ខេត្តប៉ៃលិន ៖ យុវជនម្នាក់បានស្លា.ប់បាត់បង់ជីវិតបន្ទាប់ពីផឹកស្រាស្រវឹងត្រូវជីដូនរបស់ខ្លួនស្តីបន្ទោសបន្តិចបន្តួច ខណៈរូបគេមិនខិតខំប្រឹងប្រែងធ្វើការងារបែរជាទៅសេពគប់មិត្តភក្តិមិនល្អ ដើរផឹកស៊ីរាល់ថ្ងៃ លុះជីដូនទ្រាំមិនបានស្តីប្រដៅ
ខេត្តប៉ៃលិន ៖ យុវជនម្នាក់បានស្លាប់បាត់បង់ជីវិតបន្ទាប់ពីផឹកស្រាស្រវឹងត្រូវជីដូនរបស់ខ្លួនស្តីបន្ទោសបន្តិចបន្តួច ខណៈរូបគេមិនខិតខំប្រឹងប្រែងធ្វើការងារបែរជាទៅសេពគប់មិត្តភក្តិមិនល្អ ដើរផឹកស៊ីរាល់ថ្ងៃ លុះជីដូនទ្រាំមិនបានស្តីប្រដៅក៏រត់ទៅទាញយកថ្នាំពុលប្រភេទទឹកខៀវ ទៅសម្ងំផឹកនៅក្នុងផ្ទះអស់ជាច្រើន ស្របពេលនោះមានគេឃើញក្អួតចង្អោរក៏ប្រញាប់ប្រាប់ឱ្យអ្នកជិតខាងដឹកយកទៅសង្គ្រោះនៅមមន្ទីរពេទ្យ ។ តែដោយសារជាប្រភេទថ្នាំពុលលេខ១នៅប្រទេសថៃមិនអាចជួយសង្គ្រោះបានបណ្តាលឱ្យស្លាប់បាត់បង់ជីវិតតែម្តង ។
ហេតុការណ៍ផឹកថ្នាំពុលធ្វើអត្តឃាតនេះបានកើតឡើងកាលពីវេលាម៉ោង៤ល្ងាចថ្ងៃទី៤ ខែមីនា ឆ្នាំ២០១៧ ស្ថិតនៅចំណុចភូមិវាល ឃុំសាលាក្រៅ ស្រុកសាលាក្រៅ ។ ក្រោយមកជនរងគ្រោះបានស្លាប់នៅវេលាម៉ោង៩និង៤០នាទីព្រឹក ថ្ងៃទី៥ ខែមីនា ឆ្នាំ២០១៧ បន្ទាប់ពីបញ្ជូនត្រឡប់ទៅផ្ទះវិញ ។
ប្រភពព័ត៌មានបានឱ្យដឹងថា ជនរងគ្រោះមានឈ្មោះ សឿន ម៉ាញ ភេទប្រុស អាយុ២៦ឆ្នាំ ជាកសិករ ស្នាក់នៅជាមួយជីដូនឈ្មោះ វ៉ាន់ ភ្លោះ អាយុ៨៥ឆ្នាំ រស់នៅភូមិ ឃុំ កើតហេតុខាងលើ ។ ប្រភពបន្តទៀតថា មូលហេតុដែលជនរងគ្រោះបានផឹកថ្នាំពុលបាញ់ស្មៅប្រភេទទឹកខៀវនេះដោយសារតែរូបគេបានចូលរួមផឹកស្រាជាមួយមិត្តភក្តិតាំងពីព្រឹករហូតដល់ល្ងាចបណ្តាលឱ្យស្រវឹងជោកជាំ លុះពេលត្រឡប់មកផ្ទះវិញត្រូវជីដូនស្តីបន្ទោសបន្តិចបន្តួច ។ ដោយសារអំណាចស្រាចូលក្នុងខ្លួនគ្រាន់តែជីដូនរបស់ខ្លួនណែនាំឱ្យឈប់ផឹកស្រា ស្រាប់តែខឹងគិតខ្លីរត់ទៅធ្វើអត្តឃាតបែបនេះតែម្តង ។
សូមបញ្ជាក់ថា ថ្នាំពុលប្រភេទទឹកខៀវជាថ្នាំពុលសាហាវបំផុតដែលគេផលិតនៅ ប្រទេសថៃ ហើយគ្មានថ្នាំ ឬឱសថណាអាចបន្សាបបាននោះឡើយបន្ទាប់ពីផឹកចូលទៅក្នុងពោះបណ្តាលឱ្យរលាកក្រពះ ពោះវៀន ក្អួតចង្អោរដាច់សាច់មកទាំងដុំៗស្លាប់ជាក់ជាមិនខាន ៕
ចែករំលែកព័តមាននេះ