LG G6 បង្ហាញមុខជាផ្លូវការនៅ MWC
ក្នុងឱកាសតាំងពិព័រណ៍បច្ចេកវិទ្យាទូរស័ព្ទលំដាប់ទីមួយពិភពលោកMWC នៅទីក្រុងបាសេឡូណា ប្រទេសអេស្ប៉ាញ ក្រុមហ៊ុនកូរ៉េLG បានដាក់បង្ហាញទូរស័ព្ទម៉ូដែលចុងក្រោយរបស់ខ្លួនដែលមានឈ្មោះថា
ក្នុងឱកាសតាំងពិព័រណ៍បច្ចេកវិទ្យាទូរស័ព្ទលំដាប់ទីមួយពិភពលោកMWC នៅទីក្រុងបាសេឡូណា ប្រទេសអេស្ប៉ាញ ក្រុមហ៊ុនកូរ៉េLG បានដាក់បង្ហាញទូរស័ព្ទម៉ូដែលចុងក្រោយរបស់ខ្លួនដែលមានឈ្មោះថាLG G៦ សម្រាប់ ឆ្នាំ២០១៧ ហើយវាជាជំនាន់ថ្មីរបស់G៥ ។
បើទោះជាLG G៦ជាជំនាន់ថ្មីរបស់LG G៥ក្តីក៏ក្រុមហ៊ុនបានច្នៃម៉ូដហាក់ខុសគ្នាទាំងស្រុងធៀបនឹងជំនាន់ចាស់ ។ អ្វីដែលស្រដៀងនោះគឺវាមានកាមេរ៉ាផ្នែកខាងក្រោយពីដូចគ្នាតែទាំងទំហំអេក្រង់ថ្មធំជាងមុខ និងកម្មវិធីមួយចំនួនខុសគ្នាទាំងស្រុង ។
ភាពទាក់ទាញបំផុតសម្រាប់ម៉ូដែលមួយនេះគឺវាមានអេក្រង់ធំ៥,៧អីុញ តួមានភាពរឹងមាំ មិនចូលទឹក១០០%ក្នុងជម្រៅ១ម៉ែត្រ ក្នុងរយៈពេល៣០នាទី កញ្ចក់ការពារឆ្កូតពីធូលីប្រភេទCorning Gorilla Glass3 នៅផ្នែកខាងមុខ និងខាងក្រោយ ជាកញ្ចក់ការពារធូលីឆ្កូតCorning Gorilla Glass5 ថ្មធំជាងមុនមានកម្លាំង៣៣០០mAhនឹងមានទម្រង់អេក្រង់ថ្មី ដែលផ្នែកខាងមុខរបស់ទូរស័ព្ទស្ទើរតែជាអេក្រង់ទាំងអស់ កាមេរ៉ាថតបានច្បាស់ទំហំ១៣MPផ្នែកខាង ក្រោយចំនួនពីរជាប់គ្នា និងមានកាមេរ៉ាផ្នែកខាងមុខទំហំ៥MPមានទម្ងន់១៦៣gមានបំពាក់បច្ចេកវិទ្យាសំឡេងក្រុមហ៊ុនDolbyមានបំពាក់Chip setប្រភេទMSM៨៩៩៦Snapdragon៨២១ នឹងដំណើរការដោយប្រព័ន្ធAndroid៧.០Nougat ។
ម៉ូដែលនេះជាប្រភេទស៊ីមពីរ និងស៊ីមមួយ មានអង្គចងចាំក្នុងតួម៉ាស៊ីនប្រភេទ៣២GBនិង៦៤GB ហើយអាចបន្ថែមរហូតដល់២៥៦GB មានបីពណ៌ សម្រាប់ជ្រើសរើស គឺពណ៌ស ខ្មៅ និងពណ៌បា្លទីន សាកថ្មដោយឥតប្រើខ្សែ ប៉ុន្តែបានតែផលិតផលដែលលក់នៅសហរដ្ឋអាមេរិកប៉ុណ្ណោះ ។ បន្ថែមលើសពីនេះLG G៦មានរន្ធUSB-C មានResolution១៤៤០x២៨៨០ និងមានដង់ស៊ីតេភិកសែល៥៦៤ppi ដែលមានសមត្ថភាពបង្ហាញរូបភាពបានច្បាស់ល្អ និងអាចលេងហ្គេម ដែលមានក្រាហ្វិកទំហំធំ និងអាចមើលឃើញច្បាស់ល្អទោះបីនៅក្រោមពន្លឺព្រះអាទិត្យក្តី ។ LG Gនឹងជួបគូប្រជែងដែលមានសញ្ជាតិដូចគ្នាគឺSamsung GalaxyS៨ ដែលចេញមុខក្នុងពេល ឆាប់ៗខាងមុខ។
ចំណុចពិសេសនោះគឺLG G៦កាត់បន្ថយបាន៣០%ដល់ថ្មក្នុងពេលប្រើប្រាស់ និងមានរ៉េម៤GBផងដែរ ។ ក្រុមហ៊ុនLGគ្រោងនិងបង្ហាញឆ្នាំងសាកថ្មីដែលសាកថ្មបានលឿនដោយគ្រាន់តែចំណាយពេល៣០នាទី អាចសាកថ្មបាន៥០% ។
ម៉ូដែលមួយនេះ ក្រុមហ៊ុនLGនៅមិនទាន់បង្ហាញតម្លៃជាផ្លូវការនៅឡើយទេ តែគេសង្ឃឹមថា វាប្រហែលមានតម្លៃចន្លោះពី៥00ដុល្លារ ទៅ៧00ដុល្លារ ហើយក្រុមហ៊ុនក៏មិនទាន់បញ្ជាក់ពីថ្ងៃដែលមាននៅលើទីផ្សារពិភពលោកដែរ ៕
ចែករំលែកព័តមាននេះ