Apple ចាប់ផ្តើមផលិត iPhone 14 នៅឥណ្ឌា កាត់បន្ថយការពឹងផ្អែកភាគច្រើនលើចិន
ឥណ្ឌា ៖ ក្រុមហ៊ុន Apple បានអះអាងថាបានចាប់ផ្តើមការផលិតទូរស័ព្ទ iPhone 14 របស់ខ្លួននៅ
ឥណ្ឌា ៖ ក្រុមហ៊ុន Apple បានអះអាងថាបានចាប់ផ្តើមការផលិតទូរស័ព្ទ iPhone 14 របស់ខ្លួននៅ
ឥណ្ឌា ៖ ក្រុមហ៊ុន Apple បានអះអាងថាបានចាប់ផ្តើមការផលិតទូរស័ព្ទ iPhone 14 របស់ខ្លួននៅប្រទេសឥណ្ឌាហើយ ដើម្បីកាត់បន្ថយសង្វាក់ផលិតភាគច្រើនដែលពឹងផ្អែកលើប្រទេសចិន។ នេះបើយោងតាមប្រភពពី BBC ចេញផ្សាយនៅថ្ងៃទី២៧ ខែកញ្ញា ឆ្នាំ២០២២។
ការផលិតទូរស័ព្ទភាគច្រើនរបស់ក្រុមហ៊ុន Apple គឺនៅប្រទេសចិន។ ប៉ុន្តែក្រុមហ៊ុនយក្សរបស់អាមេរិកមួយនេះ បានផ្លាស់ប្តូរសង្វាកនៃការផលិតមួយចំនួនរបស់ខ្លួននៅក្រៅប្រទេសមហាអំណាចសេដ្ឋកិច្ចនៅអាស៊ីមួយនេះ ស្របពេលដែលភាពតានតឹងបានកើនឡើងរវាងទីក្រុងវ៉ាស៊ីនតោន និងទីក្រុងប៉េកាំង។ ហើយបន្ថែមពីលើនេះទៀត គោលនយោបាយ «សូន្យ-កូវីដ» របស់ចិន ដែលបានបង្កឱ្យមានការបិទទ្វារយ៉ាងទូលំទូលាយ និងបង្កការរំខានជាខ្លាំងសម្រាប់អាជីវកម្ម អំឡុងពេលកំពុងប្រយុទ្ធប្រឆាំងនឹងជំងឺរាតត្បាតមួយនេះ។
ក្រុមហ៊ុន Apple បានធ្វើការបង្ហាញទូរស័ព្ទ iPhone ស៊េរីចុងក្រោយបំផុតរបស់ខ្លួនកាលពីដើមខែកញ្ញានេះ។ ក្រុមហ៊ុនបានបញ្ជាក់នៅក្នុងសេចក្តីថ្លែងការណ៍មួយយ៉ាងដូច្នេះថា «ត្រកូល iPhone 14 ថ្មីបង្ហាញនូវបច្ចេកវិទ្យាថ្មីៗ ព្រមទាំងបន្ថែមសមត្ថភាពសុវត្ថិភាពសំខាន់ៗជាច្រើន។ ហើយយើងពិតជារំភើបណាស់ជាមួយដំណើរការផលិតនៅក្នុងប្រទេសឥណ្ឌា»។
គួរបញ្ជាក់ថា ដៃគូផលិតជាសកលរបស់ក្រុមហ៊ុន Apple គឺក្រុមហ៊ុន Foxconn មានមូលដ្ឋាននៅកោះតៃវ៉ាន់ ដែលផលិតទូរស័ព្ទភាគច្រើនរបស់ Apple គឺមានប្រតិបត្តិការនៅក្នុងរដ្ឋ Tamil Nadu ភាគខាងត្បូងប្រទេសឥណ្ឌាចាប់តាំងពីឆ្នាំ ២០១៧ មកម្ល៉េះ ដែលជាកន្លែងផលិតទូរស័ព្ទជំនាន់ចាស់ៗ។
ឥឡូវនេះ ក្រុមហ៊ុន Apple ត្រូវបានគេសម្លឹងឃើញថា កំពុងធ្វើការភ្នាល់យ៉ាងធំសម្បើមមួយ នៅក្នុងការផលិតផលិតផលថ្មីបំផុតរបស់ខ្លួនគឺ iPhone 14 នៅក្នុងប្រទេសឥណ្ឌា។ ហើយតាមរយៈការភ្នាល់លើប្រទេសឥណ្ឌា Apple ក៏កំពុងស្វែងរកការបង្កើនការបោះជំហានរបស់ខ្លួននៅក្នុងប្រទេសមហាអំណាចនៅអាស៊ីខាងត្បូងមួយនេះផងដែរ។ ដោយគិតត្រឹមឆ្នាំមុន ចំណែកទីផ្សាររបស់ Apple មានប្រហែលប្រមាណ ៤% នៅទីនោះ៕
ចែករំលែកព័តមាននេះ