គោរពជូនសារព័ត៌មានកោះសន្តិភាព! ស្តីពីសំណង់ថ្មីៗ កំពុងសាងសង់លើផ្លូវសាធារណលេខ១០០៥ ក្នុងសង្កាត់ភ្នំពេញថ្មីខណ្ឌសែន សុខ អាជ្ញាធរបិទភ្នែក មិនដឹងមិនលឺ ! យើងខ្ញុំជាពលរដ្ឋ រស់នៅក្នុងភូមិសាស្ត្រផ្លូវ១០០៥ ក្នុងសង្កាត់ភ្នំពេញថ្មី ខណ្ឌសែន
គោរពជូនសារព័ត៌មានកោះសន្តិភាព! ស្តីពីសំណង់ថ្មីៗ កំពុងសាងសង់លើផ្លូវសាធារណលេខ១០០៥ ក្នុងសង្កាត់ភ្នំពេញថ្មីខណ្ឌសែន សុខ អាជ្ញាធរបិទភ្នែក មិនដឹងមិនលឺ ! យើងខ្ញុំជាពលរដ្ឋ រស់នៅក្នុងភូមិសាស្ត្រផ្លូវ១០០៥ ក្នុងសង្កាត់ភ្នំពេញថ្មី ខណ្ឌសែនសុខ ហួសចិត្តណាស់ចំពោះសំណង់មានផ្ទះល្វែង, ឃ្លាំងស្តុកទំនិញជាច្រើនកន្លែង ដែលកំពុងសាងសង់ថ្មីៗ ស្ថិតលើផ្លូវលេខ១០០៥ ដែលជាផ្លូវសាធារណៈរបស់រដ្ឋ ដោយពួកគេធ្វើសកម្មភាពរំលោភយកផ្លូវរដ្ឋ មកធ្វើជាសម្បត្តិឯកជនធ្វើព្រងើយ ពុំត្រូវបានអាជ្ញាធរខណ្ឌសែនសុខ ឬស្ថាបន័ពាក់ព័ន្ធ មានវិធានការទប់ស្កាត់ឡើយ ។
ផ្ទុយទៅវិញ គឺបានបណ្តែតបណ្តោយឲ្យសំណង់អាណាធិបតេយ្យទាំងនោះ សង់យ៉ាងរំភើយទៅវិញ ។ តើឲ្យពលរដ្ឋមានក្តីសង្ឃឹមយ៉ាងដូចម្តេច បើអាជ្ញាធរខ្វះវិធានការ ទៅលើសំណង់ល្មើសច្បាប់ដែលបានសង់យ៉ាងអនាធិបតេយ្យលើផ្លូវលេខ១០០៥នោះ ?
តាមរយៈសារព័ត៌មានកោះសន្តិភាព សូមស្ថាបន័ពាក់ព័ន្ធ ពិសេសសាលារាជធានីភ្នំពេញ គួរពិនិត្យនិងមានវិធាការជាបន្ទាន់ បើមិនអញ្ចឹងទេ ផ្លូវលេខ១០០៥ នឹងមានការទន្ទ្រានយកជាបន្តបន្ទាប់ហើយ ។ ព្រោះថា ក្នុងអាណាចក្រខណ្ឌសែនសុខនេះ មានសំណង់ជាច្រើន ដែលសាងសង់ឡើង ពុំមានច្បាប់អនុញ្ញាតត្រឹមត្រូវទេ ដោយម្ចាស់សំណង់ភាគច្រើន គ្រាន់តែស៊ីសសុសជាមន្ត្រីអាជ្ញាធរជាកាស្រេច ។
រឿងនេះ ដោយសារតែអាជ្ញាធរដែនដីមិនដោះស្រាយ ទើបប្រជាពលរដ្ឋក្នុងតំបន់ងាកមកពឹងកោះសន្តិភាព ដែលសង្ឃឹមថា នឹងមានដំណោះស្រាយមិនខាន ។
ចែករំលែកព័តមាននេះ