ខេត្តសៀមរាប ៖ ស្ត្រីម្នាក់ជិះម៉ូតូក្នុងតំបន់អង្គរអកុសលភ្លៀងស្រិចៗ ត្រូវបានដើមក្រឡាញ់ដ៏ធំប្រហោងក្នុងបានរលំបាក់សង្កត់ពីលើ បណ្តាលឱ្យសន្ល.ប់ស្តូកស្តឹង ដោយសំណាងល្អបានពលរដ្ឋនៅជិតកន្លែងកើតហេតុ ជួយហៅរថយន្តសង្គ្រោះបន្ទាន់របស់មន្ទីរពេទ្យឯកជនមកដឹកយកទៅសង្គ្រោះទាន់ពេលវេលា។ហេតុការណ៍នេះបានកើតឡើង នៅវេលាម៉ោង៩និង២០នាទីព្រឹកថ្ងៃទី២៨ ខែកញ្ញា ឆ្នាំ២០២២…
ខេត្តសៀមរាប ៖ ស្ត្រីម្នាក់ជិះម៉ូតូក្នុងតំបន់អង្គរអកុសលភ្លៀងស្រិចៗ ត្រូវបានដើមក្រឡាញ់ដ៏ធំប្រហោងក្នុងបានរលំបាក់សង្កត់ពីលើ បណ្តាលឱ្យសន្ល.ប់ស្តូកស្តឹង ដោយសំណាងល្អបានពលរដ្ឋនៅជិតកន្លែងកើតហេតុ ជួយហៅរថយន្តសង្គ្រោះបន្ទាន់របស់មន្ទីរពេទ្យឯកជនមកដឹកយកទៅសង្គ្រោះទាន់ពេលវេលា។ហេតុការណ៍នេះបានកើតឡើង នៅវេលាម៉ោង៩និង២០នាទីព្រឹកថ្ងៃទី២៨ ខែកញ្ញា ឆ្នាំ២០២២ លើផ្លូវកៅស៊ូត្រង់ចំណុចខាងជើងសំបកកំណប់ ស្ថិតនៅភូមិទក្សិនត្បូង សង្កាត់គោកចក ក្រុងសៀមរាប។
ពលរដ្ឋនៅកន្លែងកើតហេតុបានឱ្យដឹងថា ដើមក្រឡាញ់ដ៏ធំមួយដើម ដែលប្រហោងក្នុងនេះ ពួកកាត់បានរាយការណ៍ទៅសមត្ថកិច្ចជំនាញនៅទីនោះជាច្រើនដងដែរ តែគ្មានអ្នកណាចុះមកពិនិត្យមើលឡើយ ទាល់តែដួលសង្កត់លើពលរដ្ឋទើបនាំគ្នាចុះមក។
ពលរដ្ឋបន្តថា នេះជាភាពកម្សោយមួយរបស់អាជ្ញាធរនៅទីនោះ ដែលអសមត្ថភាពក្នុងការគ្រប់គ្រងថែរក្សាដើមឈើនៅតំបន់អង្គរ ហើយបានបណ្តាលឱ្យពលរដ្ឋម្នាក់រងរបួសដោយគេពុំទាន់ដឹងថា មានអ្នក ទទួលខុសលើករណីនេះនៅឡើយទេ។
បើតាមប្រភពពីសមត្ថកិច្ចមូលដ្ឋានបានឱ្យដឹងថា ករណីគ្រោះថ្នាក់ចរាចរណ៍ដោយគ្រោះធម្មជាតិដើមឈើរលំបាក់សង្កត់លើមនុស្សស្រីនោះ គឺបណ្តាលមកពីមានភ្លៀងរលឹមស្រិចៗ ហើយមានខ្យល់បក់ បោកផងទើបធ្វើឱ្យដើមឈើរលំបាក់។
ប្រភពបានបន្ថែមថា ស្ត្រីរងគ្រោះឈ្មោះ ស៊ាប់ តឿ ភេទស្រី អាយុ៣០ ឆ្នាំ រស់នៅភូមិរហាល សង្កាត់អង្គរធំ ក្រុងសៀមរាបជិះម៉ូតូម្នាក់ឯង ម៉ាក Honda Dream 016 ពណ៌ខ្មៅ ពាក់ស្លាកលេខ សៀមរាប 1 U.5334 បើកបរដោយទិសដៅពីត្បូងទៅជើង។
សមត្ថកិច្ចបន្ថែមទៀតថា មួលហេតុឧប្បទវហេតុដើមឈើរលំកាត់ផ្លូវ នេះបណ្តាលឱ្យអ្នកបើកម៉ូតូ Honda Dream របួសក្រោមចង្កាស្រាល(សម្រាកនៅពេទ្យ)។រីឯម៉ូតូខូចខាតស្រាលផ្នែកខាងមុខ។
បច្ចុប្បន្នកម្លាំងជំនាញនៃអាជ្ញាធរជាតិអប្សរាបានចុះមកកាត់ដើមឈើនោះយកចេញ ដើម្បីសម្រួលចរាចរណ៍។ចំណែកនគរបាលជំនាញបានចុះវាស់វែង និងយកវត្ថុតាងរក្សាទុកនៅស្នាក់ការអង្គរ ដើម្បីមានចំណាត់ការបន្តតាមច្បាប់៕
ចែករំលែកព័តមាននេះ