ពងមាន់កុំជល់ថ្ម
ធ្វើនយោបាយ…ឬធ្វើមេដឹកនាំគណបក្សមានគោលបំណងចង់ដឹកនាំប្រទេស ប្រសិនបានឈ្នះដោយការបោះឆ្នោត…ឱ្យតែឈ្នះ
ធ្វើនយោបាយ…ឬធ្វើមេដឹកនាំគណបក្សមានគោលបំណងចង់ដឹកនាំប្រទេស ប្រសិនបានឈ្នះដោយការបោះឆ្នោត…ឱ្យតែឈ្នះ ។
ប្រទេសកាន់លទ្ធិប្រជាធិបតេយ្យ សេរីនិយមពហុបក្ស ត្រូវតែមានបំណងបែបខាងលើ…ទោះត្រូវចំណាយអស់ប៉ុន្មានក៏អស់ទៅ…តាមលទ្ធភាពដែលមាន…ឱ្យ
តែឈ្នះ ។ទោះត្រូវវ៉ៃ…ទោះត្រូវធ្វើអន់ក៏ដោយក៏ធ្វើដែរ…ដើម្បីឆ្ពោះទៅរកជ័យជម្នះ…ធ្វើចាញ់ដើម្បីឈ្នះ…ធ្វើឈ្នះដើម្បីឈ្នះ…។ បើធ្វើឫកកោង…ធ្វើឫកឈ្នះដើម្បីចាញ់សូមកុំធ្វើ !
កុំភ្លេចថាកម្ពុជា ជាកោះសន្តិភាព…កោះសន្តិភាពនេះបានមកដោយសារនយោបាយឈ្នះ…ឈ្នះ…របស់តេជោសែន…។ ខ្មែរក្រហមរលំរលាយ…មិនមែនដោយសារអ៊ុនតាក់ទេ ! អ៊ុនតាក់ចប់បេសកកម្មនៅកម្ពុជា…ពេលនោះខ្មែរក្រហមនៅមានអង្គការចាត់តាំង…នៅមានកម្លាំងវាយប្រហារ ហ៊ុន សែន នៅឡើយទេ…។
នយោបាយឈ្នះ…ឈ្នះ…របស់តេជោសែន បានអូសទាញយកមេខ្មែរក្រហមក្បាលរឹងទាំងឡាយ…មានអៀង សារី ខៀវ សំផន, នួន ជា, តាម៉ុកឱ្យរលំរលាយ…រហូតដល់កម្ពុជាទាំងមូលក្លាយជា «កោះសន្តិភាព» និងទទួលបានឈ្មោះថា តេជោសែនជា«ស្ថាបនិក សន្តិភាព» នៅកម្ពុជាទៀតផង…មានឈ្មោះជាប្រវត្តិសាស្ត្រប៉ុណ្ណឹងហើយ…ឱ្យចាញ់ម៉េចបានទៅ ? !
សម័យកាលនេះ ស្រួលដូចបកចេក…បក្សប្រឆាំងមួយដែលធ្វើនយោបាយ គ្មានទិសដៅ…ជាបក្សដែលមេដឹកនាំមានគោលជំហរឃ្លីងឃ្លោង…មានសកម្មភាពស្មោគគ្រោក គ្មានអនាម័យ…មិនអាចក្លាយជាជើងខ្លាំង…មិនអាចផ្តួលនយោបាយរបស់តេជោសែនបានទាំងស្រុងឡើយ…។
មជ្ឈដ្ឋានទូទៅនៅកម្ពុជា…បានមើលឃើញយូរហើយ…អ្នកខ្សោយកុំចង់លេងជាមួយអ្នកខ្លាំង…។ ចាស់ៗបានចារទុកថា…ពងមាន់កុំជល់នឹងថ្ម…។ ថ្មបានត្រឹមតែប្រឡាក់ប៉ុណ្ណោះ…ចំណែកពងមាន់បែកខ្ចាយ…បែកបាក់រូបរាងកាយ រកផ្គុំគ្នាអត់បាន ។
នយោបាយទឹកចុងក្រោយនេះ…! ជានយោបាយទឹកបីយកទឹកមួយ…«មានសែនអត់ស៊ី»កើតមានយ៉ាងពិតប្រាកដ…ប៉ុន្តែសង្ស័យ «មានសែនមានខា» មកជំនួសវិញ…។ បើដូច្នោះមែន ទុកឱ្យ«ស៊ី»ក្អួតឈាមហើយ…
មានតែផ្លូវមួយនេះទេ ដែលបក្សប្រឆាំងគួរស្វាគមន៍…ក្រែងមានកៅអីអង្គុយខ្លះក្នុងរដ្ឋសភា…ជាជាងនាំគ្នាទៅអង្គុយសរសេរកាសែតឥតប្រយោជន៍…ហេ ! ហេ !
អាឡេវ
ចែករំលែកព័តមាននេះ