ខេត្តបន្ទាយមានជ័យ ៖ រន្ធត់ណាស់នេះ ដែលបណ្តាលមកពីកត្តាឆ្វេសប្រហែសរបស់ឪពុកម្តាយ ដោយខ្វះការប្រុងប្រយ័ត្នចំពោះកូននៅតូចៗ បណ្តែតបណ្តោយឲ្យងូតទឹកលេងម្នាក់ឯង។ ជាក់ស្តែងក្មេងស្រីម្នាក់តូចម្នាក់អាយុទើបតែ០៣ឆ្នាំប៉ុណ្ណោះបានដាំក្បាលចូលក្នុងធុងជ័រសម្រាប់ដាក់ទឹកដែលមានកម្ពស់ប្រហែល៦តឹក បណ្តាលឲ្យលង់ទឹកស្លា.ប់បង្កឱ្យមានការភ្ញាក់ផ្អើលកាលពីវេលាម៉ោង០៤និង៥០នាទីល្ងាច ថ្ងៃទី២៣ ខែកញ្ញា ឆ្នាំ២០២២ ស្ថិតនៅភូមិតាឡំចុង ឃុំតាឡំ ស្រុកមង្គលបូរី ខេត្តបន្ទាយមានជ័យ ។
បើតាមប្រភពព័ត៌មានពីនគរបាលស្រុកមង្គលបូរី បានឲ្យដឹងថា ៖ ក្មេងស្រីរងគ្រោះខាងលើមានឈ្មោះ លួម លីហ្សា អាយុ០៣ឆ្នាំ រស់នៅភូមិតាឡំចុង ឃុំតាឡំ ស្រុកមង្គលបូរី ខេត្តបន្ទាយមានជ័យ មានឪពុកឈ្មោះ ពាញ ហួត អាយុ៤៤ឆ្នាំ និងម្តាយឈ្មោះ ឆាយ យឿង អាយុ៤៣ឆ្នាំ ។
នគរបាលបានបញ្ជាក់ថា តាមការបំភ្លឺរបស់ឪពុកម្តាយក្មេងស្រីរងគ្រោះ នៅមុនពេលកើតហេតុ កូនគាត់បានទៅងូតទឹកក្នុងធុងជ័រនៅខាងក្រៅផ្ទះម្នាក់ឯង ហើយពួកគាត់រវល់នៅក្នុងផ្ទះ ដោយមិនលឺមាត់កូនលេងទឹក និងលឺចាក់ទឹកលេងនោះ គាត់ក៏បានចេញមកមើល ស្រាប់តែឃើញកូនគាត់ដាំក្បាលចូលទៅក្នុងធុងទឹកស្លា.ប់បាត់ទៅហើយ មិនដឹងថា តាំងពីពេលណានោះទេ ។
នគរបាលបានឲ្យដឹងទៀតថា បន្ទាប់ពីទទួលបានព័ត៌មានខាងលើភ្លាម ក៏បានបង្កើតគណៈកម្មាការត្រួតពិនិត្យ និងស្រាវជ្រាវជុំវិញកន្លែងកើតហេតុ និងស.ពជនរងគ្រោះ ដែលមានសមាសភាពក្រុមប្រឹក្សាឃុំ,នគរបាលប៉ុស្តិ៍រដ្ឋបាលឃុំ, ប្រធានមណ្ឌលសុខភាពឃុំ, លោកមេភូមិ និងក្រុមគ្រួសារស.ព។ បើឆ្លងតាមការត្រួតពិនិត្យឃើញថា ក្មេងស្រីរងងគ្រោះពិតជាស្លា.ប់ដោយសារលង់ទឹកពិតប្រាកដមែន មិនពាក់ព័ន្ធករណីមនុស្សឃា.តនោះឡើយ។
ក្រោយពីពិនិត្យស.ពជនរងគ្រោះរួច សមត្ថកិច្ចត្រូវបានប្រគល់ស.ពជូនឪពុកម្តាយ ដើម្បីរៀបចំធ្វើបុណ្យតាមប្រពៃណីទាំងក្តីអាឡោះអាល័យជាពន់ពេក៕
ចែករំលែកព័តមាននេះ