វៀតណាមចាប់ផ្តើមផលិតបន្ទះឈីបជាលើកដំបូង
ក្រុមហ៊ុនបច្ចេកវិទ្យាឈានមុខគេរបស់វៀតណាម FPT បានចាប់ផ្តើមដំណើរការផលិតបន្ទះឈីប
វៀតណាម ៖ ក្រុមហ៊ុនបច្ចេកវិទ្យាឈានមុខគេរបស់វៀតណាម FPT បានចាប់ផ្តើមដំណើរការផលិតបន្ទះឈីប (semiconductor chip) ជាលើកដំបូងរបស់ខ្លួនដែលត្រូវគេប្រើប្រាស់នៅក្នុងឧបករណ៍វេជ្ជសាស្ត្រ នៅថ្ងៃពុធ ទី ២៨ កញ្ញានេះ ដែលជាផ្នែកមួយនៃកិច្ចប្រឹងប្រែងរបស់ក្រុមហ៊ុនដើម្បីចូលរួមក្នុងឧស្សាហកម្មសកលលោកដែលកំពុងមានការប្រកួតប្រជែង។
ក្រុមហ៊ុន FPT និយាយក្នុងសេចក្តីប្រកាសថា ខ្លួនមានបំណងផ្គត់ផ្គង់បន្ទះឈីបចំនួន ២៥លានទូទាំងពិភពលោកនៅឆ្នាំ ២០២៣ និងកំពុងសម្លឹងមើលជប៉ុន តៃវ៉ាន់ ចិន និងអាមេរិកជាទីផ្សារដ៏សំខាន់សម្រាប់បន្ទះឈីបដែលត្រូវបានប្រើប្រាស់ក្នុងអ្វីៗគ្រប់យ៉ាងចាប់ពីគ្រឿងបរិក្ខាអេឡិចត្រូវនិចរហូតដល់គ្រឿងលំហរអាកាស និងកំពុងមានតម្រូវការខ្ពស់ ដោយសារតែខ្សែសង្វាត់ផ្គត់ផ្គងត្រូវបានរំខានដោយសារតែការរាតត្បាតកូវីដ ១៩។
ចំណែកក្រុមហ៊ុន Samsung និយាយថាខ្លួននឹងចាប់ផ្តើមផលិតបន្ទះឈីបនៅក្នុងប្រទេសវៀតណាមនៅខែកក្កដា ឆ្នាំ ២០២៣ បន្ទាប់ពីបណ្តាក់ទុកចំនួន ៩២០លានដុល្លារទៅក្នុងរោងចក្ររបស់ខ្លួនស្ថិតនៅក្នុងខេត្ត Thai Nguyen កាលពីដើមឆ្នាំនេះ។
ក្រុមហ៊ុន Intel បានបង្កើការវិនិយោគទុកលើការផលិតបន្ទះឈីបជិត ៥០ភាគរយនៅក្នុងឆ្នាំ ២០២១។
សូមបញ្ជាក់ថា ការផលិតបន្ទះឈីបសរុបរបស់វៀតណាមមានសក្តានុពលក្នុងការកើនឡើងដល់ ១,៦៥ពាន់លានដុល្លារនៅឆ្នាំ ២០២៥។ នេះបើយោងតាមរបាយការណ៍របស់ក្រុមហ៊ុនស្រាវជ្រាវទីផ្សារអាមេរិក Technavio កាលពីខែសីហា៕ (យោងតាមប្រភព៖ Reuters)
ចែករំលែកព័តមាននេះ