តើការចល័តទ័ពទ្រង់ទ្រាយធំរបស់លោកពូទីន នឹងប៉ះពាល់ដល់អត្តពលិករុស្ស៊ីដែរឬទេ?
រុស្ស៊ី ៖ ប្រធានាធិបតីរុស្ស៊ី លោក វ្ល៉ាឌីមៀ ពូទីន (Vladimir Putin) កាលពីថ្ងៃសប្តាហ៍មុន បានបញ្ជាឱ្យ
រុស្ស៊ី ៖ ប្រធានាធិបតីរុស្ស៊ី លោក វ្ល៉ាឌីមៀ ពូទីន (Vladimir Putin) កាលពីថ្ងៃសប្តាហ៍មុន បានបញ្ជាឱ្យ
រុស្ស៊ី ៖ ប្រធានាធិបតីរុស្ស៊ី លោក វ្ល៉ាឌីមៀ ពូទីន (Vladimir Putin) កាលពីថ្ងៃសប្តាហ៍មុន បានបញ្ជាឱ្យមានការចល័តយោធាទ្រង់ទ្រាយធំ ដើម្បីដោះស្រាយការវាយលុកនៅអ៊ុយក្រែន។ ហើយអ្នកបម្រុងប្រមាណ ៣០ម៉ឺននាក់ត្រូវបានរំពឹងថា នឹងត្រូវបានកោះហៅចូលជួរកងទ័ព ដើម្បីប្រយុទ្ធនៅក្នុងសង្គ្រាម។ សំណួរជាច្រើនបានចាប់ផ្តើមកើតឡើងថា តើពលរដ្ឋរុស្ស៊ីណាខ្លះ នឹងស្ថិតក្នុងចំណោមអ្នកបម្រុង ៣០ម៉ឺននាក់នៅក្នុងប្រតិបត្តិការណ៍នេះ? គួររំលឹកថា ពលរដ្ឋរុស្ស៊ីសម្រុកភៀសខ្លួនចេញពីប្រទេស គេចពីការកោះហៅចូលបម្រើកងទ័ព
យោងតាមសារព័ត៌មានកីឡារបស់រុស្ស៊ី Sport-Express បានព្យាយាមបំភ្លឺខ្លះៗ លើការសង្ស័យដែលបានកើតឡើងចំពោះអត្តពលិកគ្រប់ផ្នែកទាំងបុរស និងស្ត្រី។ ដោយអ្នកបម្រុង ៣០ម៉ឺននាក់នឹងត្រូវបានកោះហៅចេញពីក្នុងចំណោមពលរដ្ឋដែលមានជំនាញបច្ចេកទេសយោធា។ បញ្ជីកោះហៅជាក់លាក់នឹងត្រូវបានបង្កើតឡើងនៅថ្នាក់មូលដ្ឋាន ហើយអ្នកនយោបាយរុស្ស៊ីនៅតែពិបាកវាស់វែងថា តើសកម្មភាពនេះនឹងប៉ះពាល់ដល់វិស័យកីឡាជាតិកម្រិតណានោះទេ?
ប្រសិនបើអត្តពលិកទាំងនោះជាទាហាន ឬមន្ត្រីបម្រុង អាយុរហូតដល់៣៥ឆ្នាំ ពួកគេអាចនឹងត្រូវបានកោះហៅតាមទ្រឹស្តីនៃការចល័តដោយផ្នែក។ ដូច្នេះរាល់កិច្ចសន្យាជាមួយក្លិបអាជីពរបស់ពួកគេ និងមិនអាចរារាំងរឿងនេះបានទេ។ ជាមួយគ្នានោះ គេសង្កេតឃើញ អត្តពលិករុស្ស៊ីមួយចំនួនស្ថិតនៅក្នុងចំណោមពលរដ្ឋរុស្ស៊ីរាប់ពាន់នាក់ផ្សេងទៀត ដែលព្យាយាមភៀសខ្លួនចេញពីប្រទេសកំណើតគេចពីការកោះហៅចូលជួរកងទ័ព។
ជាក់ស្តែងនាង Anastasia Davydova ដែលជាអគ្គលេខាធិការនៃគណៈកម្មាធិការអូឡាំពិករុស្ស៊ី (ROC) និងជាម្ចាស់មេដាយមាសអូឡាំពិក៥សម័យកាល បានភៀសខ្លួនចេញពីប្រទេសកំណើត។ ហើយការចាកចេញរបស់អតីតកំពូលកីឡាការិនីសម្តែងរបាំក្នុងទឹកវ័យ៣៩ឆ្នាំរូបនេះ កើតឡើងបន្ទាប់ពីមានការចល័តផ្នែកខ្លះនៃអ្នកបម្រុងយោធាដើម្បីប្រយុទ្ធក្នុងសង្គ្រាមនៅអ៊ុយក្រែន ហើយក្រសួងកីឡារុស្ស៊ីបានបញ្ជាឱ្យស្ថាប័នគ្រប់គ្រងជាតិផ្អាកការបោះជំរុំហ្វឹកហាត់នៅបរទេសទាំងអស់។
ទីភ្នាក់ងារសារព័ត៌មានរដ្ឋរុស្ស៊ី TASS បានរាយការណ៍ថា Davydova បានជូនដំណឹងដល់បុគ្គលិកនៅឯមូលដ្ឋានហែលទឹកសិល្បៈរបស់នាងនៅទីក្រុងមូស្គូថា នាងមិនមានគម្រោងវិលត្រឡប់ទៅរុស្ស៊ីវិញឡើយ។ ខណៈ ROC បានអះអាងថា Davydova មិនបានលាលែងចេញពីតំណែងអគ្គលេខាធិការរបស់នាងនោះទេ។
ទោះយ៉ាងណា គេក៏សង្កេតឃើញមានអត្តពលិកជាច្រើនផ្សេងទៀត បានបង្ហាញជំហរគាំទ្រចំពោះប្រតិបត្តិការណ៍ចល័តយោធាទ្រង់ទ្រាយធំរបស់លោកពូទីន ហើយថែមទាំងស្មគ្រ័ចូលបម្រើជួរកងទ័ព ប្រសិនបើមានការកោះហៅ៕ (ដកស្រង់ចេញពី Marca និង Inside The Games)
ចែករំលែកព័តមាននេះ