ខេត្តកំពង់ឆ្នាំង ៖ លោកតា លោកយាយចាស់ជរា និងពិការទាំងពីរនាក់ប្តីប្រពន្ធកំពុងរស់នៅយ៉ាងលំបាកបំផុត បានលើកដៃសំពះសូមក្តីមេត្តាពីសប្បុរជនជិតឆ្ងាយទាំងអស់សូមមេត្តាជួយដល់រូបគាត់ទាំងពីរនាក់ផង ព្រោះសព្វថ្ងៃពឹងលើយាយដើរលក់ដំឡូង
ខេត្តកំពង់ឆ្នាំង ៖ លោកតា លោកយាយចាស់ជរា និងពិការទាំងពីរនាក់ប្តីប្រពន្ធកំពុងរស់នៅយ៉ាងលំបាកបំផុត បានលើកដៃសំពះសូមក្តីមេត្តាពីសប្បុរជនជិតឆ្ងាយទាំងអស់សូមមេត្តាជួយដល់រូបគាត់ទាំងពីរនាក់ផង ព្រោះសព្វថ្ងៃពឹងលើយាយដើរលក់ដំឡូង ចំណែកតាកាប់ឫស្សីធ្វើចង្កាក់ដោតដំឡូង មិនអាចរកកម្រៃគ្រាន់នឹងរស់បានទេ ទើបនាំគ្នាលើកដៃសុំក្តីមេតា្តពីសប្បុរជនសូមមេតា្តជួយដល់ជីវិតជរារបស់គាត់ផង ។ ពួកគាត់ទាំងពីរនាក់មានទីលំនៅភូមិតាឡាត់ឃុំស្វាយរំពារស្រុកកំពង់លែង។
តាមការរៀបរាប់ពីលោកតា លោកយាយទាំងពីរនាក់បានឱ្យដឹងថា លោកតាមានឈ្មោះ ឡេង ឆន អាយុ៧៩ឆ្នាំ លោកយាយមានឈ្មោះ ឃួន អ៊ន អាយុ៧៧ឆ្នាំ បានឱ្យដឹងថាគាត់ទាំងពីរនាក់ប្តីប្រពន្ឋ កំពុងរស់នៅយ៉ាងលំបាកខ្លាំងណាស់ ពួកគាត់សុទ្ធតែពិការជើងដូចគ្នា សព្វថ្ងៃពឹងលើការទិញមើមដំឡូងឆៅគេយកមកស្ងោរ ដោតចង្កាត់រួចដើរលក់តាមភូមិបានប្រាក់យកទៅសងថ្លៃដំឡូងគេ សល់ប្រាក់បន្តិចបន្តួចយកទៅទិញអង្ករមកដាំបាយហូប ជូនកាលបានអ្នកជិតខាងជួយឱ្យអង្ករត្រីសាច់ម្តងម្កាល ។
គាត់មានកូនដែរតែបែកមានប្តីប្រពន្ធអស់ហើយ ពួកគេសុទ្ធតែក្រីក្រ ។ អាស្រ័យដោយការលំបាកវេទនាខ្លាំងពេកគាត់មានតែសុំក្តីមេត្តាពីសប្បុរជន សូមមេត្តាជួយគាត់តែប៉ុណ្ណោះ ពិសេសដល់រដូវត្រៀមបុណ្យចូលឆ្នាំថ្មីសប្បុរសជនដែលកាន់ព្រះពុទ្ធសាសនាពិតជាធ្វើការបរិច្ឆាគទានដល់គាត់មិនខាន ។
ជាមួយគ្នានេះដែរ លោក វ៉ាន ស្រូយ មេភូមិតាឡាត់ បានបញ្ជាក់ដែរថា លោកតាលោកយាយទាំងពីរនាក់ ប្តីប្រពន្ធនេះពិតជាក្រីក្រប្រាកដមែន ក្នុងនាមលោកជាអាជ្ញាធរភូមិក៏សូមចូលរួមអំពាវនាវដល់សប្បុរជនជិតឆ្ងាយទាំងអស់សូមមេត្តាជួយដល់ចាស់ជរាពីនាក់ប្តីប្រពន្ធនេះផង ។ សង្ឃឹមថា ក្រោយពេលការអំពាវនាវនេះទៅនឹងមានសប្បុរសជនជួយដល់ចាស់ជរាទាំងពីរនាក់ប្តីប្រពន្ធនេះជាពុំខាន ៕
ចែករំលែកព័តមាននេះ