ADផ្ទាំងផ្សព្វផ្សាយពាណិជ្ជកម្ម

Picture

​ពលរដ្ឋ​ជាង២០​គ្រួសារ​នៅ​ស្រុក​ឆ្លង​ត្រូវ​ជម្លៀស​​ទៅ​​រក​​ទីទួល​​សុវត្ថិ​ភាព

1 ឆ្នាំ មុន
  • ក្រចេះ

ខេត្តក្រចេះ ៖ ប្រជាពលរដ្ឋ​ចំនួន​២​ឃុំ ស្ថិត​នៅ​ក្នុងស្រុក​ឆ្លូង ខេត្តក្រចេះ រង​ផល​ប៉ះពាល់​ដោយសារ​ជំនន់​ទឹកភ្លៀង លិច​ស្រូវ និង​ដំណាំ​រួម​ផ្សំ​មួយ​ចំនួន ហើយ​ប្រជាពលរដ្ឋ​ជាង​២០​គ្រួសារ និង​សត្វ​ពា​ហៈ​ក៏​ត្រូវ​បាន​ជម្លៀស​ទៅ​កាន់​ទីទួល​សុវត្ថិភាព​ក្នុង​ឃុំ​ដំរី​ផុង…

ខេត្តក្រចេះ ៖ ប្រជាពលរដ្ឋ​ចំនួន​២​ឃុំ ស្ថិត​នៅ​ក្នុងស្រុក​ឆ្លូង ខេត្តក្រចេះ រង​ផល​ប៉ះពាល់​ដោយសារ​ជំនន់​ទឹកភ្លៀង លិច​ស្រូវ និង​ដំណាំ​រួម​ផ្សំ​មួយ​ចំនួន ហើយ​ប្រជាពលរដ្ឋ​ជាង​២០​គ្រួសារ និង​សត្វ​ពា​ហៈ​ក៏​ត្រូវ​បាន​ជម្លៀស​ទៅ​កាន់​ទីទួល​សុវត្ថិភាព​ក្នុង​ឃុំ​ដំរី​ផុង ។

មន្ត្រី​អាជ្ញាធរ​ស្រុក​ឆ្លូង​បានដឹង​ថា កាលពី​រសៀល​ថ្ងៃ​ទី​២៩ កញ្ញា ឆ្នាំ​២០២២ នេះ លោកស្រី គង់
លឹ​ម​ហូ បាន​ដឹកនាំ​កម្លាំង​របស់​គណៈ​បញ្ជាកា​ឯកភាព​ស្រុក​ចុះ​ត្រួតពិនិត្យ​នៅ​តាម​មូលដ្ឋាន ដែល​បាន​ទទួលផល​ប៉ះពាល់​រង​ការ​លិចលង់​ដោយសារ​ជំនន់​ទឹកភ្លៀង​ក្នុង​ឃុំ​ទាំង​ពីរ ក្នុង​នោះ​មាន ឃុំ​ពង្របាន​រង​នូវ​ផល​ប៉ះពាល់ ស្រូវពង្រោះចំនួន​២១៣​ហិ​កតា ហើយ​ឃុំ​ដំរី​ផុង​ប៉ះពាល់​ផ្ទះ​ចំនួន​៧១​ខ្នង លិច​ផ្ទះ​ប្រជាពលរដ្ឋ​៩២​គ្រួសារ សាលារៀន​២​ខ្នង សូ​រ៉ាវ​២​កន្លែង អណ្តូងទឹក​២​កន្លែង បង្គន់​អនាម័យ តាម​ខ្នង​ផ្ទះ​១៥​បង្គន់ តូប​លក់ដូ​របស់​ប្រជាពលរដ្ឋ​៦​តូប លូ​កាត់​ផ្លូវ​ចំនួន​៤​កន្លែង លិច​ផ្លូវ​ក្រាល​ក្រួស​ក្រហម​១​ខ្សែ​ប្រវែង​៥.០០០​ម៉ែត្រ លិច​ស្រូវពង្រោះ​១៧​ហិ​កតា​បាន​ជម្លៀស​ប្រជា​ពល​រដ្ឋ ទៅ​កាន់​ទីទួល​សុវត្ថិភាព​ចំនួន​ជាង​២០​គ្រួសារ សត្វ​គោ​-​ក្របី​ចំនួន​៨៨​ក្បាល​ផង​ដែរ ។

ជាមួយ​គ្នា​អាជ្ញាធរ​ក៏​បាន​យក​នូវ​គ្រឿង​ឧបភោគ បរិភោគ មួយ​ចំនួន រួម​មាន​អង្ករ​២៥​គីឡូក្រាម ទឹកត្រី​១​យួរ ទឹកស៊ីអ៊ីវ​១​យួរ ត្រីខ​១​យួរ ថវិកា​៥០០០០​រៀល ។ គួរ​បញ្ជាក់​ថា ក្នុង​រយៈពេល​ប៉ុន្មាន​ថ្ងៃ​ជាប់​គ្នា​កន្លង​ទៅ​នេះ ស្ថានភាព​មេឃងងឹត​អួរ​អាប់​ភ្លៀង​ធ្លាក់​ជាប់​ៗ​គ្នា បណ្ដាល​ឲ្យ​តំបន់​វាលទំនាប​មួយ​ចំនួន ដែល​នៅ​ជាប់​និង​ស្ទឹង​បឹង​អូរ​ព្រែក​ជាដើម​ទទួល​រង​ផល​ប៉ះពាល់ ដោយសារ​ជំនន់​ទឹកភ្លៀង បង្ក​អោយ​លិច​ស្រូវ​សន្ទូង​និង​ដំណាំ​ផ្សេង​ទៀត ។

ទោះជា​យ៉ាងណា នៅ​មិន​ទាន់​មាន​ផល​ប៉ះពាល់​ធ្ងន់ធ្ងរ ដែល​បង្ក​ឡើង​ដោយសារ​ទឹកជំនន់​ទឹក​ភ្លៀង​​នៅឡើយ​ទេ​។

អត្ថបទសរសេរ ដោយ