ADផ្ទាំងផ្សព្វផ្សាយពាណិជ្ជកម្ម

Picture

សម្រេចឃុំខ្លួនវៀតណាម និងខ្មែរ១៦នាក់ ទៅពន្ធនាគារខេត្ត និងបណ្តេញ៧នាក់ទៅប្រទេស ករណីបង្ខាំងមនុស្សខុសច្បាប់

1 ខែ មុន
  • សៀមរាប

ខេត្តសៀមរាប ៖ ទីបំផុត​តុលាការ​សម្រេច​ឃុំខ្លួន​ជនជាតិ​វៀតណាម និង​ខ្មែរ​ប្រុស ស្រី​១៦​នាក់​ទៅ​ពន្ធនាគារ​ខេត្ត និង​បណ្តេញ​ទៅ​ប្រទេស​វិញ​៧​នាក់ ហើយ​ឱ្យ​ត្រឡប់​ទៅ​លំនៅ​ដ្ឋា​ន​វិញ​ចំនួន​៣​នាក់ ក្នុង​ករណី​បង្ខាំង​មនុស្ស​ខុសច្បាប់ ។ បើ​តាម​លោក​វរសេនីយ៍ឯក…

ខេត្តសៀមរាប ៖ ទីបំផុត​តុលាការ​សម្រេច​ឃុំខ្លួន​ជនជាតិ​វៀតណាម និង​ខ្មែរ​ប្រុស ស្រី​១៦​នាក់​ទៅ​ពន្ធនាគារ​ខេត្ត និង​បណ្តេញ​ទៅ​ប្រទេស​វិញ​៧​នាក់ ហើយ​ឱ្យ​ត្រឡប់​ទៅ​លំនៅ​ដ្ឋា​ន​វិញ​ចំនួន​៣​នាក់ ក្នុង​ករណី​បង្ខាំង​មនុស្ស​ខុសច្បាប់ ។

Picture

បើ​តាម​លោក​វរសេនីយ៍ឯក តូច សុគន្ធ ស្នងការ​រង​ទទួល​ផែនការ​ងារ​អន្តោប្រវេសន៍​នៃ​ស្នងការដ្ឋាន​នគរបាល​ខេត្តសៀមរាប បាន​ប្រាប់​ភ្នាក់ងារ​កោះសន្តិភាព​នៅ​វេលា​ម៉ោង​១០​និង​៣០​នាទី​ព្រឹក ថ្ងៃ​ទី​០៣ ខែតុលា ឆ្នាំ​២០២២​នេះ​ថា ដោយ​មាន​បទបញ្ជា និង​ចង្អុលបង្ហាញ​ពី​ឧត្តមសេនីយ៍ត្រី តេ​ង ច័ន្ទ​ណាត ស្នងការដ្ឋាន​នគរបាល​ខេត្តសៀមរាប និង​ដោយ​មានការ​សម្របសម្រួល​នីតិវិធី​ដោយ​លោក យិ​ន មុនី​រិ​ទ្ធ ព្រះរាជអាជ្ញា​រង​អម​សាលាដំបូង​ខេត្តសៀមរាប​បានឱ្យ​លោក​ដឹកនាំ​កម្លាំង​ផែនការ​ងារ​អន្តោប្រវេសន៍​ចុះ​សហការ​ជាមួយ​កម្លាំង​អធិការដ្ឋាន​នគរបាល​ក្រុង​សៀមរាប​-​ស្រុក​ក្រឡាញ់ ចុះ​បង្ក្រាប​ករណី​ចាប់​ឃុំឃាំង បង្ខាំង​មនុស្ស​ខុសច្បាប់ ចំនួន​០៣​ទីតាំង​ផ្សេង​គ្នា​ឃាត់ខ្លួន​មនុស្ស​ប្រុស​ស្រី​ចំនួន​២៦​នាក់ ស្រី​១០​នាក់ (​វៀតណាម​២៣​នាក់​-​ខ្មែរ​០៣​នាក់​) រំដោះ​ជន​រង​គ្រោះ​ចំនួន​០១​នាក់ ស្រី (​វៀតណាម​) ដូច​ខាងក្រោម ៖ ទីតាំង​ទី​១-​នៅ​ចំនុច​ផ្លូវបំបែក​អក្សរ​T (​ផ្លូវជាតិ​លេខ​៦) ក្នុងភូមិ​ក្រឡាញ់ ឃុំ​ក្រឡាញ់ ស្រុក​ក្រឡាញ់ ខេត្តសៀមរាប ឃាត់ខ្លួន​មនុស្ស​ចំនួន​០៨​នាក់ ស្រី​០១​នាក់​(​វៀតណាម​៦-​ខ្មែរ​២)​។ ២-​នៅ​ចំនុច​ឃ្លាំង​ជួល ភូមិ​ក្រសាំង សង្កាត់​ជ្រាវ ក្រុង​/​ខេត្តសៀមរាប ឃាត់ខ្លួន​មនុស្ស​ចំនួន​០៨​នាក់ ស្រី​០៤​នាក់ (​វៀតណាម​៧-​ខ្មែរ​១) រំដោះ​ជន​រង​គ្រោះ​ចំនួន​០១​នាក់ ស្រី (​ជនជាតិ​វៀតណាម​)​។ ៣-​នៅ​ចំនុច​ផ្ទះ​វីឡា​ជួល ស្ថិត​នៅ​ភូមិ​គ្រួ​ស សង្កាត់​ស្វាយ​ដង្គំ ក្រុង​/​ខេត្តសៀមរាប ឃាត់ខ្លួន​មនុស្ស​ចំនួន​១០​នាក់ ស្រី​០៥​នាក់ (​វៀតណាម​)​។

Picture

លោក​បាន​បន្ថែម​ទៀត​ថា បន្ទាប់​ពី​ធ្វើការ​ឃាត់ខ្លួន​បាន​ជនសង្ស័យ និង​ជន​រង​គ្រោះ​រួច​នាំ​យក​មក​សួរនាំ​នៅ​ស្នងការដ្ឋាន​នគរបាល​ខេត្ត រួច​មក​កម្លាំង​ការិយាល័យ​នគរបាល​ជំនាញ​បាន​បញ្ជូន​ទៅ​កាន់​តុលាការខេត្ត​សួរនាំ​បន្ត​ទៅ​តាម​នីតិវិធី​ច្បាប់​។

លោក បាន​បញ្ជាក់​ថា ក្រោយ​តុលាការ​សួរនាំ​រួច​ក៏​បាន​សម្រេច​ឱ្យ​កម្លាំង​ការិយាល័យ​អន្តោប្រវេសន៍​រៀបចំ​បញ្ជូន​ខ្លួន​ជនសង្ស័យ​ប្រុស​ស្រី ជនជាតិ​វៀតណាម និង​ជនជាតិ​ខ្មែរ​ចំនួន​១៦​នាក់ ទៅ​ដាក់​ពន្ធនាគារ​ខេត្តសៀមរាប​បណ្តោះអាសន្ន និង​បណ្តេញ​ទៅ​ប្រទេស​វៀតណាម​វិញ ប្រុស​ស្រី​ចំនួន​៧​នាក់ និង​ចំនួន ៣​នាក់ ជា​ជនជាតិ​វៀតណាម ដែល​មាន​បា​ស្ព័​រ​លិខិតឆ្លងដែន​ត្រឹមត្រូវ​ឱ្យ​ត្រឡប់​ទៅ​លំនៅ​ដ្ឋា​ន​វិញ​ក្នុង​ករណី​បង្ខាំង​មនុស្ស​ខុសច្បាប់ កាលពី​វេលា​ម៉ោង​១១​និង​២៥​នាទី ថ្ងៃ​ទី​២៥ ខែកញ្ញា ឆ្នាំ​២០២២ ស្ថិត​នៅ​ទីតាំង​៣​ផ្សេង​គ្នា​ក្នុង​ខេត្តសៀមរាប​កន្លង​ទៅ​ថ្មី​ៗ​នេះ​។

Picture

បច្ចុប្បន្ន​ជនសង្ស័យ ប្រុស ស្រី ចំនួន​១៦​នាក់ ត្រូវ​បាន​តុលាការ​សម្រេច​ឃុំខ្លួន​បណ្ដោះអាសន្ន ដោយ​ចោទ​ចំនួន​៤​ករណី​ពី​បទ​១-​បទ​អំពើ​លក់ដូរ​មនុស្ស​ដោយ​មាន​គោលដៅ (​ដោយ​ក្រុម​មានការ​ចាត់តាំង​)​។ ២-​បទ ការ​ចាប់​ការ​ឃុំឃាំង និង​បង្ខាំង​ដោយ​ខុសច្បាប់ មាន​ស្ថាន​ទម្ងន់ទោស​(​ធ្វើ​ទារុណកម្ម​ជម្រិត​ទារប្រាក់​)​។ ៣-​បទ ការ​ទទួល យក​មនុស្ស​ដោយ​មាន​គោលដៅ​ជួយ​ដល់​ជនល្មើស​។ ៤-​បទ លួច​ឆ្លង​ដែន​ខុសច្បាប់​។

ចំណែក​ជនជាតិ​វៀតណាម ប្រុស​ស្រី​ចំនួន​៧​នាក់ ត្រូវ​បាន​កម្លាំង​ការិយាល័យ​នគរបាល​ជំនាញ​រៀបចំ​កសាង​ឯកសារ​បញ្ជូន​បណ្តេញ​ចេញពី​ប្រទេស​កម្ពុជា​ឱ្យទៅ​ប្រទេស​វៀតណាម​វិញ និង​ចំនួន​៣​នាក់ ជា​ជនជាតិ​វៀតណាម​ដែល​មាន​បា​ស្ព័​រ​លិខិតឆ្លងដែន​ត្រឹមត្រូវ​ឱ្យ​ត្រឡប់​ទៅ​លំនៅ​ដ្ឋា​ន​វិញ​៕

Picture
Picture