ឆ្មាស៊ីត្រីអាំងចាប់ច្របាច់.ក-ខ្លាស៊ីគោឈរមើល
ខេត្តសៀមរាប ៖ កម្លាំងកងរាជអាវុធហត្ថក្រុងសៀមរាប ចំនួន០៧នាក់ រថយន្ត០២គ្រឿង ដឹកនាំដោយលោកវរសេនីយ៍ទោ ប្រាក់ វណ្ណៈ មេបញ្ជាការមូលដ្ឋានកងរាជអាវុធហត្ថក្រុងសៀមរាប បានចុះ
ខេត្តសៀមរាប ៖ កម្លាំងកងរាជអាវុធហត្ថក្រុងសៀមរាប ចំនួន០៧នាក់ រថយន្ត០២គ្រឿង ដឹកនាំដោយលោកវរសេនីយ៍ទោ ប្រាក់ វណ្ណៈ មេបញ្ជាការមូលដ្ឋានកងរាជអាវុធហត្ថក្រុងសៀមរាប បានចុះប្រតិបត្តិការតាមគោលដៅក្នុងក្រុងសៀមរាប រហូតឈានដល់ធ្វើការឃាត់រថយន្តដឹកឈើខុសច្បាប់ចំនួន០១គ្រឿង រួចនាំយកមកកាន់កងរាជអាវុធហត្ថក្រុង ដើម្បីសួរនាំ និងរៀបចំសំណុំរឿងបញ្ជូនទៅឱ្យមន្ត្រីរដ្ឋបាលព្រៃឈើបាគងទាំងយប់ យកទៅចាត់ការបន្តតាមផ្លូវច្បាប់ស្តីពីច្បាប់ព្រៃឈើ។
ហេតុការណ៍ឃាត់ខ្លួនជនសង្ស័យ និងវត្ថុតាងបទល្មើសព្រៃឈើ ធ្វើឡើងនៅវេលាម៉ោង២០និង៣០នាទីយប់ ថ្ងៃទី០២ ខែមីនា ឆ្នាំ២០១៧ ស្ថិតនៅចំណុច ភូមិជន្លង់ សង្កាត់សាលាកំរើក ក្រុង /ខេត្តសៀមរាប។
បន្ទាប់ពីធ្វើការឃាត់ខ្លួនជនសង្ស័យ និងវត្ថុតាងចាប់យកបានរួមមាន រថយន្ត០១គ្រឿង ម៉ាកហ៊ីយ៉ានដាយ ពណ៌សំបកឱឡឹក ពាក់ស្លាកលេខ តាកែវ 2A-0867 ប្រភេទឈើផ្ចឹកចំនួន២២ដុំ ស្មើនឹង១.៤៤៥ម៉ែត្រគូប ។
បច្ចុប្បន្នជនសង្ស័យ និងវត្ថុតាង ត្រូវបានកម្លាំងកងរាជអាវុធហត្ថក្រុងសៀមរាប បានធ្វើការប្រគល់ឱ្យរដ្ឋបាលព្រៃឈើបាគង ដើម្បីចាត់ការតាមនិតិវិធីច្បាប់។
មជ្ឈដ្ឋាននានា បានរិះគន់ទៅលើសមត្ថកិច្ច និងមន្ត្រីជំនាញថា ឈើដឹកឡានតូចតាចឃើញ តែចាប់គ្មានឈប់ បើឈើដឹកតាមរថយន្តយក្ស គ្មានឃើញចាប់សោះ ខណៈពេលអ្នកយកព័ត៌មានសួរទៅម្តង ដោះសារថា រថយន្តធំៗនោះសុទ្ធតែមានច្បាប់ បេ សេ គ្រប់ចំនួន គេដាក់ការសង្ស័យថា ឆ្មាស៊ីត្រីអាំងចាប់ច្របាច់.ក-ខ្លាស៊ីគោឈរមើល៕
ចែករំលែកព័តមាននេះ