រាជធានីភ្នំពេញ ៖ កម្លាំងនគរបាលអន្តោប្រវេសន៍នៃក្រសួងមាហាផ្ទៃសហការជាមួយ និងកម្លាំងនគរបាលការិយាល័យអន្តោប្រវេសន៍រាជធានីភ្នំពេញដោយមានការសម្របសម្រួលអំពីសំណាក់លោក សៀង សុខ ព្រះរាជអាជ្ញារងអមសាលាដំបូងរាជធានី
រាជធានីភ្នំពេញ ៖ កម្លាំងនគរបាលអន្តោប្រវេសន៍នៃក្រសួងមាហាផ្ទៃសហការជាមួយ និងកម្លាំងនគរបាលការិយាល័យអន្តោប្រវេសន៍រាជធានីភ្នំពេញដោយមានការសម្របសម្រួលអំពីសំណាក់លោក សៀង សុខ ព្រះរាជអាជ្ញារងអមសាលាដំបូងរាជធានី បានចុះត្រួតពិនិត្យការស្នាក់នៅ និងបំពេញការងាររបស់ជនបរទេសនៅតាមបណ្តារោងសិប្បកម្មឈើមួយចំនួនដោយបានធ្វើការឃាត់ខ្លួនជនជាតិវៀតណាមប្រុស-ស្រីចំនួន១៨នាក់ (ស្រី២នាក់) នៅខណ្ឌចំការមន ។
ប្រតិបត្តិការនេះដែរបានធ្វើឡើងកាលពីវេលាម៉ោង៩និង១៥នាទីព្រឹក ថ្ងៃទី២ មីនា ឆ្នាំ ២០១៧ នៅតាមបណ្តារោងសិប្បកម្មឈើមួយចំនួនដែលមានទីតាំងនៅតាបណ្តោយផ្លូវលេខ៩៧ ភូមិ៧ ក្រុម៧ ក្នុងសង្កាត់បឹងត្របែក ខណ្ឌចំការមន ។
លោកឧត្តមសេនីយ៍ទោ អ៊ុក ហៃសីឡា ប្រធាននាយកដ្ឋានស៊ើបអង្កេត និងអនុវត្តនីតិវិធីបានប្រាប់ឱ្យដឹងថា ដោយយោងទៅតាមបទបញ្ជាពីលោកនាយឧត្តមសេនីយ៍ សុខ ផលអគ្គនាយកដ្ឋានអន្តោប្រវេសន៍ក្រសួងមហាផ្ទៃ ដើម្បីធ្វើយ៉ាងណាអនុវត្តន៍ច្បាប់អន្តោប្រវេសន៍របស់យើងឱ្យមានប្រសិទ្ធភាពខ្ពស់ ។ដោយក្នុងប្រតិបត្តិការនេះដែរកម្លាំងរបស់លោកបានធ្វើការឃាត់ខ្លួនជនជាតិវៀតណាមប្រុស -ស្រីសរុបចំនួន១៨នាក់ ក្នុងនោះមានស្រី២នាក់ ដែលបានកំពុងតែលួចចូលមកស្នាក់នៅ និងបំពេញការងារដោយគ្មានលិខិតស្នាមអ្វីទាំងអស់ និងពួកគេក៏ប្រឈមទៅនឹងការអនុវត្តច្បាប់ដោយរង់ចាំធ្វើការបញ្ជូនទៅកាន់ប្រទេសកំណើតវិញផងដែរ ។
ក្រោយពីប្រតិបត្តិការត្រួតពិនិត្យការស្នាក់នៅ និងបំពេញការងាររបស់ជនបរទេសនេះដែរ ក្រុមជនជាតិវៀតណាមប្រុស-ស្រីទាំង១៨នាក់ ត្រូវបានធ្វើការឃាត់ខ្លួនយកទៅកាន់អគ្គនាយកដ្ឋានអន្តោប្រវេសន៍នៃក្រសួងមហាផ្ទៃដែលមានទីតាំងនៅទល់មុខ និងអាកាសយានដ្ឋានអន្តរជាតិភ្នំពេញដើម្បីរង់ចាត់ការទៅតាមនីតិវិធីច្បាប់ជាបន្តទៅទៀត ៕
ចែករំលែកព័តមាននេះ