សាច់មាន់និងប្រហិតខូចគុណភាពជាង១តោននាំចូលពីថៃ
ខេត្តបន្ទាយមានជ័យ៖ មន្ត្រីជំនាញកាំកុងត្រូលបានឆែកឆេររទេះសង្ស័យ០២លើក រកឃើញសាច់មាន់និងប្រហិតខូចគុណភាពជាង១តោន នៅច្រកទ្វារអន្តរជាតិប៉ោយប៉ែត។
ខេត្តបន្ទាយមានជ័យ៖ មន្ត្រីជំនាញកាំកុងត្រូលបានឆែកឆេររទេះសង្ស័យ០២លើក រកឃើញសាច់មាន់និងប្រហិតខូចគុណភាពជាង១តោន នៅច្រកទ្វារអន្តរជាតិប៉ោយប៉ែត។
សាច់មាន់និងប្រហិតខូចគុណភាពខាងលើត្រូវបានឈ្មួញលួចដឹកបង្កប់តាមរទេះចេញពីដីថៃនិងត្រូវបានមន្ត្រីកាំកុងត្រូលឆែកឃើញចំនួន០២លើកនោះគឺ លើកទី០១កាលពីវេលាម៉ោង១១និង៣០នាទីថ្ងៃត្រង់ថ្ងៃទី០៩ មីនា រកឃើញសាច់មាន់សុទ្ធចំនួន300គីឡូក្រាម និង លើកទី២ ឆែកឃើញនៅរសៀលថ្ងៃព្រហស្បតិ៍ដដែល រកឃើញសាច់មាន់៣០០គីឡូក្រាម និងប្រហិត៧០០គីឡូក្រាម។
បើតាមអ្នកឆ្លើយឆ្លងព័ត៌មានកោះសន្តិភាពបានឲ្យដឹងទៀតថា រទេះទី២នេះ មិនត្រឹមតែលួចបង្កប់សាច់មាននិងប្រហិតខូចគុណភាពប៉ុណ្ណោះទេ ថែមទាំងលួចបង្កប់ទំនិញគេចពន្ឋផ្សេងៗទៀត ដូចជាទឹកត្រឡាចកំប៉ុង១២០កេស ទឹកក្រូច២០យួរ និងទំនិញផ្សេងៗមួយចំនួនទៀត។
ការឆែកឆេររទេះសង្ស័យនេះ មន្ត្រីជំនាញកាំកុងត្រូលសហការជាមួយមន្ត្រីគយធ្វើការរួមគ្នា។
លោក ស៊ាន ស៊ីណាត ប្រធានសាខាកាំកុងត្រូលខេត្តបន្ទាយមានជ័យបានប្រាប់កោះសន្តិភាពថា ក្រោយពីមានសេចក្តីរាយការពីបណ្តាញថាមានឈ្មួញលួចដឹកសាច់មាន់និង ប្រហិតខូចគុណភាពចេញពីដីថៃ លោកក៍បានអនុញ្ញាតឲ្យលោក ហុង លាង អនុប្រធានសាខាកាំកុងត្រូល សហការជាមួយមន្ត្រីជំនាញពាក់ព័ន្ធធ្វើការឆែកឆេររទេះសង្ស័យស្រាប់តែប្រទះឃើញទំនិញខូចគុណភាពខាងលើតែម្តង។
លោកប្រធានសាខាកាំកុងត្រូលបន្តថា សាច់មាន់និងប្រហិតខូចគុណភាពទាំងអស់នឹងយកទៅដុតកំទេចចោលនៅរសៀលថ្ងៃទី០៩ មីនាដដែលនេះ៕
ចែករំលែកព័តមាននេះ