រាជធានីភ្នំពេញ ៖ អគ្គីភ័យមួយបានឆាបឆេះតូបលក់បាយនិងតូបអ៊ុតសៀវភៅដែលនៅជាប់គ្នាអស់ទាំងស្រុងដែលគេសង្ស័យថាអាចមកពីទុស្សេខ្សែភ្លើង ។ ហេតុការណ៍នេះបង្កឲ្យមានការភ្ញាក់ផ្អើលកាលពីវេលាម៉ោង២និង៣០នាទីរំលងអធ្រាត្រឈានចូលថ្ងៃទី៧ មីនា
រាជធានីភ្នំពេញ ៖ អគ្គីភ័យមួយបានឆាបឆេះតូបលក់បាយនិងតូបអ៊ុតសៀវភៅដែលនៅជាប់គ្នាអស់ទាំងស្រុងដែលគេសង្ស័យថាអាចមកពីទុស្សេខ្សែភ្លើង ។ ហេតុការណ៍នេះបង្កឲ្យមានការភ្ញាក់ផ្អើលកាលពីវេលាម៉ោង២និង៣០នាទីរំលងអធ្រាត្រឈានចូលថ្ងៃទី៧ មីនា តាមបណ្តោយផ្លូវ៥១ នៅជាប់នឹងរបងសាលាបឋមសិក្សាដូនពេញ ស្ថិតនៅក្នុងភូមិ១២ សង្កាត់ផ្សារថ្មី៣ ខណ្ឌដូនពេញ ។
តាមប្រភពព័ត៌មានពីជុំវិញកន្លែងកើតហេតុបានឱ្យដឹងថា មុនពេលកើតហេតុប្រជាពលរដ្ឋបានធ្វើដំណើរឆ្លងកាត់ចំណុចកើតហេតុខាងលើប្រទះឃើញផ្សែងហុយយ៉ាងខ្លាំងចេញពីតូបលក់បាយ ក៏បានរាយការណ៍ទៅសមត្ថកិច្ចមូលដ្ឋានចុះមកអន្តរាគមន៍ភ្លាមៗដោយហៅរថយន្តពន្លត់អគ្គីភ័យមកបាញ់ពន្លត់ ប៉ុន្តែតូបដែលឆេះនោះគឺជាតូបលក់បាយមានធុងហ្គាស់តូចធំពេលដែលឆេះធ្វើឲ្យផ្ទុះធុងហ្គាសឆាបឆេះសន្ធោសន្ធៅឆ្លងរាលដាលឆេះតូបអ៊ុតសៀវភៅដែលនៅជាប់គ្នានោះអស់ទាំងស្រុងផងដែរ ។
ប្រភពព័ត៌មានបានឲ្យដឹងថា តូបលក់បាយខាងលើនេះត្រូវបានម្ចាស់តូបបិទទ្វារទុកចោល អត់លក់បាយរយៈពេលមួយខែមកហើយ ។ ហើយអគ្គីភ័យខាងលើនេះប្រើប្រាស់រថយន្តពន្លត់អគ្គីភ័យអស់មួយគ្រឿងបានរលត់អស់ទាំងស្រុងនៅវេលាម៉ោង៣និង១០នាទីទៀបភ្លឺថ្ងៃដដែល ។ អគ្គីភ័យឆេះតូបលក់បាយ និងអ៊ុតសៀវភៅខាងលើនេះនៅកន្លែងកើតហេតុសង្ស័យថាអាចមានអ្នកលួចដុត ប៉ុន្តែសមត្ថកិច្ចសន្និដ្ឋានជំហានដំបូងបណ្តាលមកពីទុស្សេខ្សែភ្លើង ៕
ចែករំលែកព័តមាននេះ