រកឃើញស.ពហើយ ករណីបើកឡានធ្លាក់ក្នុងទំនប់វារីអគ្គិសនីកំចាយ
- កំពត
ខេត្តកំពត ៖ នៅថ្ងៃទី៣០ កញ្ញា នេះ ករណីរថយន្តមួយគ្រឿងធ្លាក់ក្រោមទំនប់វារីអគ្គិសនីកំចាយ ត្រូវបានរកឃើញស.ពហើយ ។ សូមរំលឹកថា រថយន្តទំនើបមួយគ្រឿង…
ខេត្តកំពត ៖ នៅថ្ងៃទី៣០ កញ្ញា នេះ ករណីរថយន្តមួយគ្រឿងធ្លាក់ក្រោមទំនប់វារីអគ្គិសនីកំចាយ ត្រូវបានរកឃើញស.ពហើយ ។ សូមរំលឹកថា រថយន្តទំនើបមួយគ្រឿង…
ខេត្តកំពត ៖ នៅថ្ងៃទី៣០ កញ្ញា នេះ ករណីរថយន្តមួយគ្រឿងធ្លាក់ក្រោមទំនប់វារីអគ្គិសនីកំចាយ ត្រូវបានរកឃើញស.ពហើយ ។
សូមរំលឹកថា រថយន្តទំនើបមួយគ្រឿង មានមនុស្សជិះចំនួន៣នាក់បានបើកធ្លាក់ក្រោមទំនប់ទឹកវារីអគ្គិសនីកំចាយ ស្ថិតក្នុងឃុំម៉ាក់ប្រាង្គ ស្រុកទឹកឈូ ខេត្តកំពត កាលពីវេលាម៉ោង២២យប់ថ្ងៃទី២៨ ខែកញ្ញា ស្របពេលទ្វារទឹកវារីអគ្គិសនីក៏ត្រូវបានបើកដែរ ហើយបានរថយន្តធ្លាក់ក្នុងជ្រោះ តែមនុស្សរកមិនឃើញដែរ ។
លោកអ៊ឹម ចន្ធ័សោធន អភិបាលស្រុកទឹកឈូបាននិយាយប្រាប់អោយដឹងថា ស.ពទាំង៣នាក់ ជិះក្នុងរថយន្តមានជនជាតិចិនចំនួន២នាក់ និងជនជាតិខ្មែមា្នក់ ជាអ្នកបើករថយន្តឈ្មោះសាយ ភត្ត្រា អាយុ២៣ឆាំ្ន មិនទាន់មានគ្រួសារទេ រស់នៅភូមិស្នំប្រាំពីរ ឃុំម៉ាក់ប្រាង្គ ស្រុកទឹកឈូ ខេត្តកំពត ។
លោកអភិបាលស្រុកទឹកឈូដែលចុះជាប់នៅកន្លែងកើតហេតុ ជាមួយកម្លាំងនគរបាលនិយាយភ្លាមៗទឹកកំពុងហូរនោះរកស.ពមិនឃើញទេ ។ លុះថ្ងៃទី២៩ ខែកញ្ញា ពេលបើកទ្វារទឹកហូរអស់ ទើបឃើញរថយន្តជនរងគ្រោះរងការខូចខាតរសាត់ដោយអំណាចទឹកហូរចម្ងាយ៥០០ម៉ែត្រពីចំណុចធ្លាក់ក្រោមទំនប់វារី ។
លោកអឹុម ចន្ធ័សោធន អភិបាលស្រុកទឹកឈូនិយាយប្រាប់អោយដឹងថា នៅព្រឹកថ្ងៃទី៣០ កញ្ញា នេះ ស.ពជនជាតិចិន2នាក់ និងជនជាតិខ្មែរម្នាក់ត្រូវបានកំលាំងនគរបាលរួមទាំងកំលាំងប្រជាការពារភូមិស្នំប្រាំពីររកឃើញអស់ហើយ ប៉ុន្តែស.ពទាំងបីនាក់ត្រូវដឹកចូលវត្តស្នំប្រាំពីរ ដើម្បីអោយនគរបាលខាងបច្ចេកទេសធ្វើកោសល្យវិច័យ ។
លោកវរសេនីយ៍ឯកសេង សារឿន ប្រធានការរិយាល័បច្ចេកទេសស្នងការដ្ឋាននគរបាលខេត្តកំពត បាននិយាយប្រាប់អោយដឹងថា ស.ពទាំង៣នាក់ពិតជាគ្រោះថ្នាក់ចរាចរណ៍ខ្លួនឯងប្រាកដមែន។
បន្ទាប់ពីនគរបាលបានពិនិត្យរួចស.ពជនជាតិចិន ត្រូវបានស្ថានទូតចិនសម្រេចបូរជានៅក្នុងវត្តស្នំប្រាំពីរជាមួយស.ពជនជាតិខ្មែរដែរ។
ចែករំលែកព័តមាននេះ