ប្រជាពលរដ្ឋជាង ៤០ម៉ឺននាក់ ត្រូវចុះឈ្មោះបោះឆ្នោត នៅក្នុងឆ្នាំ២០២២ នេះ
- ភ្នំពេញ
ភ្នំពេញ៖ គ.ជ.ប បានប្រកាសពីចំនួនប្រជាពលរដ្ឋប៉ាន់ស្មាន ដែលអាចមកចុះឈ្មោះបោះឆ្នោត នៅឆ្នាំ២០២២ នេះ មានចំនួន ៤០៩ ០៥៦នាក់។ ដំណើរការពិនិត្យបញ្ជីឈ្មោះបោះឆ្នោត…
ភ្នំពេញ៖ គ.ជ.ប បានប្រកាសពីចំនួនប្រជាពលរដ្ឋប៉ាន់ស្មាន ដែលអាចមកចុះឈ្មោះបោះឆ្នោត នៅឆ្នាំ២០២២ នេះ មានចំនួន ៤០៩ ០៥៦នាក់។ ដំណើរការពិនិត្យបញ្ជីឈ្មោះបោះឆ្នោត…
ភ្នំពេញ៖ គ.ជ.ប បានប្រកាសពីចំនួនប្រជាពលរដ្ឋប៉ាន់ស្មាន ដែលអាចមកចុះឈ្មោះបោះឆ្នោត នៅឆ្នាំ២០២២ នេះ មានចំនួន ៤០៩ ០៥៦នាក់។ ដំណើរការពិនិត្យបញ្ជីឈ្មោះបោះឆ្នោត និងចុះឈ្មោះបោះឆ្នោត នឹងត្រូវធ្វើឡើង ចាប់ពីថ្ងៃទី២០ ខែតុលា ដល់ថ្ងៃទី៨ ខែធ្នូ ឆ្នាំ២០២២ នៅតាមឃុំសង្កាត់ទូទាំងប្រទេស។
គ.ជ.ប បានបើកកិច្ចប្រជុំផ្សព្វផ្សាយអំពីស្ថិតិប៉ាន់ស្មាន ពាក់ព័ន្ធនឹងការពិនិត្យបញ្ជីឈ្មោះ និងការចុះឈ្មោះបោះឆ្នោត ឆ្នាំ២០២២ កាលពីព្រឹកថ្ងៃទី៣០ ខែកញ្ញា ឆ្នាំ២០២២ នៅទីស្តីការគ.ជ.ប។
គ.ជ.ប បានប្រកាសថា ប្រជាពលរដ្ឋ មានអាយុចាប់ពី ១៨ឆ្នាំឡើង មានចំនួន ១០ ៨៧៧ ០១៧នាក់។ ក្នុងនោះ មានស្ត្រី ចំនួន ៥ ៥៦៨ ៣៩៨នាក់។ ចំណែកប្រជាពលរដ្ឋ ដែលមានឈ្មោះក្នុងបញ្ជីបោះឆ្នោតចុងក្រោយ ឆ្នាំ២០២១ មានចំនួន ៩ ២០៥ ៦៨១នាក់។
ជាមួយគ្នានឹងចំនួនប្រជាពលរដ្ឋប៉ាន់ស្មាន ដែលត្រូវចុះឈ្មោះបោះឆ្នោតថ្មី នៅឆ្នាំ២០២២ នេះ ជាង ៤០ម៉ឺននាក់ គ.ជ.ប ក៏បានប្រកាសពីចំនួនអ្នកដែលត្រូវលុបឈ្មោះចេញពីបញ្ជីបោះឆ្នោត មានចំនួន ១០៤ ៩៥៦នាក់។ អ្នកដែលត្រូវលុបឈ្មោះនេះ ដោយសារតែមរណភាព និងផ្លាស់ប្តូរទីលំនៅ ជាដើម។
សូមបញ្ជាក់ថា ប្រសិនបើប្រជាពលរដ្ឋខ្មែរ ដែលមានអាយុចាប់ពី ១៨ឆ្នាំឡើង គិតត្រឹមថ្ងៃទី២៣ ខែកក្កដា ឆ្នាំ២០២៣ មិនបានចុះឈ្មោះបោះឆ្នោត ឬក៏មិនមានឈ្មោះក្នុងបញ្ជីបោះឆ្នោត ឆ្នាំ២០២២ នេះទេ នោះនៅថ្ងៃបោះឆ្នោតជ្រើសតាំងតំណាងរាស្ត្រ នាថ្ងៃទី២៣ ខែកក្កដា ឆ្នាំ២០២៣ គឺមិនមានសិទ្ធិ ដើម្បីបោះឆ្នោតឡើយ។ ដូច្នេះក្នុងរយៈពេល ៥០ថ្ងៃ គិតចាប់ពីថ្ងៃទី២០ ខែតុលា រហូតដល់ថ្ងៃទី៨ ខែធ្នូ ឆ្នាំ២០២២ សូមទៅពិនិត្យផ្ទៀងផ្ទាត់ឈ្មោះ និងចុះឈ្មោះបោះឆ្នោត នៅតាមសាលាឃុំសង្កាត់ ដែលខ្លួនរស់នៅ៕ (រូបថតពីគជប)
ចែករំលែកព័តមាននេះ