តុលាការកំពូលបដិសេធការសុំនៅក្រៅឃុំរបស់បុគ្គលិកអាដហុក៤រូប
រាជធានីភ្នំពេញ ៖ ចៅក្រមតុលាការកំពូលនៅព្រឹកថ្ងៃទី១៣ មីនា បានសម្រេចប្រកាសសាដីកាតម្កល់សាលក្រមតុលាការក្រុង និងសាលាឧទ្ធរណ៍
រាជធានីភ្នំពេញ ៖ ចៅក្រមតុលាការកំពូលនៅព្រឹកថ្ងៃទី១៣ មីនា បានសម្រេចប្រកាសសាដីកាតម្កល់សាលក្រមតុលាការក្រុង និងសាលាឧទ្ធរណ៍ទុកជាបានការដដែល លើមន្ត្រីសមាគមសិទ្ធិមនុស្សអាដហុក៤រូប ដែលបានប្តឹងមកតុលាការកំពូលករណីការបន្តឃុំរយៈពេល៦ខែបន្តទៀតរបស់ចៅក្រមសាលាដំបូងរាជ ។ ចំណែកលោក នី ចរិយា អគ្គលេខាធិការរងគណៈកម្មាធិការជាតិរៀបចំការបោះឆ្នោតមិនបានប្តឹងសាទុក្ខមកតុលាការកំពូលទេ ។
គួររំលឹកថា ក្រុមជនត្រូវចោទទាំង៥នាក់ត្រូវបានលោក ធាម ច័ន្ទពិសិដ្ឋ ចៅក្រមស៊ើបសួរសាលាដំបូងរាជធានីសម្រេចកាលពីល្ងាចថ្ងៃទី២ ខែឧសភា ឆ្នាំ២០១៦ ឃុំខ្លួនដាក់ពន្ធនាគារដើម្បីរង់ចាំការស៊ើបអង្កេតបន្តទៀត ។ លោក នី សុខា ប្រធានផ្នែកស៊ើបអង្កេតសមាគមអាដហុក លោក យី សុខសាន្ត អនុប្រធានសមាគមអាដហុក លោក ណៃ រ៉ង់ដា អនុប្រធានសមាគមអាដហុក និង លោកស្រី លឹម មុន្នី មន្ត្រីជាន់ខ្ពស់សមាគមអាដហុកត្រូវបានលោកព្រះរាជអាជ្ញារង គុជ គឹមឡុង ចោទពីបទ សូកប៉ាន់សាក្សី តាមមាត្រា៥៤៨ នៃក្រមព្រហ្មទណ្ឌ ។
ដោយឡែកលោក នី ចរិយា អគ្គលេខាធិការរងគណៈកម្មាធិការជាតិរៀបចំការបោះឆ្នោតត្រូវបានតុលាការចោទប្រកាន់ពីបទសមគំនិតក្នុងអំពើសូកប៉ាន់សាក្សី តាមមាត្រា២៩ និងមាត្រា ៥៤៨ នៃក្រមព្រហ្មទណ្ឌ ។ ជាមួយគ្នានេះលោក សឺន សាលី ជាមន្ត្រីអង្គការសហប្រជាជាតិទទួលបន្ទុកសិទ្ធិមនុស្សប្រចាំកម្ពុជាក៏ត្រូវបានតុលាការចោទប្រកាន់ពីបទសមគំនិតក្នុងអំពើសូកប៉ាន់សាក្សីផងដែរ ។
តុលាការបានចោទប្រកាន់ជនជាប់ចោទបទល្មើសសូកប៉ាន់សាក្សី កំណត់ការផ្តន្ទាទោសពី៥ឆ្នាំទៅ១០ឆ្នាំ ពួកគេទាំងអស់ត្រូវបានតុលាការរកឃើញថា បានបញ្ចុះបញ្ចូល ឬលួងលោមកញ្ញា ខុម ចាន់តារាទី ហៅស្រីមុំ មិនឲ្យនិយាយការពិតដល់សមត្ថកិច្ចចំពោះរឿងអាស្រូវផ្លូវភេទរបស់លោក កឹម សុខា ប្រធានស្តីទីគណបក្សសង្គ្រោះជាតិ ៕
ចែករំលែកព័តមាននេះ