ដេកស្លាប់គ្មានអ្នកដឹងសមត្ថកិច្ចថៃបញ្ជូនសពឱ្យសាច់ញាតិ(មានវីដេអូ)
ខេត្តបន្ទាយមានជ័យ ៖ សពពលករម្នាក់ត្រូវសមត្ថកិច្ចខាងភាគីថៃបញ្ជូនត្រឡប់ឲ្យសាច់ញាតិតាមច្រកទ្វារអន្តរជាតិប៉ោយប៉ែត…
ខេត្តបន្ទាយមានជ័យ ៖ សពពលករម្នាក់ត្រូវសមត្ថកិច្ចខាងភាគីថៃបញ្ជូនត្រឡប់ឲ្យសាច់ញាតិតាមច្រកទ្វារអន្តរជាតិប៉ោយប៉ែតនៅវេលាម៉ោង៥និង៣០នាទីល្ងាច ថ្ងៃទី១ មីនា ឆ្នាំ២០១៧ បន្ទាប់ពីស្លាប់ដោយសារគាំងបេះដូង នៅក្រុងបាងកក ប្រទេសថៃ ។
ជនរងគ្រោះឈ្មោះ ជា សុខជឿន ភេទប្រុស អាយុ៣២ឆ្នាំ ជាកម្មករសំណង់ធ្វើការលើទឹកដីថៃនៅក្រុងបាងកក និងមានទីលំនៅភូមិដំរីឆ្លង ឃុំស្អាងភ្នំ ស្រុកស្អាង ខេត្តកណ្តាល ។
បើតាមប្រភពពីសាច់ញាតិបានប្រាប់កោះសន្តិភាពឱ្យដឹងថា ជនរងគ្រោះបានដេកស្លាប់(គាំងបេះដូង)ដោយមិនដឹងតាំងពីពេលណា លុះដល់វេលាម៉ោង៤ទាបភ្លឺថ្ងៃទី២៨ កុម្ភៈ ឆ្នាំ២០១៧ ទើបមានអ្នកដឹង ។ ចំពោះសពត្រូវបានសាច់ញាតិយកទៅធ្វើបុណ្យនៅស្រុកកំណើតតាមប្រពៃណី ៕
ចែករំលែកព័តមាននេះ