ខេត្តបន្ទាយមានជ័យ ៖ លោកអភិបាលខេត្តបានសុំឱ្យអាជីវករកម្ពុជាលក់ដូរនៅផ្សាររុងក្លឿប្រទេសថៃ ចំពោះទំនិញដែលប៉ះពាល់ និងរំលោ.ភកម្មសិទ្ធិបញ្ញាយកចូលមកលក់នៅក្នុងដីកម្ពុជាវិញ ដែលលើកឡើងក្នុងកិច្ចប្រជុំរកដំណោះស្រាយតែមិនទទួលបានលទ្ធផល
ខេត្តបន្ទាយមានជ័យ ៖ លោកអភិបាលខេត្តបានសុំឱ្យអាជីវករកម្ពុជាលក់ដូរនៅផ្សាររុងក្លឿប្រទេសថៃ ចំពោះទំនិញដែលប៉ះពាល់ និងរំលោភកម្មសិទ្ធិបញ្ញាយកចូលមកលក់នៅក្នុងដីកម្ពុជាវិញ ដែលលើកឡើងក្នុងកិច្ចប្រជុំរកដំណោះស្រាយតែមិនទទួលបានលទ្ធផលនៅរសៀលថ្ងៃទី៨ មីនា នៅសាលប្រជុំស្រុកអារញ្ញប្រថេត ប្រទេសថៃ ។ ក្នុងកិច្ចប្រជុំនោះលោក ខ្លាណារ៉ុង ភុងចារើន អភិបាលខេត្តស្រះកែវប្រទេសថៃបានលើកឡើងថាប្រទេសថៃជាសមាជិកអង្គការពាណិជ្ជកម្មពិភពលោភ និងបានចុះហត្ថលេខាលើសិទ្ធិកិច្ចព្រមព្រៀងពាណិជ្ជកម្មស្តីពីកម្មសិទ្ធិបញ្ញា ។ ហើយក្រុមហ៊ុនដែលដាក់វិនិយោគទុនក៏បានរកឃើញ ទំនិញប៉ះពាល់ និងរំលោភកម្មសិទ្ធិបញ្ញានៅផ្សាររុងក្លឿប្រទេសថៃ ហើយមន្ត្រីជំនាញបានណែនាំដល់អាជីវករដែលមានលក់ទំនិញរំលោភកម្មសិទ្ធិបញ្ញាឱ្យបញ្ឈប់ការដាក់លក់នៅក្នុងទឹកដីថៃ ។
លោកបានបញ្ជាក់ថា ក្រោយពេលផ្សព្វផ្សាយណែនាំដល់អាជីវករដែលលក់ទំនិញរំលោភកម្មសិទ្ធិបញ្ញាហើយ អាជីវករកម្ពុជាលក់ដូរនៅផ្សាររុងក្លឿនៅតែបន្តដាក់លក់ ដែលធ្វើឱ្យប៉ះពាល់ដល់ក្រុមហ៊ុនដែលមានកម្មសិទ្ធិបញ្ញានៅប្រទេសថៃ ទើបក្រុមហ៊ុនបានប្តឹងទៅអាជ្ញាធរមានសមត្តកិច្ចថៃចុះបង្ក្រាប និងប្រមូលទំនិញដែលរំលោភកម្មសិទ្ធិបញ្ញាទាំងនោះ ។
លោក ខ្លាណារ៉ុង ភុងចារើន បានបញ្ជាក់ថា កាលពីសប្តាហ៍មុនអាជ្ញាធរថៃបានសហការជាមួយអាជ្ញាធរកម្ពុជាបានធ្វើការផ្សព្វផ្សាយណែនាំដល់អាជីករកម្ពុជាលក់ដូរទំនិញផ្សាររុងក្លឿឱ្យបញ្ឈប់ការដាក់លក់ទំនិញប៉ះពាល់ និងរំលោភកម្មសិទ្ធិបញ្ញា ដោយទុកពេលឱ្យអាជីវករកម្ពុជានាំទំនិញត្រឡប់ទៅលក់ដូរនៅកម្ពុជាវិញ តែបើនៅតែបន្តលក់គឺនឹងអនុវត្តតាមច្បាប់ ។
លោក សួន បវរ អភិបាលខេត្តបានប្រាប់ថា ភាគីដែលអញ្ជើញកម្ពុជាចូលរួមប្រជុំនេះគឺផ្សព្វផ្សាយប្រាប់ឱ្យបានដឹងថា និងរឹតបណ្តឹងរឿងទំនិញដែលដាក់លក់នៅផ្សាររុងក្លឿប្រទេសថៃដែលធ្វើឱ្យមានការប៉ះពាល់ និងរំលោភកម្មសិទ្ធិបញ្ញាដោយភាគីថៃទុកពេលតាមកំណត់ដល់អាជីករកម្ពុជាលក់ដូរនៅផ្សាររុងក្លឿ ដែលមានទំនិញប៉ះពាល់ និងរំលោភកម្មសិទ្ធបញ្ញាត្រូវបញ្ឈប់ការលក់ ហើយត្រូវនាំចូលទៅកម្ពុជាវិញ ។
លោកបានសុំណូមពរដល់អាជីវករកម្ពុជាដែលមានទំនិញដែលភាគីថៃចោទប្រកាន់រំលោភសិទ្ធិបញ្ញានោះ ត្រូវនាំចូលទៅប្រទេសកម្ពុជាវិញ ព្រោះនៅក្រុងប៉ោយប៉ែតមានផ្សារដែលរងចាំអាជីវករខ្មែរចូលទៅលក់ដូរ ហើយបើថៃចង់បានគឺត្រូវចូលទៅទិញក្នុងទឹកដីកម្ពុជាវិញដែលធ្វើឱ្យមានចំណូលថវិការចូលរដ្ឋ និងចំណេញទាំងថ្លៃតូប ជាជាងការជួលតូបនៅប្រទេសថៃនិងលក់ដូរនៅក្នុងដីថៃ ៕
ចែករំលែកព័តមាននេះ