រាជធានីភ្នំពេញ ៖ ល្បឿនទាបបំផុត (អប្បបរមា) និងលឿនបំផុត (អតិបរមា) សម្រាប់ផ្លូវល្បឿនលឿនភ្នំពេញ-ក្រុងព្រះសីហនុ ត្រូវបានកំណត់ដូចខាងក្រោម ៖អប្បបរមា អតិបរមាល្បឿន(យឺតបំផុត)…
រាជធានីភ្នំពេញ ៖ ល្បឿនទាបបំផុត (អប្បបរមា) និងលឿនបំផុត (អតិបរមា) សម្រាប់ផ្លូវល្បឿនលឿនភ្នំពេញ-ក្រុងព្រះសីហនុ ត្រូវបានកំណត់ដូចខាងក្រោម ៖
អប្បបរមា អតិបរមា
ល្បឿន(យឺតបំផុត) 60 – 120km/h (លឿនបំផុត) រថយន្តគ្រួសារ/ធុនស្រាល
ល្បឿន(យឺតបំផុត) 60 – 100km/h (លឿនបំផុត) រថយន្តធុនធ្ងន់មិនមានសណ្តោងសឺម៉ីរ៉ឺម៉ក ឬម៉ូតូ500cc/27kWឡើងទៅ
ល្បឿន(យឺតបំផុត) 60 – 80km/h (លឿនបំផុត) រថយន្តសណ្តោងសឺម៉ីរ៉ឺម៉ក ឬសណ្តោងយានដំណើរកំសាន្ត ។
ករណីមានផ្លាកសញ្ញាកំណត់ល្បឿនអតិបរមា អ្នកបើកបរត្រូវអនុវត្តតាម ជាកំហិត ជំនួសឱ្យគោលការណ៍ខាងលើ ។
ករណីផ្លូវកោង ច្រកចូលចំហៀង ទៅផ្លូវល្បឿនលឿន អ្នកបើកបរត្រូវបានកំណត់ឱ្យបើកបរត្រឹមតែ 40km/h ប៉ុណ្ណោះ រួចទើបត្រូវបង្កើនល្បឿនដល់ 60km/h ។
ដោយឡែកកន្លែង ដែលចាំបាច់ត្រូវបន្ថយល្បឿន ក៏ត្រូវបានដាក់នូវគំនូសរំញ័រ (Rumble Stripes) ដើម្បីដាស់តឿនដល់អ្នកបើកបរផងដែរ ។
លក្ខខណ្ឌគួរយល់ដឹងអំពី ” មធ្យោបាយត្រូវបានហាមឃាត់ ” ដែលមិនអនុញ្ញាតនៅលើផ្លូវល្បឿនលឿនភ្នំពេញ-ក្រុងព្រះសីហនុ មុនពេលដាក់ដំណើរការសាកល្បង ដោយឥតគិតថ្លៃពេញមួយខែតុលា ឆ្នាំ២០២២ ខាងមុខ ៖
សូមជម្រាបជូនផងដែរថា៖ “ផ្លូវល្បឿនលឿនភ្នំពេញ-ក្រុងព្រះសីហនុ” នឹងបើកឱ្យប្រើប្រាស់សាកល្បងដោយឥតគិតថ្លៃ ចាប់ពីថ្ងៃទី០១ ដល់ថ្ងៃទី៣១ ខែតុលា ឆ្នាំ២០២២។
សូមគោរពច្បាប់ចរាចរណ៍ និងបើកបរដោយការទទួលខុសត្រូវ ។ ថ្ងៃនេះថ្ងៃស្អែកកុំឱ្យមានគ្រោះថ្នាក់ចរាចរណ៍ ៕
ចែករំលែកព័តមាននេះ