រាជធានីភ្នំពេញ ៖ នៅព្រឹកថ្ងៃទី១ ខែមីនា ឆ្នាំ២០១៧ ក្រោយពីសាលាឧទ្ធរណ៍បានបើកសវនាការជាអសាធារណៈប្រមាណជិត១ម៉ោងដោយមានលោកមេធាវី ឈាង សោភ័ណ ការពារសិទ្ធិឲ្យស្ត្រីជនជាតិអូស្ត្រាលីបានបណ្តឹងសូមឲ្យកូនក្តីនៅក្រៅឃុំ
រាជធានីភ្នំពេញ ៖ នៅព្រឹកថ្ងៃទី១ ខែមីនា ឆ្នាំ២០១៧ ក្រោយពីសាលាឧទ្ធរណ៍បានបើកសវនាការជាអសាធារណៈប្រមាណជិត១ម៉ោងដោយមានលោកមេធាវី ឈាង សោភ័ណ ការពារសិទ្ធិឲ្យស្ត្រីជនជាតិអូស្ត្រាលីបានបណ្តឹងសូមឲ្យកូនក្តីនៅក្រៅឃុំ ។ ដោយជនជាប់ចោទឈ្មោះ CHALES TAMMY ALAYNE ភេទស្រី អាយុ៤៩ឆ្នាំ ជនជាតិអូស្ត្រាលី កាន់លិខិតឆ្លងដែនលេខ PE-0402481 ។
ចៅក្រមសាលាឧទ្ធរណ៍លោក ឃុន លាងម៉េង ប្រធានក្រុមប្រឹក្សាជំនុំជំរះ និងតំណាងមហាអយ្យការលោកស្រី គឹម កល្យាណ ក៏បានសម្រេចបដិសេធមិនឲ្យស្ត្រីជនជាតិអូស្ត្រា លីនៅក្រៅឃុំទេ ដោយលើកមូលហេតុថា សំណុំរឿងនេះកំពុងដំណើរការនៅសាលាដំបូងធានីភ្នំពេញដែលគ្រោងនិងបើកសវនាការនាពេលខាងមុខនេះ ។
សូមជម្រាបថា លោកវរសេនីយ៍ឯក កែវ ធា ប្រធានការិយាល័យនគរបាលប្រឆាំងការជួញដូរមនុស្ស និងការពារអនីតិជនរាជធានីភ្នំពេញបានឱ្យដឹងថា នៅព្រឹកថ្ងៃទី២១ ខែ វិច្ឆិកា ឆ្នាំ២០១៦ សមត្ថកិច្ចបានបញ្ជូនជនសង្ស័យ៣នាក់មកអយ្យការអមសាលាដំបូងរាជធានីភ្នំពេញដើម្បីសាកសួរករណីអំពើជាអន្តរកាលនៃការពពោះ ឬនិយាយសាមញ្ញថា ការជួលស្ត្រីខ្មែរឲ្យពពោះបង្កើតកូនជំនួស និងផ្តល់ឯកសារដោយទុច្ចរិត ។
របាយការណ៍សមត្ថកិច្ចបង្ហាញថា ឈ្មោះ CHALES TAMMY ALAYNE ភេទស្រី អាយុ៤៩ឆ្នាំ ជនជាតិអូស្ត្រាលី កាន់លិខិតឆ្លងដែនលេខ PE-0402481 ឈ្មោះ ពេញ រិទ្ធី ភេទប្រុស អាយុ២៨ឆ្នាំ មុខរបរមិនពិតប្រាកដ ស្នាក់នៅសង្កាត់ទឹកល្អក់៣ ខណ្ឌទួលគោក និងឈ្មោះ សំរិទ្ធ ចាន់ចរិយា ភេទស្រី អាយុ៣០ឆ្នាំ មុខរបរឆ្មប ស្នាក់នៅសង្កាត់វាលវង់ ខណ្ឌ៧មករា ត្រូវបានសមត្ថកិច្ចការិយាល័យប្រឆាំងការជួញដូរមនុស្ស និងការពារអនីតិជនសហការជាមួយអធិការដ្ឋាននគរបាលខណ្ឌសែនសុខ និងខណ្ឌដូនពេញ ឃាត់ខ្លួនកាលពីល្ងាចថ្ងៃទី១៨ ខែវិច្ឆិកា ឆ្នាំ២០១៦ ។
សមត្ថកិច្ចបញ្ជាក់ថា នៅពេលដែលបណ្តាប្រទេសដទៃចេញច្បាប់បិទមិនឲ្យមានការជួលស្រី្តពពោះដើម្បីបង្កើតកូនជំនួសបណ្តាញជំនួញនេះបានហូរចូលកម្ពុជា ហើយបង្កើតមេខ្យល់ឱ្យដើរលួងលោមអូសទាញស្ត្រីឲ្យរកស៊ីឈ្នួលពពោះជំនួសអ្នកដែលចង់បានកូន ហើយរហូតដល់ក្រុមមនុស្សប្រុសស្រលាញ់ប្រុសដូចគ្នាចង់បានកូនក៏មកកម្ពុជារកកូនដែរ ។ ជំនួញមួយនេះធ្វើឲ្យពួកឈ្មួញចំណេញកប់ពពកអ្នកចង់បានកូនត្រូវចំណាយ៥ម៉ឺនដុល្លារអាមេរិកក្នុងការទទួលយកកូននេះ ។
សូមបញ្ជាក់ថា នៅពេលប្រតិបត្តិការសមត្ថកិច្ចបានរឹបអូសកិច្ចព្រមព្រៀងស្ដីពីការពពោះជំនួស លិខិតមើលថែទាំគ្រប់គ្រងកូន ទំរង់កិច្ចព្រមព្រៀងស្ដីពីការបញ្ចូលអរម៉ូនកូន លិខិតបញ្ជាក់ កំណើតថតចំលង និងសម្ភារកូនក្មេងជាដើម ៕
ចែករំលែកព័តមាននេះ