រាជធានីភ្នំពេញ ៖ ប្រជាការពារសង្កាត់ទឹកថ្លាម្នាក់រងរបួសបែកមុខឈាមស្រោចខ្លួនដោយសារត្រូវសណ្តាប់ធ្នាប់សាលាខណ្ឌសែនសុខម្នាក់វាយព្រោះតែខឹងនិងទំនាស់សំដីគ្នាឡើងរឿងលេខសម្គាល់(ID)វិទ្យុទាក់ទង…
រាជធានីភ្នំពេញ ៖ ប្រជាការពារសង្កាត់ទឹកថ្លាម្នាក់រងរបួសបែកមុខឈាមស្រោចខ្លួនដោយសារត្រូវសណ្តាប់ធ្នាប់សាលាខណ្ឌសែនសុខម្នាក់វាយព្រោះតែខឹងនិងទំនាស់សំដីគ្នាឡើងរឿងលេខសម្គាល់(ID)វិទ្យុទាក់ទងវែង និងខ្លី ។ ហេតុការណ៍នេះបង្កការភ្ញាក់ផ្អើលម៉ោង២២និង១០នាទី ស្ថិតក្នុងភូមិបូរីកម្មករ (ត្រពាំងឈូក) សង្កាត់ទឹកថ្លា ខណ្ឌសែនសុខ ។
តាមប្រភពព័ត៌មានបានឱ្យដឹងថា ប្រជាការពារសង្កាត់ទឹកថ្លារងដែលរបួសបែកក្បាលមានឈ្មោះ ហៃ ចន្ធី ភេទប្រុស អាយុ៣៦ឆ្នាំ ស្នាក់នៅភូមិសេប៉េសេ សង្កាត់ទឹកថ្លា ខណ្ឌសែនសុខ ។ ចំណែកជនបង្កឈ្មោះ ប៉ិន វិបុល រហ្សនាម សែនសុខ៥១ ជាសណ្តាប់ធ្នាប់សាលាខណ្ឌសែនសុខបច្ចុប្បន្ន ស្នាក់នៅក្នុងសាលាខណ្ឌសែនសុខ ។
ប្រភពឱ្យដឹងថា នៅមុនពេលកើតហេតុជនរងគ្រោះកំពុងអង្គុយលេងជាមួយកម្លាំងសមត្ថកិច្ចនៅ ចំណុចក្នុងទីបញ្ជាការ (ស្នាក់ការបណ្តោះអាសន្ន) បន្តិចក្រោយមកក៏លេចមុខជនដៃដល់មកដល់ ហើយប្រកែកគ្នារឿងលេខសម្គាល់(ID)វិទ្យុទាក់ទងវែង និងខ្លីបញ្ជាទៅកូនចៅ តែនិយាយមិនត្រូវគ្នាក៏ទំនាស់ជាសំដីទៅវិញទៅមក ពេលនោះជនដៃដល់បានហៅជនរងគ្រោះចេញមកផ្លូវខាងមុខទីស្នាក់ការ និងបានដាល់ចំមុខ២ដៃ បណ្តាលឱ្យបែកមាត់ ច្រមុះ និងភ្នែកហូរឈាមពេញមុខតែម្តង ។ ក្រោយកើតហេតុជនរងគ្រោះបានទៅដាក់ពាក្យបណ្តឹងនៅប៉ុស្តិ៍នគរបាលទឹកថ្លាដើម្បីឱ្យសមត្ថកិច្ច ជួយអន្តរាគមន៍ ៕
ចែករំលែកព័តមាននេះ