រាជធានីភ្នំពេញ ៖ ជនសង្ស័យប្រុសស្រី២នាក់ ជាមុខសញ្ញាយ៉ាងសកម្មនៅក្នុងមូលដ្ឋាន ហើយដោយមានការស្រាវជាវពីសមត្ថកិច្ចក៏ឈានទៅឆែកឆេរនៅក្នុងបន្ទប់ជួលមួយកន្លែងស្ថិតក្នុងភូមិទួលសង្កែ សង្កាត់ទួលសង្កែ១ ខណ្ឌឬស្សីកែវ
រាជធានីភ្នំពេញ ៖ ជនសង្ស័យជួញដូរគ្រឿងញៀនប្រុសស្រី២នាក់ ត្រូវបានកម្លាំង នគរបាលខណ្ឌឫស្សីកែវ កាលពីវេលាម៉ោង៤និង៣០នាទីរសៀល ថ្ងៃទី១១ ខែមីនា ឆ្នាំ២០១៧ ដែលស្ថិតនៅចំណុចបន្ទប់ជួលលេខ១៣ ផ្លូវលេខ៩០៧ ក្រុម៣ ភូមិទួលសង្កែ សង្កាត់ទួលសង្កែ១ ខណ្ឌឬស្សីកែវ ដោយដកហូតបានគ្រឿងញៀនចំនួន៥៣កញ្ចប់តូច។
ជនសង្ស័យដែលឃាត់ខ្លួន ១-ឈ្មោះ មាស សុភា ភេទប្រុស អាយុ១៩ឆ្នាំ មានមុខរបរសន្តិសុខដឺប្រេស និង២-ឈ្មោះ ឯក សំណាង ភេទស្រី អាយុ១៧ឆ្នាំ មុខបរបមិនពិតប្រាកដ ស្នាក់នៅកន្លែងឃាត់ខ្លួនខាងលើ។
តាមនគរបាលបានឱ្យដឹងថា ជនសង្ស័យទាំង២នាក់ជាមុខសញ្ញាចែកចាយគ្រឿងញៀនយ៉ាងសកម្មនៅក្នុងមូលដ្ឋាន ។ ដោយមានការស្រាវជ្រាវពីសមត្ថកិច្ចក៏ឈានទៅឆែកឆេរបន្ទប់ជួល ហើយឃាត់ខ្លួនជនសង្ស័យ ព្រមទាំងដកហូតបានគ្រឿងញៀនជាក់ស្តែង ។ នៅក្នុងប្រតិបត្តិការនេះ ក៏មានការសម្របសម្រួលពីលោក អ៊ុំ សុភ័ក្ត្រ ព្រះរាជអាជ្ញារងអមសាលាដំបូងរាជធានីភ្នំពេញផងដែរ។
ចែករំលែកព័តមាននេះ