ខេត្តបន្ទាយមានជ័យ ៖ បុរសម្នាក់ត្រូវនគរបាលក្រុងប៉ោយប៉ែតឃាត់ខ្លួនតាមពាក្យបណ្តឹងពីគ្រួសាររងគ្រោះមួយចោទពីបទរំលោភសេពសន្ធវៈលើនាងក្រមុំម្នាក់កាលពីវេលាម៉ោង១២និង៣០នាទីរំលងអធ្រាត្រឈានចូលព្រឹកថ្ងៃទី៤ ខែមីនា ឆ្នាំ២០១៧
ខេត្តបន្ទាយមានជ័យ ៖ បុរសម្នាក់ត្រូវនគរបាលក្រុងប៉ោយប៉ែតឃាត់ខ្លួនតាមពាក្យបណ្តឹងពីគ្រួសាររងគ្រោះមួយចោទពីបទរំលោភសេពសន្ធវៈលើនាងក្រមុំម្នាក់កាលពីវេលាម៉ោង១២និង៣០នាទីរំលងអធ្រាត្រឈានចូលព្រឹកថ្ងៃទី៤ ខែមីនា ឆ្នាំ២០១៧ នៅចំណុចចំការស្វាយក្នុងភូមិសាមគ្គីមានជ័យ សង្កាត់ប៉ោយប៉ែត ។ ហេតុការណ៍ឃាត់ខ្លួននេះធ្វើឡើងកាលពីវេលាម៉ោង៧និង៣០នាទីយប់ថ្ងៃទី៤ ខែមីនា ឆ្នាំ២០១៧ នៅភូមិក្បាស្ពាន០១ សង្កាត់ប៉ោយប៉ែត ក្រុងប៉ោយប៉ែត ។ ជនសង្ស័យឈ្មោះ តាំ ស៊ីថា អាយុ២៤ឆ្នាំ ស្នាក់នៅក្នុងភូមិក្បាលស្ពាន០១ សង្កាត់ប៉ោយប៉ែត ។
តាមប្រភពពីសមត្ថកិច្ចប្រាប់ថា ជនរងគ្រោះឈ្មោះ ម៉ន ចំប៉ា អាយុ១៧ឆ្នាំ ជាបុគ្គលិកកាស៊ីណូត្រូពីកាណា និងមានទីលំនៅភូមិប្រជាធម្មលិច សង្កាត់ផ្សារកណ្តាល ក្រុងប៉ោយប៉ែត ។ យោងតាមការសួរនាំនារីរងគ្រោះប្រាប់សមត្ថកិច្ចថា មុនពេលកើតហេតុខ្លួន និងមិត្តស្រីត្រូវបានជនសង្ស័យលួងលោមទៅដើរលេងដោយគេដឹកតាមម៉ូតូ ។ នារីរងគ្រោះបន្តថា លុះត្រឡប់ពីដើរកំសាន្តនៅកាស៊ីណូជនសង្ស័យបានដឹកមិត្តភក្តិរបស់នាងទៅផ្ទះមុននៅសល់តែនាងត្រូវជនស្ស័យដឹកទៅកន្លែងកើតហេតុ ។ នារីរងគ្រោះបាននិយាយថា ដំបូងស្មានថាដឹកទៅផ្ទះលុះឃើញខុសផ្លូវក៏សួរនាំថា តើដឹកខ្ញុំទៅណា? ជនសង្ស័យឆ្លើយថាទៅដើរលេងបន្ត ដឹងអីទៅដល់កន្លែងស្ងាត់ចំណុចចំការស្វាយនោះគេចាប់នាងរំលោភរហូតបានសម្រេចតែម្តង ។
លោក ព្រំ ពិសិដ្ឋ អធិការរងទទួលបន្ទុកព្រហ្មទណ្ឌប្រាប់កោះសន្តិភាពថា ក្រោយទទួលពាក្យបណ្តឹងពីគ្រួសាររងគ្រោះលោកក៏ទទួលបញ្ជាពីលោកវរសេនីយ៍ទោ ធិន ស៊ិនដេត ជាអធិការចុះស្រាវជ្រៀវឈានដល់ការឃាត់ខ្លួនជនសង្ស័យដល់បន្ទប់ស្នាក់នៅតែម្តង ។ យោងការសួរនាំជនសង្ស័យបានសារភាពថា ខ្លួនពិតជាបានចាប់នារីខាងលើរំលោភបានសម្រេចមែនប៉ុន្តែអះអាងថា នាងជាសង្សារបស់ខ្លួន ។ លោកអធិការរងបញ្ជាក់ថា ជនសង្ស័យបានកសាងសំណុំរឿងបញ្ជូនទៅស្នងការដ្ឋាននគរបាលខេត្តដើម្បីចាត់ការបន្តតាមនីតិវិធីច្បាប់ ៕
ចែករំលែកព័តមាននេះ