ខេត្តបាត់ដំបង ៖ សេចក្តីរាយការណ៍បានឱ្យដឹងថា លោកផូ សុងហេង វិចិត្រករអ្នកស្ថាបនារូបសំណាកលោកតាដំបងគ្រញូងដ៏ល្បីល្បាញក្នុងខេត្តបាត់ដំបង បានទទួលមរណភាពកាលពីម៉ោង០៦ព្រឹកថ្ងៃទី០៨ មីនា នេះ ដោយសារជំងឺដាច់សរសៃឈាមខួរ
ក្បាល ។
ខេត្តបាត់ដំបង ៖ សេចក្តីរាយការណ៍បានឱ្យដឹងថា លោកផូ សុងហេង វិចិត្រករអ្នកស្ថាបនារូបសំណាកលោកតាដំបងគ្រញូងដ៏
ល្បីល្បាញក្នុងខេត្តបាត់ដំបង បានទទួលមរណភាពកាលពីម៉ោង០៦ព្រឹកថ្ងៃទី០៨ មីនា នេះ ដោយសារជំងឺដាច់សរសៃឈាមខួរក្បាល ។
លោកផូ សុងហេង បានទទួលមរណភាពក្នុងជន្មាយុ៧៥ឆ្នាំ មានភរិយាឈ្មោះវ៉ាត អ៊ាង អាយុ៤៩ឆ្នាំ រស់នៅភូមិរំចេក៤ សង្កាត់រតន: ក្រុងបាត់ដំបង ។
ប្រភពឱ្យដឹងទៀតថា មុនពេលលោកទទួលមរណភាពនោះ នៅយប់ថ្ងៃទី០៧ មីនា លោកផូ សុងហេង បានរអិលដូលសន្លប់នៅក្នុងបន្ទប់ទឹក ហើយត្រូវក្រុមគ្រួសារបញ្ជូនទៅកាន់មន្ទីរពេទ្យ ដើម្បីសង្គ្រោះទាំងយប់ ។ ប៉ុន្តែដោយសារសម្ពាធឈាមឡើងដល់កម្រិតចូលក្នុងខួរក្បាល ដែលគ្រូពេទ្យមិនអាចជួយបាន ទើបក្រុមគ្រួសារសម្រេចដឹកមកកាន់លំនៅឋានវិញ លុះនៅព្រឹកថ្ងៃទី០៨មីនា លោកក៏បានទទូលមរណភាពតែម្តង។
គួរបញ្ជាក់ថា លោកផូ សុងហេង ត្រូវគេស្គាល់ថា ជាវិចិត្រករដ៏ល្បីល្បាញមួយរូបនៅក្នុងខេត្តបាត់ដំបង ។ លោកគឺជាវិចិត្រករផ្នែកសូន្យរូប ហើយក៏ជាអ្នកស្ថាបនារូបសំណាកលោកតាដំបងគ្រញូង ដែលជាទីសក្ការៈពូកែសាកសិទ្ធ និងជានិម្មិតរូបនៃខេត្តបាត់ដំបងផងដែរ ។ មិនតែប៉ុណ្ណោះ លោកក៏ធ្លាប់ឆ្លាក់ក្បាច់រចនានៅអគារមួយចំនួន នៅក្នុងបរមរាជវាំងទៀតផង តែពេលនេះលោកបានលាចាកលោកហើយ ។
ចែករំលែកព័តមាននេះ