រាជធានីភ្នំពេញ ៖ ចុងរដ្ឋបាលរបស់មន្ត្រីរាជការបម្រើការងាររដ្ឋវេលាម៉ោង១១ព្រឹកថ្ងៃទី២ មីនា ឆ្នាំ២០១៧ វត្តមានព្រះតេជគុណ ប៊ុត ប៊ុនតិញ បាននិមន្តទៅកាន់សាលាដំបូងរាជធានីដោយព្រះតេជគុណបានទៅដាក់ពាក្យបណ្តឹងឈ្មោះ រស់ សុភីរ័ត្ន គេស្គាល់ថា ជានាយិការក្រុមហ៊ុនស្រីរ័ត្ន អន្តរជាតិទេសចរណ៍
រាជធានីភ្នំពេញ ៖ ចុងរដ្ឋបាលរបស់មន្ត្រីរាជការបម្រើការងាររដ្ឋវេលាម៉ោង១១ព្រឹកថ្ងៃទី២ មីនា ឆ្នាំ២០១៧ វត្តមានព្រះតេជគុណ ប៊ុត ប៊ុនតិញ បាននិមន្តទៅកាន់សាលាដំបូងរាជធានីដោយព្រះតេជគុណបានទៅដាក់ពាក្យបណ្តឹងឈ្មោះ រស់ សុភីរ័ត្ន គេស្គាល់ថា ជានាយិការក្រុមហ៊ុនស្រីរ័ត្ន អន្តរជាតិទេសចរណ៍ ដែលកំពុងជាប់ឃុំក្នុងពន្ធនាគារនៅឡើយទេ ។
តាមពាក្យបណ្តឹងរបស់ព្រះតេជគុណ ប៊ុត ប៊ុនតិញ បានដាក់ចូលរដ្ឋបាលសាលាដំបូងរាជធានី បានបញ្ចាក់ថា ខ្ញុំព្រះករុណាអាត្មាភាពព្រះនាម ប៊ុត ប៊ុនតិញ ភេទប្រុស អាយុ៣៧ព្រះវស្សា ស្នាក់នៅវត្តសារ៉ាវន្ត កុដិលេខ៤ សង្កាត់ជ័យជំនះ ខណ្ឌដូនពេញ សុំប្តឹងបន្ថែមលើឈ្មោះ រស់ សុភីរ័ត្ន ភេទស្រី អាយុ៣៦ឆ្នាំ មុខរបរម្ចាស់ក្រុមហ៊ុនស្រីរ័ត្នអន្តរជាតិទេសចរណ៍ដែលមានទីលំនៅផ្ទះលេខ៦២និង៦៤ មហាវិថីព្រះមុន្នីវង្ស សង្កាត់ផ្សារថ្មី ខណ្ឌដូនពេញ ពីបទឆបោក និង រំលោភលើសេចក្តីទុកចិត្ត ដូចកម្មវត្ថុខាងលើអាត្មាភាពសូមជំរាបជូនលោកចៅក្រមស៊ើសួរថា កាលពីថ្ងៃទី២១ តុលា ឆ្នាំ២០១៦ អាត្មាភាពបានទៅទិញសំបុត្រយន្តហោះចំនួន១សន្លឹក ដើម្បីនិមន្តទៅកាន់សហរដ្ឋអាមេរិកដោយចេញដំណើរថ្ងៃទី២៧ វិច្ឆិកា ២០១៦ អស់ទឹកប្រាក់ចំនួន១.២១០ដុល្លារ ។ ប៉ុន្តែមិនបានទៅទេព្រោះសំបុត្រយន្តហោះមួយសន្លឹកនោះគ្មានជើងហោះហើរ និងថ្ងៃ៧ កុម្ភៈ ឆ្នាំ២០១៧ អាត្មាភាពបានទិញសំបុត្រយន្តហោះមួយសន្លឹកទៀតចេញដំណើរថ្ងៃទី២៧ កុម្ភៈ ឆ្នាំ២០១៧ ជើងហោះហើរ DRAGONAIR.HKG អស់ទឹកប្រាក់១.៣៩០ដុល្លារ ពីក្រុមហ៊ុនស្រីរ័ត្នអន្តរជាតិទេសចរណ៍ (សរុបទាំងពីរលើក២.៦០០ដុល្លារអាមេរិក) បែរជាគ្មានយន្តហោះចេញដំណើរទៅសហរដ្ឋអាមេរិកទៅវិញ ដែលជាហេតុធ្វើឲ្យអាត្មាភាពខាតបង់ពេលវេលា និងប្រាក់កាក់ជាច្រើន ។
អាត្មាភាពសុំឲ្យតុលាការផ្តន្ទាទោសឈ្មោះ រស់ សុភីរ័ត្ន តាមច្បាប់ និងសុំទាមទារប្រាក់ដើមចំនួន២.៦០០ដុល្លារអាមេរិកវិញ ។ ក្រោយពីដាក់ពាក្យបណ្តឹងរួចហើយព្រះតេជគុណ ប៊ុត ប៊ុនទិញ មានសង្ឃដីកាប្រាប់កោះសន្តិភាពថា អាត្មាមិនចង់ទាមទារអីទេ ចង់បានតែសំបុត្រយន្តហោះឲ្យអាត្មា និងសងលុយ២.៦០០ដុល្លារឲ្យអាត្មាវិញ ។ ព្រះតេជគុណមានសង្ឃដីកាលេងសើចទៀតថា «អាត្មាមិននិកស្មានថា ក្រុមហ៊ុនណុងបោកអាត្មាទេ ព្រះអាត្មាជាព្រះសង្ឃ ហើយអាត្មាគិតថាមិនចង់រករឿងអីគាត់ទេ ព្រោះថាព្រះជាសង្ឃធ្វើអញ្ចឹងមិនត្រូវ ប៉ុន្តែវាហួសចិត្ត និងគួរឲ្យសោកស្តាយ នៅពេលដល់ម៉ោងឡើងយន្តហោះស្រាប់តែគេថាអត់មានកន្លែងអង្គុយ» ៕
ចែករំលែកព័តមាននេះ