ក្នុងស្រុក​នោះ លោក​តែងតែ​ដឹកនាំ​មន្ត្រីរាជការ​ក្រោម​ឱ​វ៉ា​ត រួម​ទាំង​កងកម្លាំង​ទាំង​៣​ប្រភេទ ចុះ​ធ្វើការ​ពិនិត្យ​នូវ​ស្ថានភាព​ទឹក និង​នាំ​អំណោយ ឯកឧត្តម​ទេស​រដ្ឋមន្ត្រី គន់ គី​ម ប្រធាន​ក្រុមការងារ​ថ្នាក់​ជាតិ ចុះ​ជួយ​ខេត្ត​ឧត្តរ​មានជ័យ និង​អំណោយ​ឯកឧត្តម ប៉ែន កុស​ល្យ អភិបាល នៃ​គណៈ​អភិបាល​ខេ​ត្ឧ​ត្តរ​មាន​ជ័យ ឧបត្ថម្ភ​ដល់​ប្រជាពលរដ្ឋ​ដែល​រង​គ្រោះ​ដោយសារ​គ្រោះ​ធម្មជាតិ​ទឹកជំនន់​ជ់ន​លិច​នេះ​ជា​ច្រើន​លើ​ច្រើន​សារ​ផង​ដែរ រយៈពេល​កន្លង​ទៅ​។

Picture

លោក​អភិបាល​បន្ត​ថា ក្រោយ​ពី​ទឹកជំនន់​ស្រក​ថយ​ទៅ​វិញ​នោះ សង្កេត​ឃើញ​ថា ផ្លូវ ស្ពាន​ជា​ច្រើន​កន្លែង​ត្រូវ​បាន​ទទួល​រង​ការ​ខូចខាត​យ៉ាងដំណំ បង្ក​ឱ្យ​រាំងស្ទះ​ក្នុង​ការ​ធ្វើ​ដំណើរ ឬ​ដឹក​កសិផល​នានា​ទៅ​រក​ទីផ្សារ ឬ​ដឹក​ជញ្ជូន​យក​មក​រក្សារ​ទុក​នៅ​លំនៅ​ឋាន​។ ហើយ​ខណៈ​ពេល​នេះ លោក​ក៏​បាន​ដឹកនាំ​កម្លាំង​ក្នុងស្រុក ចុះ​ជួយ​ជួសជុល​ស្ពានឈើ​ប្រវែង​៤៥​ម៉ែត្រ ដែល​រង​ការ​ខូចខាត​ឡើង​វិញ​មួយ​កន្លែង ស្ថិត​នៅ​ក្នុងភូមិ​ព្រ​លាន ក្នុង​ឃុំ​អន្លង់​វែង ស្រុក​អន្លង់​វែង បាន​រួចរាល់​ជា​ស្ថាពរ សម្រាប់​ប្រជាពលរដ្ឋ​ក្នុង​ការ​ធ្វើ​ដំណើរ​បណ្តោះអាសន្ន​សិន​។

Picture

ប្រជាពលរដ្ឋ​ជា​ច្រើន​ភូមិ​ក្នុងស្រុក​អន្លង់​វែង ក៏​បាន​ថ្លែង​អរគុណ និង​ដឹងគុណ​ដល់​លោក​អភិបាល​ដែល​បាន​យកចិត្តទុកដាក់ ផ្សារ​ភ្ជាប់​នឹង​ប្រជាពលរដ្ឋ បម្រើ​ពលរដ្ឋ​អស់ពី​កម្លាំងកាយ​ចិត្ត​។

នា​ឱកាស​នោះ​ដែរ ព្រះ​គ្រូ​ផា​ន ស៊ី​ណា​ន ប្រធាន​អនុ​សាខាសមាគម​សិស្ស​និស្សិត​បញវន្ត​ក្មេង​វត្ត​ស្រុក​អន្លង់​វែង ដោយ​កម្លាំង​ក្នុង​សាលាស្រុក ហត់នឿយ​ចុះ​ជួយ​ដល់​ប្រជាពលរដ្ឋ​រង​គ្រោះ​ពេក ក៏​មានការ​ចូលរួម​ជួយ​ឧបត្ថម្ភ​ថវិការ​ចំនួន​៣២៣០០០០​រៀល​, ទឹក​ផ្លែ​ឈើ​ចំនួន​៤​កេស និង​ទឹកបរិសុទ្ធ​ចំនួន​៥០​យួរ​ផង​ដែរ ដល់​ដៃ​លោក​អភិបាលស្រុក​អន្លង់​វែង​៕

Picture
Picture
Picture
Picture
Picture
Picture
Picture
Picture
Picture
Picture
Picture