សម្តេចតេជោ ហ៊ុន សែន ៖ ស្ត្រីខ្មែរ១៥១នាក់ចូលរួមរក្សាសន្តិភាពនៅប្រទេសនានា
រាជធានីភ្នំពេញ ៖ សម្តេចអគ្គមហាសេនាបតីតេជោ ហ៊ុន សែន បានមានប្រសាសន៍ថា កងកម្លាំងស្រ្តីចំនួន១៥១នាក់ ក្នុងចំណោមកងទ័ពចំនួន ៤,១៧៧នាក់ បានត្រូវ
រាជធានីភ្នំពេញ ៖ សម្តេចអគ្គមហាសេនាបតីតេជោ ហ៊ុន សែន បានមានប្រសាសន៍ថា កងកម្លាំងស្ត្រីចំនួន១៥១នាក់ ក្នុងចំណោមកងទ័ពចំនួន ៤,១៧៧នាក់ បានត្រូវបញ្ជូនទៅថែររក្សាសុខសន្តិភាពនៅតាមបណ្តាប្រទេសនានាលើពិភពលោកជ្រកក្រោមទង់អង្គការសហប្រជាជាតិ ដូចជាប្រទេសស៊ូដង់ សូម៉ាលី និងអាហ្វ្រិកកណ្តាលជាដើម។
សម្តេចតេជោនាយករដ្ឋមន្ត្រីមានប្រសាសន៍ខាងលើបែបនេះ បានធ្វើឡើងក្នុងកាសដែលសម្តេចនិងសម្តេចកិត្តិព្រឹទ្ឋបណ្ឌិត ប៊ុន រ៉ានី ហ៊ុន សែន អញ្ជើញចូលរួមអបអរសាទរទិវា០៨ មីនា ខួបលើកទី១០៦ ទិវានារីអន្តរជាតិ នៅសាលមហោស្រពកោះពេជ្រ នាព្រឹកថ្ងៃទី០៨ មីនា ២០១៧ ក្រោមប្រធានប្រធាន «ស្ត្រីដើម្បីសន្តិភាព និងវឌ្ឍនភាព» ។
ក្នុងកាសនោះដែរ សម្តេចតេជោ ហ៊ុន សែន បានស្នើឲ្យមានការដាក់បេក្ខភាពស្ត្រី ជាអគ្គមេបញ្ជាការរង ជានាយសេនាធិការរង ទន្ទឹមនោះអង្គភាពកងកម្លាំងប្រដាប់អាវុធ នៅតាមបណ្តាខេត្ត ក៏គូរមានស្ត្រី ឈរនៅតំណែងរងផងដែរ ។ តែទោះជាយ៉ាងណាសម្តេច បានស្នើឲ្យស្រីទាំងអស់ពង្រឹងសមត្ថភាពខ្លួនដើម្បីកាន់នូវ តំណែងធំៗទាំងអស់នោះ។
បើតាមសម្តេចតេជោ រាជរដ្ឋាភិបាលបានដាក់ចេញរួចហើយ នូវការកំណត់ឲ្យមានអភិបាលរងខេត្តជាស្ត្រី តែបច្ចុប្បន្នមិនទាន់មានអភិបាលខេត្ត ឬ អភិបាលរាជធានីជាស្ត្រីនៅឡើយ និងស្នើឲ្យមានការរៀបចំកំណត់ខេត្តណាមួយដាក់ស្ត្រីជាអភិបាលខេត្ត ហើយបើបានពីរខេត្តរឹតតែល្អ។ សម្តេចតេជោនាយករដ្ឋមន្ត្រី ក៏ជំរុញឲ្យដាក់បេក្ខភាពស្ត្រីក្នុងតួនាទីសំខាន់ៗនៅតាមក្រសួង ស្ថាប័ននានារបស់រដ្ឋផងដែរនិងក៍បានអំពាវនាវដល់ដៃគូអភិវឌ្ឍទាំងអស់ដាក់កញ្ចប់ថវិកាដើម្បីលើកម្ពស់សមភាពយេនឌ័រនៅកម្ពុជា៕
ចែករំលែកព័តមាននេះ