រាជធានីភ្នំពេញ ៖ រាជរដ្ឋាភិបាលកម្ពុជា តាមរយៈក្រសួងបិរស្ថាន(MOE) និងទីភ្នាក់ងារសហប្រតិបត្តិការអន្តរជាតិជប៉ុន(JICA) ដែលមានការិយាល័យនៅកម្ពុជា នឹងចុះហត្ថលេខាលើកិច្ចព្រមព្រៀងមួយស្ដីពី «គម្រោងសម្រាប់ជួយដល់ការអនុវត្តប្រកបដោយ
រាជធានីភ្នំពេញ ៖ រាជរដ្ឋាភិបាលកម្ពុជា តាមរយៈក្រសួងបិរស្ថាន(MOE) និងទីភ្នាក់ងារសហប្រតិបត្តិការអន្តរជាតិជប៉ុន(JICA) ដែលមានការិយាល័យនៅកម្ពុជា នឹងចុះហត្ថលេខាលើកិច្ចព្រមព្រៀងមួយស្ដីពី «គម្រោងសម្រាប់ជួយដល់ការអនុវត្តប្រកបដោយប្រសិទ្ធភាពនូវការវាយតម្លៃហេតុប៉ះពាល់បរិស្ថាន និង ត្រួតពិនិត្យការបំពុលបរិស្ថានតាមរយៈការអភិវឌ្ឍសមត្ថភាពនៃក្រសួងបរិស្ថាន» នៅវេលាម៉ោង២ រសៀលថ្ងៃទី៦ មីនា នេះ នៅទីស្ដីការក្រសួងបរិស្ថាន ។ នេះបើយោងតាមសេចក្ដីប្រកាសព័ត៌មានរួមដែលកោះសន្ដិភាពទទួលបាន ។
គោលបំណងនៃកិច្ចព្រមព្រៀងនេះ ដើម្បីធ្វើឲ្យប្រសើរឡើងនូវប្រសិទ្ធភាពនៃការអនុវត្តការងារវាយតម្លៃហេតុប៉ះពាល់បរិស្ថាន និងត្រួតពិនិត្យការបំពុលបរិស្ថាននៅកម្ពុជា ។
គម្រោងសហប្រតិបត្តិការបច្ចេកទេសនេះ សម្រាប់ជួយដោះស្រាយតម្រូវការផ្នែកសមត្ថភាពស្ថាប័ន និងសមត្ថភាពបច្ចេកទេសរបស់ក្រសួងបរិស្ថាន ដែលមានរយៈពេល៣ឆ្នាំកន្លះ ដើម្បីឲ្យអនុវត្តបេសកកម្មរបស់ខ្លួនក្នុងការធានានូវកិច្ចគាំពាបរិស្ថាន ការគ្រប់គ្រងធនធានធម្មជាតិ និងការអភិរក្សជីវៈជម្រុះប្រកបដោយប្រសិទ្ធភាព និងប្រសិទ្ធភាព ។
លទ្ធផលរំពឹងទុកក្នុងគម្រោងនេះគឺ៖១-ការពង្រឹងសមត្ថភាពរបស់អគ្គនាយកដ្ឋានគាំពារបរិស្ថាន ដើម្បីសម្រេចបាននូវភារកិច្ចរបស់ខ្លួន ។ ២- ការបង្កើត ការកែលម្អ និងការចែករំលែកទៅដល់អ្នកពាក់ព័ន្ធនូវឯកសារច្បាប់ បច្ចេកទេស និងនីតិវិធីនានាពាក់ព័ន្ធនឹងការវាយតម្លៃហេតុប៉ះពាល់បរិស្ថាន និងការត្រួតពិនិត្យការបំពុលបរិស្ថាន ។
សេចក្ដីប្រកាសដដែលបញ្ជាក់ថា តាមការរំពឹងទុក គម្រោងនេះនឹងចាប់ផ្ដើមដំណើរការជាផ្លូវការនៅពាក់កណ្ដាលឆ្នាំនេះ ហើយឆ្លុះបញ្ចាំងពីការប្ដេជ្ញាចិត្តរបស់រាជរដ្ឋាភិបាលកម្ពុជានិងរដ្ឋាភិបាលជប៉ុនក្នុងការបន្ដពង្រឹង និងពង្រីកកិច្ចសហប្រតិបត្តិការទ្វេភាគី ដើម្បីលើកកម្ពស់កិច្ចគាំពារបរិស្ថាន និងការគ្រប់គ្រងធម្មជាតិតាមរយៈការអនុវត្តប្រកបដោយប្រសិទ្ធភាពនូវការវាយតម្លៃហេតុប៉ះពាល់បរិស្ថាន និងការត្រួតពិនិត្យការបំពុលបរិស្ថាននៅកម្ពុជា ៕
ចែករំលែកព័តមាននេះ