ខេត្តកោះកុង ៖ នៅវេលាម៉ោង១១ព្រឹកថ្ងៃទី១០ មីនា ទូកនេសាទមួយគ្រឿងត្រូវបានឆាបឆេះ ខណៈពេលដែលម្ចាស់ទូកបានហៅជាងមកផ្សារស៊ីមាំងទូកដែលពុកធ្លាយ ហើយកំទិចធូបផ្សារបានធ្លាក់ទៅចំធុងប្រេងបង្កឱ្យមានអណ្តាតភ្លើងឆាបឆេះតែម្តង ។
ខេត្តកោះកុង ៖ នៅវេលាម៉ោង១១ព្រឹកថ្ងៃទី១០ មីនា ទូកនេសាទមួយគ្រឿងត្រូវបានឆាបឆេះ ខណៈពេលដែលម្ចាស់ទូកបានហៅជាងមកផ្សារស៊ីមាំងទូកដែលពុកធ្លាយ ហើយកំទិចធូបផ្សារបានធ្លាក់ទៅចំធុងប្រេងបង្កឱ្យមានអណ្តាតភ្លើងឆាបឆេះតែម្តង ។
តាមសមត្ថកិច្ចប៉ូលិសឱ្យដឹងថា ករណីឆាបឆេះទូកនេះបានកើតឡើងនៅចំណុចភូមិ១ ឃុំប៉ាក់ខ្លង ស្រុកមណ្ឌលសីមា ខេត្តកោះកុង និងម្ចាស់ទូកឈ្មោះ សៀង លេក ជាមន្ត្រីប៉ូលិសជើងទឹកនៃនាយកដ្ឋាននគរបាលព្រំដែនទឹកហើយមានមុខរបរជាថៅកែទូកនេសាទ មានទីលំនៅកន្លែងកើតហេតុ ។ ប្រភពដដែលបញ្ជាក់ថា ដំបូងឡើងទូកខាងលើបានឆាបឆេះនៅខាងក្រោយផ្ទះតែម្តង តែដោយខ្លាចអណ្តាតភ្លើងរាលដាលឆេះដល់ផ្ទះ កម្មករដែលជាជាងផ្សារបាននាំគ្នារុញទូកឱ្យពេញផុតឆ្ងាយពីមាត់ច្រាំង ហេតុនេះទូកក៏ចេះតែអណ្តែតរសាត់តាមចរន្តទឹកហូរឆ្ងាយទៅៗរួចគឿងនៅចំណុចខ្សាច់ដុះ កណ្តាលដៃសមុទ្រនាឆ្នេរប៉ាក់ខ្លង រហូតដល់ទូកឆេះអស់ គ្មានសមត្ថកិច្ចណាអាចជួយពន្លត់បានឡើយ ។
ប្រភពដដែលបានបន្តឪ្យដឹងថា ទូកដែលឆេះខាងលើនេះជាទូកនេសាទប្រភេទទូកភ្លើង ទូកនេះសំរាប់តែបើកភ្លើងរាប់រយអំពូលចោលនៅក្នុងសមុទ្រសំរាប់ហៅត្រីសមុទ្រមកលេងភ្លើង បន្ទាប់មកគេយកទូកអួនមកព័ទ្ឋយកត្រីដែលមករោមលេងភ្លើងនោះតែម្តង ។ ប្រភពបន្តថា ក្នុងទូកអួនមួយគ្រឿងត្រូវមានទូកភ្លើងពី 5 ទៅ 8 គ្រឿងសំរាប់ បំភ្លឺហៅត្រី ហើយទូកអួនបន្តព័ទ្ឋយកត្រីតាមទូកភ្លើងពីមួយទៅមួយរហូតតែម្តង។ ទូកប្រភេទនេះមានតម្លៃប្រមាណពី 6ទៅ8 ម៉ឺនដុល្លារប៉ុណ្ណោះក្នងមួយគ្រឿង តែបើទូកអួនវិញមានតម្លៃ ពី50 ទៅ 60 ម៉ឺនដុល្លារឯណោះ ។ ហើយការធ្វើនេសាទបែបនេះ អាចនឹងហិនហោចធនធានក្នុងសមុទ្រយ៉ាងឆាប់រហ័សបំផុត ៕
ចែករំលែកព័តមាននេះ