ជាការពិតណាស់ កាលពីថ្ងៃទី០១ ខែតុលា ឆ្នាំ២០២២ ម្សិលមិញនេះ គឺជាសប្ដាហ៍ដំបូងរបស់កម្មវីធីប្រឡងចម្រៀងកុមារលំដាប់ពិភពលោក The Voice kids Cambodia រដូវកាលទី៣ វគ្គ Blind Auditions សប្តាហ៍ទី១ ហើយកុមារាដែលអាចឡើងទៅកាន់វគ្គបន្តបានគឺមាន
រាជធានីភ្នំពេញ ៖ ជាការពិតណាស់ កាលពីថ្ងៃទី០១ ខែតុលា ឆ្នាំ២០២២ ម្សិលមិញនេះ គឺជាសប្ដាហ៍ដំបូងរបស់កម្មវីធីប្រឡងចម្រៀងកុមារលំដាប់ពិភពលោក The Voice kids Cambodia រដូវកាលទី៣ វគ្គ Blind Auditions សប្តាហ៍ទី១ ហើយកុមារាដែលអាចឡើងទៅកាន់វគ្គបន្តបានគឺមានចំនួន៨រូបតែប៉ុណ្ណោះ។
យ៉ាងណាមិញ ក្នុងនោះយើងសង្កេតឃើញកុមារាមួយរូប ដែលជាបេក្ខជនជើងខ្លាំងអាចឡើងទៅវគ្គបន្តបាន គឺកុមារា សារុំ បញ្ញាស័ក្ក។ កុមារា សារុំ បញ្ញាស័ក្ក មានអាយុ១៣ឆ្នាំ រៀនថ្នាក់ទី៦ នៅសាលាអន្តរជាតិ ប្រាយថាម រស់នៅក្នុងរាជធានីភ្នំពេញ។
អ្នកដែលជំរុញ និងលើកទឹកចិត្តអោយមកប្រឡងចម្រៀងក្នុងកម្មវិធីដ៏អស្ចារ្យមួយនេះ កុមារា សារុំ បញ្ញាស័ក្ក បាននិយាយថា «អ្នកដំបូង គឺជាម៉ាក់ប៉ារបស់គេផ្ទាល់តែម្ដង។ អ្នកបន្ទាប់មកក្រៅពីប៉ាម៉ាក់ គឺលោកតា លោកយាយ បងប្អូន មិត្តភក្តិ និងមនុស្សជុំវិញខ្លួនទាំងអស់ ព្រោះពួកគាត់បានមើលឃើញពីសមត្ថភាពដ៏លេចធ្លោរបស់កុមារារូបនេះ»។
តូចតែខ្លឹមពិតមែន មិនទាន់ចូលដល់ការប្រឡងចម្រៀង និងបង្ហាញសមត្ថភាពផង កុមារាតូចច្រឡឹក សារុំ បញ្ញាស័ក្ក បានបង្ហាញក្ដីសង្ឃឹមរបស់ខ្លួនឯង រហូតស្ទើរតែមួយ១០០% ទៅហើយ ជាមួយកម្លាំងចិត្ត និងក្ដីសង្ឃឹមពីប៉ា ម៉ាក់ លោកតា លោកយាយ និងបងប្អូន រួមទាំងមនុស្សជុំវិញខ្លួន។ បញ្ញាស័ក្ក បានសន្យាជាមួយម៉ាក់របស់គេថា នឹងធ្វើអោយគណៈកម្មការទាំង៣រូប គោះប៊ូតុងអោយគេទាំង៣នាក់ ដើម្បីអាចឡើងទៅកាន់វគ្គបន្តអោយទាល់តែបាន ។
ដោយឡែក គ្រប់យ៉ាងពិតជាដូចការរំពឹងទុករបស់កុមារារូបនេះប្រាកដមែន ក្នុងរាត្រីដ៏អស្ចារ្យ ម្សិលមិញនេះ កុមារា សារុំ បញ្ញាស័ក្ក អាចឆក់យកបេះដូងគណៈកម្មការទាំង៣រូប អោយគោះប៉ូតុងយករូបគេភ្លាមៗ និងដណ្ដើមគ្នាយកធ្វើជាកូនក្រុមព្រាតតែម្ដង។
មួយទៀត កុមារារូបនេះ អាចខាបយកចិត្តទស្សនិជនបានយ៉ាងងា.យស្រួល ដែលអ្នកទៅទស្សនាផ្ទាល់រំជួលចិត្តយ៉ាងខ្លាំងចំពោះសមត្ថភាពដ៏អស្ចារ្យរបស់កុមារារូបនេះ ក្នុងការបកស្រាយបទចម្រៀងមួយបទដែលមានចំណងជើងថា «ជំងឺខ្វះអ្នកថែ» ខណៈសំឡេងហូរសាទរជូន បញ្ញាស័ក្ក ឡើងកក្រើកពេញ Studio តែម្ដង។ រីឯអ្នកទស្សនាតាមការឡាយ បង្ហាញការពេញចិត្តយ៉ាងខ្លាំង ចំពោះសមត្ថភាពរបស់កុមារារូបនេះ និងមានការជូនពរយ៉ាងច្រើនលើសលប់អោយឡើងទៅកាន់វគ្គបន្តទៀត។
តាមរយៈការឡាយផ្ទាល់នោះ កុមារា សារុំ បញ្ញាស័ក្ក ដែលជាបេក្ខភាព កម្មវីធីប្រឡងចម្រៀងកុមារលំដាប់ពិភពលោក The Voice kids Cambodia រដូវកាលទី៣ ពិតជាសាកសមនឹងឡើងទៅកាន់វគ្គបន្តពិតមែន ព្រោះសមត្ថភាពក្នុងការបកស្រាយបទចម្រៀងពិតជាល្អខ្លាំង សម្លេងប្រៀបបីដូចជាមនុស្សធំតែម្ដង ខណៈបទចម្រៀងមួយបទដែលមានចំណងជើងថា «ជំងឺខ្វះអ្នកថែ» នេះ មិនងា.យស្រួលក្នុងការយកមកបកស្រាយប៉ុន្មានឡើយ ស្រែកក៏ស្រែក តឹងក៏តឹង លើដាក់តាមភ្លេងរឹងតែមិនងា.យស្រួល តែកុមារាវ័យ១៣ឆ្នាំ អាចបកស្រាយចម្រៀងមួយបទនេះ បានយ៉ាងរលូន ជាមួយសមត្ថភាពក្នុងការបង្ហាញកាយវិការយ៉ាងរស់រវើក។
រឿងមួយទៀត អ្វីដែលគួរអោយចាប់អារម្មណ៍នោះ ក្រៅពីសមត្ថភាពក្នុងការបកស្រាយបទចម្រៀងកាយវិការរស់រវើកហើយនោះ រូបសម្រស់កុមារាវ័យអាយុ១៣ឆ្នាំរុបនេះ ទាំងការលេងស្ទាយតុបតែងខ្លួន ចេញមកដូចតារាចម្រៀងអាជីព រហូតធ្វើអោយគណៈកម្មការទាំង៣រូបសរសើរមិនដាច់ពីមាត់ឡើយ ជាពិសេសអ្នកគាំទ្រ គឺសរសើរមិនដាច់ពីមាត់តែម្ដង។ ចំណុចពិសេសមួយទៀត កុមារារូបនេះ ពិតជាប្រជាប្រិយខ្លាំងណាស់ កាយវិការរស់រវើកលើកដៃសមពះអរគុណទស្សនិជន និងអ្នកគាំទ្រ ជាមួយស្នាមញញឹមបិតមាត់មិនជិត និងកាយវិការគួរអោយស្រលាញ់។
គួរបញ្ជាក់ផងដែរថា កុមារដែលអាចឆ្លងផុតវគ្គ Blind Auditions ទាំងអស់គឺ៨នាក់ ក្នុងនោះស្រី៦ និងប្រុស២នាក់តែប៉ុណ្ណោះ។ ក្នុងនោះមានឈ្មោះដូចជា ៖ កុមារា សារុំ បញ្ញាស័ក្ក, កុមារា រ៉ុម សេរីភាព, កុមារី កែវ ហ្សាណា, កុមារី អ៊ូឆេងមួយ, កុមារី យីម រ៉ានី, កុមារី ឌី ស្រីដាវ, កុមារី ពិសី ស្រីនីន និងកុមារី ទេព ស៊នមួយលីន៕
ចែករំលែកព័តមាននេះ