លោក ម៉ែន វិបុល អញ្ជើញជាអធិបតី ពិធីកាត់ឫសសីមាព្រះវិហារ វត្តសាមគ្គីមានជ័យ
ខេត្តស្វាយរៀង ៖ លោក ម៉ែនវិបុល អភិបាលនៃគណៈអភិបាលខេត្តស្វាយរៀង និងជាតំណាងដ៏ខ្ពង់ខ្ពស់របស់លោកជំទាវ ម៉ែន សំអន ឧបនាយករដ្ឋមន្ត្រី
ខេត្តស្វាយរៀង ៖ លោក ម៉ែនវិបុល អភិបាលនៃគណៈអភិបាលខេត្តស្វាយរៀង និងជាតំណាងដ៏ខ្ពង់ខ្ពស់របស់លោកជំទាវ ម៉ែន សំអន ឧបនាយករដ្ឋមន្ត្រី រដ្ឋមន្ត្រីក្រសួងទំនាក់ទំនងជាមួយរដ្ឋសភាព្រឹទ្ធសភា និងអធិការកិច្ច អញ្ជើញជាគណៈអធិបតីក្នុងពិធីបុណ្យបញ្ចុះខណ្ឌសីមាព្រះវិហារ និងឆ្លងសមិទ្ធផលនាន នៅវត្តសាមគ្គីមានជយ័ ហៅវត្តសំរោង ស្ថិតនៅភូមិសំរោង ឃុំគ្រួស ស្រុកស្វាយជ្រំ។ ពិធីនេះបានរៀបចំ នៅព្រឹកថ្ងៃទី១២ ខែមីនា ២០១៧ ដោយមានការចូលរួមពីសំណាក់លោកអភិបាលរងខេត្ត មន្ត្រីរាជការប្រជាពុទ្ធបរិសទ័ជាង៨០០នាក់។
លោក សុទ្ធ គឹមច័ន្ទ អភិបាលស្រុកស្វាយជ្រំ បានមានប្រសាសន៍ថា វត្តសាមគ្គីមានជ័យ ហៅវត្តសំរោង ដំបូងឡើយមានប្រជាពុទ្ធបិសទ័រស់នៅទីនេះចំនួន១០គ្រួសារ បានបរិច្ចាគ ដីសម្រាប់បង្កើតវត្តសាមគ្គីមានជ័យនេះឡើង ដោយភូមិសំរោងនេះនៅឆ្ងាយដាច់ស្រយាលពីវត្តនានា ចាស់ទុំមិនអាចទៅសម្មាទានសីល ក៏សាងសង់រោងឧបោសថសម្រាប់សម្មាទានសីលនៅថ្ងៃឧបោសថ ម្តងៗប៉ុណ្ណោះ។ លុះដល់ឆ្នាំ២០០០ បានផ្តួចផ្តើមបង្កើតជាវត្ត ដោយមានការអនុញ្ញាតពីក្រសួងធម្មការ និងសាសនា ឲ្យបង្កើតទៅជាវត្តឈ្មាះ វត្តសាមគ្គីមានជ័យ ដែលមានផ្ទៃដីទំហំ៧ ,៩២០ម៉ែត្រការ៉េ ដោយឆ្លងកាត់ព្រះគ្រូចៅអធិការចំនួន៦អង្គមកហើយ។
១-ព្រះភិក្ខុ ផាង ចន្ថន ២-ព្រះភិក្ខុ ស៊ាង សុខឃឿន ៣-ព្រះភិក្ខុ ជ័យ សែន ៤-ព្រះភិក្ខុ ទឹម វាន ៥-ព្រះភិក្ខុ ងិន តុន ជាចៅអធិការស្តីទី ទើបនៅឆ្នាំ២០១៣ បានតែងតាំង ព្រះគ្រូចៅអធិការទី៦ ពេញសិទ្ធិ ព្រះភិក្ខុព្រះនាម ព្រាប នៅ ជាគ្រចៅអធិការរហូតដល់បច្ចុប្បន្ន។ លោក សុទ្ធ គឹមច័ន្ទ បន្តទៀតថា វត្តនេះរួមគ្នាកសាងពីព្រះសង្ឃ លោកគ្រូអាចារ្យគណៈកម្មការវត្តប្រជាពុទ្ធបរិសទ័ចំណុះជើងវត្ត និងសប្បុរសជននានាមកពីរាជធានីភ្នំពេញ ក្រុងព្រះសីហនុ ខេត្តព្រៃវែង ស្វាយរៀង ដឹកនាំកសាងដោយលោកជំទាវបណ្ឌិត ម៉ែន សំអន តំណាងរាស្ត្រ ថ្នាក់ដឹកនាំថ្នាក់ខេត្ត លោក ម៉ែន វិបុល អភិបាលខេត្ត ព្រមទាំងថ្នាក់ដឹកនាំនៃគណបក្សប្រជាជនកម្ពុជា ខេត្ត ស្រុក ១-កសាងកុដិឈើ១ខ្នង ២-ឧបដ្ឋានសាលាឈើប្រក់ស័ង្កសី ១០ម៉ែត្រ គុណនឹង ១៦ម៉ែត្រ ១ខ្នង ៣-វេទិកាកិត្តិយស់១ខ្នង ៤-ជាវដីពង្រីកវត្ត ៥-ដឹកដីចាក់បំពេញទីធ្លាវត្ត ៦-ធ្វើបន្ទប់ទឹក និងបង្គន់អនាមយ័២, ៧-កសាងព្រះវិហារថ្មី អំពីបេតុងទំហំ១២ម៉ែត្រ គុណនឹង១៨ម៉ែត្រ អស់ទឹកប្រាក់សរុប២១៣,៥៣៥០០រៀល និងប្រាក់ដុល្លារ២៦,១៦៥ដុល្លារ។
លោក ម៉ែន វិបុល អភិបាលនៃគណៈអភិបាលខេត្តបានមានមតិសំណេះសំណាលថា ប្រទេសជាតិយើងមានសុខសន្តិភាពពេញបរិបូរណ៍ គឺក្រោមគោលនយោបាយឈ្នះឈ្នះរបស់សម្តេចអគ្គមហាសេនាបតីតេជោហ៊ុនសែននាយករដ្ឋមន្ត្រីនៃព្រះរាជាណាចក្រកម្ពុជា បានធ្វើឲ្យប្រទេសជាតិមានការអភិវឌ្ឍន៍រីកចម្រើនលើគ្រប់វិស័យ ក្នុងនោះវត្តអារាម ទាំងនេះគឺដោយសារកម្លាំងមហាសាមគ្គីរបស់ប្រជាពលរដ្ឋដែលជាពុទ្ធបរិសទ័នៅចំណុះជើងវត្ត និងសប្បុរសជននានា ថ្នាក់ដឹកនាំគណៈបក្សប្រជាជនកម្ពុជា ជាពិសេសលោកជំទាវបណ្ឌិត ម៉ែន សំអន បានដឹកនាំអភិវឌ្ឍន៍។ លោក ម៉ែន វិបុល ក៏បានអំពាវនាវ ដល់ព្រះសង្ឃ ប្រជាពុទ្ធបរិសទ័ ចូលរួមជួយផ្សព្វផ្សាយផលបះពាល់ និងគ្រោះថ្នាក់គ្រឿងញៀន ដើម្បីទប់ស្កាត់ការប្រើប្រាស់គ្រឿងញៀន ហើយឈានដល់លុបបំបាត់គ្រឿងញៀន ដើម្បីអនាគតកូនចៅយើង ជាពិសេសយុវជន និងកុមារ។
លោក ម៉ែន វិបុល បន្តទៀតថា គ្រឿងញៀនគឺក្រុមឧក្រិដ្ឋជនធ្វើសកម្មភាពជួញដូរចែកចាយ នៅក្រុងបាវិត ក្រុងស្វាយរៀង និងនៅតាមបណ្តាសាលារៀន រហូតដល់ជនបទ រយៈពេលជាង៣ខែ ដែលលោកឡើងជាអភិបាលខេត្ត បានបង្ក្រាបចាប់ជនសង្ស័យបានជាង១០០នាក់ គិតត្រឹមខែមីនា២០១៧នេះ។ គុកស្វាយរៀងដាក់ជនសង្សយ័ជួញដូរ ចែកចាយគ្រឿងញៀន និងបទល្មើសព្រហ្មទណ្ឌ ចោរលួចចោរប្លន់ ពេញណែន អាគារពន្ធនាគារកំណត់ដាក់ត្រឹម៥០នាក់ គឺដាក់រហូត៨០នាក់។ ២-បញ្ហាគ្រោះថ្នាក់ចរាចរណ៍ ឆ្នាំ២០១៦ ស្លាប់៥០នាក់ របួសធ្ងន់ស្រាលជាង៧០០នាក់។ ក្នុងនោះរថយន្តដឹកកម្មករគ្រោះថ្នាក់៧លើក រងរបួសជាង៥០០នាក់ រថយន្តក្រុង៧លើក រថយន្តកុងតឺន័រ១២លើក និងរថយន្តតាក់ស៊ី ម៉ូតូនឹងម៉ូតូ ស្លាប់៥០នាក់ របួសធ្ងន់ស្រាលជាង២០០នាក់។ដូច្នេះសូមជួយផ្សព្វផ្សាយអប់រំ ច្បាប់ចរាចរណ៍ និងចូលរួមគោរពច្បាប់ចរាចរណ៍ទាំងអស់គ្នា។
បន្ទាប់មកពិធីបំពាក់គ្រឿងឥស្សរិយយសមេដាយស្ថាបនាជាតិដល់សប្បុរសជន២៩រូប ប្រគេនបញ្ច័យកសាងវត្តសាមគ្គីមានជ័យ១៥លានរៀល ប្រគេនព្រះសង្ឃតាមរោងទិស៨ទិស ក្នុងមួយរោងទិស២សែនរៀល សីមាកិលបច្ច័យ៤សែនរៀល។ ផ្តល់អំណោយដល់លោកគ្រូអ្នកគ្រូ១១នាក់ ក្រុមប្រឹក្សាឃុំ១៨នាក់ ក្នុងម្នាក់ៗទទួលបានសារុង១ ប្រាក់២ម៉ឺនរៀល យាយជីតាជី៥០នាក់ ក្នុងម្នាក់ៗក្រណាត់ស១ដុំ ប្រាក់៥ពាន់រៀល ប្រជាពលរដ្ឋ៧០០នាក់ ក្នុងម្នាក់ៗ ទទួលបានសារុង១។ ពិធីកាត់ខ្សែបូ និងកាត់ឫសសីមាជាកិច្ចបង្ហើយបុណ្យ៕
ចែករំលែកព័តមាននេះ