ខេត្តមណ្ឌលគិរី ៖ សេចក្តីរាយការណ៍បានឱ្យដឹងថា នៅវេលាម៉ោង៤ព្រឹកថ្ងៃទី១២ មីនា ស្ថិតត្រង់ចំណុចផ្លូវជាតិលេខ៧៦ ក្នុងភូមិអូរអាម ឃុំស្រែខ្ទុម ស្រុកកែវសីមា មានសត្វប្រើស២ក្បាល (សង្ស័យមេ និងកូន) ដើរចេញពីក្នុងព្រៃ មកឈរនៅមុខស្នាក់ការដែន
ខេត្តមណ្ឌលគិរី ៖ សេចក្តីរាយការណ៍បានឱ្យដឹងថា នៅវេលាម៉ោង៤ព្រឹកថ្ងៃទី១២ មីនា ស្ថិតត្រង់ចំណុចផ្លូវជាតិលេខ៧៦ ក្នុងភូមិអូរអាម ឃុំស្រែខ្ទុម ស្រុកកែវសីមា មានសត្វប្រើស២ក្បាល (សង្ស័យមេ និងកូន) ដើរចេញពីក្នុងព្រៃ មកឈរនៅមុខស្នាក់ការដែនជម្រកសត្វព្រៃកែវសីមាផ្នែកចំហៀងខាងកើត ស្រាប់តែត្រូវរថយន្តម៉ាកកាមរីឆ្លាមមួយគ្រឿងបុកមេប្រើស បណ្តាលឱ្យបាក់ជើងមុខខាងឆ្វេង ដោយមិនអាចដើរបាន ។
ប្រភពឱ្យដឹងថា ក្រោយមក ម្ចាស់រថយន្តបានបន្តដំណើរទៅមុខបាត់ បន្សល់ទុកតែសត្វប្រើសដ៏កម្សត់នេះ ដេកក្រោមដើមអាកាស្យា ក្នុងបរិវេណស្នាក់ការកែវសីមា ។ បន្ទាប់ពីទទួលដំណឹងនេះ គឺមានមន្ត្រីបរិស្ថាននិងមន្ត្រីអភិរក្សសត្វព្រៃWCS បានទំនាក់ទំនង ទៅមជ្ឈមណ្ឌលសង្គ្រោះសត្វព្រៃភ្នំតាម៉ៅ ដើម្បីហៅជំនាញពេទ្យសត្វមកជួយសង្គ្រោះ ហើយជាបឋមមន្ត្រីដែនជម្រកសត្វព្រៃកែវសីមា បានរកកន្លែងដ៏សមគួរសម្រាប់កូនប្រើស ។
លុះរហូតមកដល់ម៉ោង៨យប់ថ្ងៃទី១២ មីនា ដដែល ក្រុមមន្ត្រីជំនាញពេទ្យសត្វនៃមជ្ឈមណ្ឌលសង្គ្រោះសត្វព្រៃ បានជួយសង្គ្រោះមេប្រើសបានធូរស្រាលវិញហើយ ។
ចែករំលែកព័តមាននេះ