រាជធានីភ្នំពេញ ៖ ផ្ទះជួលមួយល្វែងត្រូវបានអគ្គីភ័យឆាបឆេះបណ្ដាលឲ្យរងការខូចខាតទាំងស្រុងដែលសង្ស័យបណ្ដាលមកពីទុរស្សេរចរន្តអគ្គីសនី ហើយទ្រព្យសម្បត្តិនៅក្នុងនោះក៏ត្រូវបានភ្លើងឆេះអស់គ្មានសល់ដែរ
រាជធានីភ្នំពេញ ៖ ផ្ទះជួលមួយល្វែងត្រូវបានអគ្គីភ័យឆាបឆេះបណ្ដាលឲ្យរងការខូចខាតទាំងស្រុងដែលសង្ស័យបណ្ដាលមកពីទុរស្សេរចរន្តអគ្គីសនី ហើយទ្រព្យសម្បត្តិនៅក្នុងនោះក៏ត្រូវបានភ្លើងឆេះអស់គ្មានសល់ដែរ ។ ខណៈពេលនេះត្រូវបានសមត្ថកិច្ចកងរាជអាវុធហត្ថចេញអន្តរាគមន៏ព្រមទាំងហៅរថយន្តពន្លត់អគ្គីភ័យអង្គភាព៧១១របស់កងពលតូចលេខ៧០ចេញមកពន្លត់ទាន់ ទើបមិនរាលដាលដល់ផ្ទះជិតខាងនិងមិនបានបណ្តាលឲ្យគ្រោះថ្នាក់ដល់នរណម្នាក់ឡើយ ។
ហេតុការណ៍គ្រោះអគ្គីភ័យនេះកើតឡើងកាលពីវេលាម៉ោង៧និង១០នាទីយប់ថ្ងៃទី៣ ខែមីនា ឆ្នាំ២០១៧ ចំណុចផ្ទះ៧០៤៦ ក្រុមទី២ ភូមិថ្មគោល១ ស្ថិតក្នុងសង្កាត់ចោមចៅ ខណ្ឌពោធិ៍សែនជ័យ ។
អ្នកដែលជួលផ្ទះខាងលើស្នាក់នៅនោះបានប្រាប់ថា គាត់ឈ្មោះ សុវណ្ណរតនា ភេទស្រី អាយុ៣៥ឆ្នាំ មុខរបរលក់ដូរនៅផ្សារកាណស៊ីធី គាត់បានជួលផ្ទះខាងលើក្នុង១ខែតម្លៃ១០០ដុល្លារ ហើយផ្ទះនេះមានទំហំ៧ម៉ែត្រគុណនឹង១៥ម៉ែត្រ ហើយទ្រព្យសម្បតិ្តដែលនៅក្នុងនោះមានលុយជាង២.០០០ដុល្លារ គ្រឿងអលង្ការប្លាទីន៥ជី និងសម្ភារប្រើប្រាស់ក្នុងផ្ទះ ។នៅមុនពេលកើតហេតុគាត់បានចេញទៅលក់ដូរនៅផ្សារ កាណាស៊ីធី ហើយផ្ទះនេះគឺបានចាក់សោរទុកចោលមិនមានមនុស្សនៅទេ លុះដល់ពេលកើតហេតុស្រាប់តែមានភ្លើងឆេះ និងមានផ្សែងហ៊ុយចេញមកក្រៅ ភ្លាមៗនោះប្រជាពលរដ្ឋរស់នៅក្បែរនោះបាននាំគ្នាយកទុយោទឹកមកបាញ់ និងរាយការណ៏ប្រាប់អាជ្ញាធរ និងសមត្ថកិច្ចទូរស័ព្ទហៅរថយន្តពន្លត់អគ្គីភ័យមកជួយអន្តរាគមន៍ ចំណែករូបគាត់ដឹងក្រោយពេលមានការភ្ញាក់ផ្អើលទៅហើយ ។
តាមប្រភពពីនគរបាលបានឲ្យដឹងថា នៅក្នុងហេតុការណ៏នោះម្ចាស់ផ្ទះមិនអាចយករបស់អ្វីចេញទាន់នោះឡើយ ព្រោះផ្ទះជាប់សោរគ្មានមនុស្សនៅហើយនៅពេលឆេះខ្លាំងហើយទើបមានការភ្ញាក់ផ្អើល និងនាំគ្នាដងទឹកជះពន្លត់ហើយមិនបានរលត់នោះទេ ទើបប្រើប្រាស់រថយន្តពន្លត់ចំនួន២គ្រឿងរបស់អង្គភាព៧១១ កងពលតូច៧០ ទើបរលត់ទៅវិញទាំងស្រុងមិនរាលដាលដល់ផ្ទះផ្សេងទៀត ៕
ចែករំលែកព័តមាននេះ