តូចចិត្តក្រីក្រជំពាក់គេច្រើន ហូបត្រីឆ្លូញប្រឡាក់ជាមួយថ្នាំបំពុលកុក សម្លាប់ខ្លួន
ខេត្តកណ្តាល ៖ ស្ត្រីម្នាក់ដោយសារតែមានជីវភាពក្រីក្រ ហើយជំពាក់បំណុលគេច្រើនថែមទៀតនោះ បានដាច់ចិត្តធ្វើអត្តឃាតដោយបានយកថ្នាំបំពុល
ខេត្តកណ្តាល ៖ ស្ត្រីម្នាក់ដោយសារតែមានជីវភាពក្រីក្រ ហើយជំពាក់បំណុលគេច្រើនថែមទៀតនោះ បានដាច់ចិត្តធ្វើអត្តឃាតដោយបានយកថ្នាំបំពុលកុកទៅប្រឡាក់ជាមួយត្រីឆ្លូញមកហូបជាមួយបបរបណ្ដាលឲ្យពុលបែកពពុះមាត់ប្រកាច់ស្លាប់ដូចបំណង ក្រោយពេលប្ដីបញ្ជូនទៅសង្គ្រោះបន្ទាន់នៅមន្ទីរពេទ្យបង្អែកស្រុកអង្គស្នួលកាលពីវេលាម៉ោង៣និង៣០នាទីរសៀលថ្ងៃទី៩ ខែមីនា ឆ្នាំ២០១៧ ដែលករណីនេះកើតឡើងនៅភូមិចំការជោរ ឃុំពើក ស្រុកអង្គស្នួល ខេត្តកណ្តាល ។ ស្ត្រីសម្លាប់ខ្លួននោះ ឈ្មោះយស់ ស្តើង អាយុ៣៩ឆ្នាំ ជាកសិករ មានទីលំនៅក្នុងភូមិឃុំកើតហេតុខាងលើ ។
តាមមន្ត្រីនគរបាលស្រុកអង្គស្នួលបានឲ្យដឹងថា នៅមុនពេលកើតហេតុ២ទៅ៣ថ្ងៃ ស្ត្រីរងគ្រោះបាននិយាយប្រាប់ប្ដីថា នាងពិបាកចិត្តខ្លាំងណាស់ ព្រោះខ្លួនក្រីក្រហើយជំពាក់លុយគេច្រើនពេក និងមិនដឹងថាបានលុយពីណាដើម្បីសងគេទេ ប៉ុន្តែបុរសជាប្ដីមិនបានដឹងថា ប្រពន្ធគាត់ជំពាក់លុយគេប៉ុន្មាននោះឡើយ ។
លុះដល់ថ្ងៃទី៩ មីនា ដែលជាថ្ងៃកើតហេតុនាងក៏បានត្អូញត្អែរពីរឿងនោះម្ដងទៀតនៅនឹងមុខប្ដី ប៉ុន្តែប្ដីមិនបានចាប់អរម្មណ៍ថានាងចង់សម្លាប់ខ្លួននោះឡើយក៏បាននិយាយលួងលោមប្រពន្ធឈប់ឲ្យពិបាកចិត្តទៅ ។ រហូតដល់វេលាម៉ោងប្រហែល១២ថ្ងៃត្រង់ថ្ងៃដដែលនោះ ស្ត្រីខាងលើបានដួសបបរហូបដោយបានយកថ្នាំបំពុលកុកប្រឡាក់ជាមួយត្រីឆ្លូញរួចហូបជាមួយបបរ ខណៈនោះបុរសជាប្ដីបានឃើញប្រពន្ធគាត់ដួសបបរហូបក៏បានដើរទៅមើលឃើញចានប្រឡាក់ម្សៅពណ៌ខ្មៅមានការសង្ស័យដែរ ប៉ុន្តែមិនដឹងថាជាថ្នាំបំពុលកុកនោះឡើយ។ ពេលនោះដោយមានការងឿងឆ្ងល់ បុរសជាប្ដីបានសួរទៅប្រពន្ធថា «តើស្អីគេហ្នឹងខ្មៅៗអញ្ចឹង0x017d7» ភ្លាមនោះស្ត្រីជាប្រពន្ធបានឆ្លើយថា «ល្ងប្រឡាក់ជាមួយត្រីឆ្លូញ» ។
ប្រភពបានបន្តថា បន្ទាប់ពីសួររួចបុរសជាប្ដីក៏បានដើរចេញទៅបាត់ លុះមួយសន្ទុះក្រោយមកទៅមើលម្ដងទៀត ឃើញសម្បកថ្នាំបំពុលកុក ទើបដឹងថាចានដែលប្រឡាក់ម្សៅពណ៌ខ្មៅនោះ មិនមែនជាល្ងឡើយគឺប្រពន្ធយកថ្នាំបំពុលកុកប្រឡាក់ជាមួយត្រីឆ្លូញមកហូប រីឯប្រពន្ធប្រកាច់បែកពពុះមាត់បាត់ទៅហើយ ក៏ស្រែកឆោឡោផ្អើលដល់អ្នកភូមិ និងបាននាំគ្នាយករ៉ឺម៉កម៉ូតូដឹកទៅកាន់មន្ទីរពេទ្យបង្អែកស្រុកអង្គស្នួលដើម្បីសង្គ្រោះបន្ទាន់ ។ ពេលទៅដល់គ្រូពេទ្យបានជួយសង្គ្រោះភ្លាមៗ ប៉ុន្តែដោយសារនាងមានអាការៈធ្ងន់ធ្ងរពេកក៏បានស្លាប់នៅវេលាម៉ោង៣និង៣០នាទីរសៀលថ្ងៃដដែលនោះ ។
ជុំវិញការសម្លាប់ខ្លួននេះបើតាមនគរបាលដែលចុះពិនិត្យបានបញ្ជាក់ថា ក្រុមជំនាញមានកម្លាំងនគរបាលបច្ចេកទេសស្រុកអង្គស្នួល កម្លាំងនគរបាលប៉ុស្ដិ៍ និងគ្រូពេទ្យ រួមជាមួយអាជ្ញាធរសង្កាត់ បានពិនិត្យឃើញថា ស្ត្រីរងគ្រោះពិតជាបានធ្វើអត្តឃាតដោយថ្នាំបំពុលកុកប្រាកដមែន ៕
ចែករំលែកព័តមាននេះ