តាំងបង្ហាញផលិតថ្មីក្នុងទីផ្សារកម្ពុជា
រាជធានីភ្នំពេញ ៖ ក្រុមហ៊ុន Colgate និង palmolive បានបង្ហាញសាប៊ូដុសខ្លួនម៉ាក Protex ផលិតផលថ្មី នៅក្នុងទីផ្សារប្រទេសកម្ពុជាដល់អតិថិជនទូទៅ ។
រាជធានីភ្នំពេញ ៖ ក្រុមហ៊ុន Colgate និង palmolive បានបង្ហាញសាប៊ូដុសខ្លួនម៉ាក Protex ផលិតផលថ្មី នៅក្នុងទីផ្សារប្រទេសកម្ពុជាដល់អតិថិជនទូទៅ ។
កម្មវិធីបង្ហាញផលិតផលថ្មីរបស់សាប៊ូដុសខ្លួន Protex នេះ បានធ្វើឡើងនៅសួនកម្សាន្តកុមារ ទីក្រុងកោះពេជ្រ កាលពីល្ងាចថ្ងៃ ២៦ កុម្ភៈ ២០១៧ ដោយក្នុងនោះក៏មានការចូលរួមច្រៀង និងសម្ដែងពីកញ្ញារ៉េត ស៊ូហ្សាណា អតីតបេក្ខជន The Voice Cambodia រដូវកាលទី២ផងដែរ ។ នៅក្នុងកម្មវិធីបង្ហាញផលិតផលថ្មីរបស់ Protex នេះ ក៏មានការរៀបចំល្បែងកម្សាន្តសម្រាប់ទស្សនិកជនដែលចូលរួម ដើម្បីឈ្នះរង្វាន់សាប៊ូដុសខ្លួនពីក្រុមហ៊ុនផងដែរ ។
តំណាងក្រុមហ៊ុនបានឱ្យដឹងថា Protex Thai Therapy ជាសាប៊ូដុសខ្លួនប្រភេទថ្មីរបស់ក្រុមហ៊ុន Colgate និង Palmolive មាន២ប្រភេទហើយប្រភេទទាំង២ មានសារធាតុចំរាញ់ចេញពីឱសថបុរាណធម្មជាតិ ដូចជាអំពិល រមៀត ថាណាខា វីតាមីន C និង E ដែលបង្កើតឡើងដោយអ្នកជំនាញសុខភាពស្បែករបស់សាប៊ូ Protex ជួយធ្វើឱ្យស្បែកមុខស្រស់ស្អាត និង សុខភាពល្អ ភ្លឺចែងចាំបែបធម្មជាតិ ។
អតិថិជនទូទៅអាចរកទិញបាននៅគ្រប់ទីផ្សារក្នុងព្រះរាជាណាចក្រកម្ពុជា និងនៅតាមបណ្ដាខេត្តមួយចំនួនទៀត ដូចជា ខេត្តកណ្ដាល ខេត្តតាកែវ បាត់ដំបង បន្ទាយមានជ័យ ខេត្តសៀមរាប និងកំពង់ចាមជាដើម ។
ចែករំលែកព័តមាននេះ