មកពីស្រុកកំណើតដើរលេងភ្នំពេញម្តងត្រូវក្មេងទំនើងកាប់ដាច់ខ្នងដៃ
រាជធានីភ្នំពេញ ៖ យុវជនម្នាក់ និងអ្នករួមដំណើរ២នាក់ទៀតខណៈដែលជិះម៉ូតូមកពីខេត្តដើរលេងក្នុងក្រុងភ្នំពេញត្រូវក្រុមក្មេងទំនើងជាង១០នាក់ជិះម៉ូតូដេញកាប់…
រាជធានីភ្នំពេញ ៖ យុវជនម្នាក់ និងអ្នករួមដំណើរ២នាក់ទៀតខណៈដែលជិះម៉ូតូមកពីខេត្តដើរលេងក្នុងក្រុងភ្នំពេញត្រូវក្រុមក្មេងទំនើងជាង១០នាក់ជិះម៉ូតូដេញកាប់ ។ ហេតុការណ៍នេះបង្កឱ្យភ្ញាក់ផ្អើកាលពីម៉ោង២និង៤០នាទីទាបភ្លឺថ្ងៃទី៥ មីនា២០១៧ នៅតាមបណ្តោយផ្លូវវេងស្រេង សង្កាត់ចោមចៅ ខណ្ឌពោធិ៍សែនជ័យ ។
យុវជនដែលរងរបួសឈ្មោះ ចិត្ត ទ្រី អាយុ២១ឆ្នាំ ស្នាក់នៅភូមិបឹងកក់ ឃុំព្រះនិពាន ស្រុកគងពិសី ខេត្តកំពង់ស្ពឺ រងរបួសរយះខ្នងដៃខាងស្តាំធ្ងន់ធ្ងរ ។ ចំណែកអ្នកដែលរួមដំណើរជាមួយ២នាក់ទៀតមិនបានប្រាប់ពីអត្តសញ្ញាណរបួសស្រាលពេលដែលដួលម៉ូតូ ។
បើតាមប្រភពបានឱ្យដឹងថា នៅមុនកើតហេតុពួកគេមានគ្នា៣នាក់ជិះម៉ូតូមួយគ្រឿងម៉ាកឌ្រឹម សេ១២៥ ពណ៌ខ្មៅ ស៊េរី២០១៤ ដោយជនរងគ្រោះជាអ្នកអង្គុយក្រោយគេ ខណៈពេលដែលចេញពីស្រុកមកលេងនៅទីក្រុងភ្នំពេញ ។ បន្ទាប់ពីដើរលេងឆ្អែតហើយជនរងគ្រោះបានជិះម៉ូតូត្រឡប់ទៅផ្ទះវិញ ខណៈមកដល់ចំណុចខាងលើមានក្រុមក្មេងទំនើងប្រហែល១០នាក់ជិះម៉ូតូតាមពីក្រោយ និងធ្វើសកម្មភាពកាប់សំដៅទៅលើក្រុមជនរងគ្រោះបណ្តាលឱ្យត្រូវយុវជនឈ្មោះ ចិត្ត ទ្រី រងរបួសយ៉ាងធ្ងន់ធ្ងរ ។
ប្រភពបានប្រាប់ទៀតថាក្រោយកាប់ហើយក្រុមក្មេងទំនើងខាងលើបានកេចខ្លួនអស់សល់តែជនរងគ្រោះត្រូវរថយន្តសង្គ្រោះបន្ទាន់ដឹកទៅកាន់ក្លីនិកឯកជន ៕
ចែករំលែកព័តមាននេះ