ADផ្ទាំងផ្សព្វផ្សាយពាណិជ្ជកម្ម

Picture

ភ្លៀង​ធ្លាក់​ជា​បន្តបន្ទាប់​ជាប់​ៗ​គ្នា ធ្វើ​ឱ្យ​លិចលង់​ផ្ទះ​ប្រជាពលរដ្ឋ​ជា​ច្រើន​ខ្នង​(​វី​ដេ​អូ​)

4 ខែ មុន
  • កំពង់ចាម

បាតុភូត​ធម្មជាតិ ភ្លៀង​បាន​បង្អុរ​ធ្លាក់​មក​ជា​បន្តបន្ទាប់​ជា​ច្រើន​មេ ជា​ហេតុ​ធ្វើ​ឲ្យ​មាន​ទឹកជំនន់​លិច​ព្រៃ​ឆ្លូង បាន​កើនឡើង​ជន់​លិច​ដល់​ផ្ទះ​របស់​ប្រជាពលរដ្ឋ ស្ថិត​នៅ​

ខេត្តក្រចេះ និង​ខេត្ត​ត្បូងឃ្មុំ ៖ បាតុភូត​ធម្មជាតិ ភ្លៀង​បាន​បង្អុរ​ធ្លាក់​មក​ជា​បន្តបន្ទាប់​ជា​ច្រើន​មេ ជា​ហេតុ​ធ្វើ​ឲ្យ​មាន​ទឹកជំនន់​លិច​ព្រៃ​ឆ្លូង បាន​កើនឡើង​ជន់​លិច​ដល់​ផ្ទះ​របស់​ប្រជាពលរដ្ឋ ស្ថិត​នៅ​ភូមិប​ល្ល័​ង្គ ឃុំ​ដំរី​ផុង ក្នុងស្រុក​ឆ្លូង ដែល​មាន​រហូត​ដល់​ជាង​៧០​គ្រួសារ ក្នុង​នោះ​ឡើង​លិច​ដល់​រនាប​ផ្ទះ​ចំនួន​១០​ខ្នង ប៉ុន្តែ​មិន​មាន​ប្រជាពលរដ្ឋ​ណា​ម្នាក់​រងគ្រោះថ្នាក់​ស្លា​.​ប់​ដោយសារ​លង់ទឹក ឬ​សត្វ​អ​សិរ​ពិស​ខាំ ឬ​ចឹក​នោះ​ឡើយ​។

Picture

បើ​តាម​អ្នកស្រី ឌួ​ង លឹ​ម​ហ៊ា​ង មេឃុំ​ដំរី​ផុង ប្រាប់​ឲ្យ​ដឹង​នា​ព្រឹក​ថ្ងៃ​ទី​២៧ ខែកញ្ញា ឆ្នាំ​២០២២​នេះ​ថា ស្ថិត​នៅ​តំបន់​ដាច់​ស្រយាល គឺ​មាន​ភូមិប​ល្ល័​ង្គ ដែល​នៅ​ជាប់​នឹង​ព្រែក​ឆ្លង មាន​ព្រំប្រទល់​ជាប់​នឹង​ឃុំ​រំចេក ស្រុក​មេមត់ ខេត្ត​ត្បូងឃ្មុំ បាន​រង​គ្រោះ​ដោយសារ​ជំនន់​ទឹកភ្លៀង​ហូរ​ចាក​ពី​តំបន់​ផ្សេង​ៗ​ក្នុង​រយៈពេល​៣​ទៅ​៥​ថ្ងៃ​ជាប់​ៗ​គ្នា​នោះ នឹង​ធ្វើ​ឲ្យ​លិច​ភូមិឋាន​របស់​ប្រជាពលរដ្ឋ​ត្រូវ​ជួប​ការ​លំបាក សូ​ម្បី​តែ​ផ្លូវលំ​ស្ថាបនា​អស់​រាប់រយ​លាន​រៀល ក៏​ត្រូវ​បាន​ខូចខាត​ផង​ដែរ​។

Picture

មេឃុំ​ដំរី​ផុង បាន​ប្រាប់​បន្ត​ឲ្យ​ដឹង​ទៀត​ថា តាម​រយៈ​មេ​ភូមិប​ល្ល័​ង្គ បាន​រាយការណ៍​មក​ថា​ផ្ទះ​ប្រជាពលរដ្ឋ​ត្រូវ​បាន​ទឹកភ្លៀង​ជន់​លិចឡើង​ដល់​រនាប​ផ្ទះ​ចំនួន​១០​ខ្នង ក្នុង​នោះ​៨​ខ្នង​ត្រូវ​បាន​ចល័ត​ទៅ​រក​ទីទួល​សុវត្ថិភាព នៅ​សល់​តែ​២​គ្រួសារ​ប៉ុណ្ណោះ​ដែល​ពួក​គាត់​ប្រកប​របរ​អ្នក​រត់​ទូកដ​។

Picture

សូម​បញ្ជាក់​ថា ជំនន់​ទឹកភ្លៀង​ដែល​ឡើង​មក​លិច​ភូមិ និង​សាលារៀន ដែល​ធ្វើ​ឲ្យ​សិស្ស​បឋម​សិក្សា ត្រូវ​បាន​ខកខាន​រៀនសូត្រ​នេះ ជា​លើក​ទី​២​ហើយ​។ ទោះជា​បែប​នេះ អាជ្ញាធរ​បាន​ជម្រាប​ដល់​ពលរដ្ឋ​ទាំងអស់​នៅ​ក្នុងភូមិ ឲ្យ​បង្កើន​ការ​ប្រុង​ប្រយ័ត្ន ជា​ពិសេស​កុមារ​តូច​ៗ​រួម​នឹង​មនុស្ស​ចាស់ជរា ត្រូវ​យកចិត្តទុកដាក់​លើ​ពួក​គាត់​ឲ្យ​បាន​ខ្ពស់ ដើម្បី​បង្ការ​កុំ​ឲ្យ​មាន​គ្រោះថ្នាក់​ជាយថាហេតុ​ណាមួយ​កាត់​ឡើង​។ ហើយ​នា​ពេល​កន្លង​ទៅ ពលរដ្ឋ​រង​គ្រោះ​ដែល​ធ្ងន់​ជាងគេ​ចំនួន​២០​គ្រួសារ ត្រូវ​បាន​អាជ្ញាធរ​ស្រុក​យកចិត្តទុកដាក់ និង​ចុះ​មក​ចែក​អំណោយ​ដោយ​ផ្ទាល់​ដៃ ជាមួយ​នោះ​មណ្ឌល​សុខភាព​ដំរី​ផុង ក៏​បាន​ចុះ​ចែក​ថ្នាំ​អាល់​បេ​ត សម្រាប់​ដាក់​តាម​ពាងទឹក ដើម្បី​កុំឱ្យ​មាន​មូស​ខ្លាខាំ​កូនចៅ​អ្នក​ភូមិ​ផង​ដែរ​។

Picture

ប្រជាពលរដ្ឋ​រង​គ្រោះ​ដោយសារ​ជំនន់​ទឹកភ្លៀង​ខាងលើ​នេះ សំណូមពរ​ឲ្យ​អាជ្ញាធរ​គ្រប់​លំដាប់ថ្នាក់ ជួយ​ដល់​ពួក​គាត់​ផង ពេល​នេះ​កំពុង​តែ​ខ្វះខាត​។

អ្នកស្រី​ឌួ​ង លឹ​ម​ហ៊ា​ង មេឃុំ​ដំរី​ផុង បាន​បន្ថែម​ទៀត​ថា ជាក់ស្ដែង​នៅ​ព្រឹក​ថ្ងៃ​ទី​២៧ ខែកញ្ញា នេះ មេឃ​ខ្មៅ​ងងឹត និង​មាន​ភ្លៀង​ធ្លាក់​មក​ជា​បន្ត​ទៀត ជាមួយ​គ្នា​នោះ អាជ្ញាធរ​ក៏​បាន​រាយការណ៍​ពី​ផល​ប៉ះពាល់​ដោយសារ​គ្រោះ​ជំនន់​ទឹកភ្លៀង​ទៅ​ថ្នាក់​ស្រុក ដើម្បី​ឲ្យ​បានដឹង និង​ត្រៀម​យក​អំណោយ​មក​ចែក​ជូន​ដល់​ប្រជាពលរដ្ឋ​ដែល​រង​គ្រោះ​លិច​ដល់​រនាប​ផ្ទះ ដែល​នឹង​ធ្វើ​ឡើង​ក្នុង​ពេល​ឆាប់​ៗ​នេះ​។

Picture

សូម​បញ្ជាក់​ថា ជំនន់​ទឹកភ្លៀង​ដែល​ឡើង​មក​លិច​ភូមិ​ប្រ​ឡាំង​ចំនួន​២​លើក មិន​បង្ក​ឲ្យ​មាន​ផល​ប៉ះពាល់​គ្រោះថ្នាក់​ដល់​អាយុជីវិត​ប្រជាពលរដ្ឋ​ណា​ម្នាក់​នោះ​ទេ​។ ហើយ​ក្រៅពី​លិច​ភូមិប​ល្ល័​ង្គ ក៏​មាន​ប្រឡាយ​ត្រៀក ត្រូវ​បាន​ទឹកភ្លៀង​ហូរ​ជន់​លិច​ដាច់​ប្រវែង​ជិត​១០០​ម៉ែត្រ ទំនប់​ស្រែ​ថ្មី​ទឹក​ហៀរ​ពីលើ តែ​ត្រូវ​បាន​បើកទ្វារ​ទឹក​ទាន់​ពេលវេលា ដូច្នេះ​អាជ្ញាធរ​សូម​អំពាវនាវ​ឱ្យ​ប្រជាពលរដ្ឋ​ត្រូវ​បង្កើន​ការ​យកចិត្តទុកដាក់​ធ្វើ​យ៉ាងណា «​ផឹក​ស្អាត ហូប​ស្អាត រស់នៅ​ស្អាត​»​។

Picture
Picture
Picture
Picture
Picture
Picture
Picture
Picture
Picture
Picture
Picture
Picture
Picture
Picture
Picture
Picture
SEA Game 2023

ព្រឹត្តិការណ៍ស៊ីហ្គេម លើកទី៣២

SEA Game 2023