រាជធានីភ្នំពេញ ៖ ជនសង្ស័យចំនួន៤នាក់ ពាក់ព័ន្ធករណីចាប់បង្ខាំងមនុស្សធ្វើទារុណកម្ម ដើម្បីជំរិតទារប្រាក់ ត្រូវបានកម្លាំងការិយាល័យនគរបាលព្រហ្មទណ្ឌកំរិតស្រាលរាជធានីភ្នំពេញ ធ្វើការស្រាវជ្រាវបង្ក្រាប និងចាប់ឃាត់ខ្លួននៅវេលាម៉ោង១៧និង០០នាទី ថ្ងៃទី២២ ខែកញ្ញា…
រាជធានីភ្នំពេញ ៖ ជនសង្ស័យចំនួន៤នាក់ ពាក់ព័ន្ធករណីចាប់បង្ខាំងមនុស្សធ្វើទារុណកម្ម ដើម្បីជំរិតទារប្រាក់ ត្រូវបានកម្លាំងការិយាល័យនគរបាលព្រហ្មទណ្ឌកំរិតស្រាលរាជធានីភ្នំពេញ ធ្វើការស្រាវជ្រាវបង្ក្រាប និងចាប់ឃាត់ខ្លួននៅវេលាម៉ោង១៧និង០០នាទី ថ្ងៃទី២២ ខែកញ្ញា ឆ្នាំ២០២២ នៅចំណុចសណ្ឋាគារហ្វែរីលែន ផ្លូវលេខ១៤១ ភូមិ៩ សង្កាត់វាលវង់ ខណ្ឌ៧មករា រាជធានីភ្នំពេញ ។
បើយោងតាមស្នងការដ្ឋាននគរបាលរាជធានីភ្នំពេញ បានអោយដឹងថា ជនរងគ្រោះមានឈ្មោះ ង្វៀង ដុងហាយ ភេទប្រុស មានអាយុ៣៨ឆ្នាំ ជាជនជាតិវៀតណាម ។
ចំណែកឯជនសង្ស័យ ត្រូវឃាត់ខ្លួនចំនួន៤នាក់ រួមមាន ៖
១-ជនសង្ស័យឈ្មោះ TRAN TINHUY ភេទប្រុស អាយុ៣៣ឆ្នាំ ជនជាតិវៀតណាម
២-ឈ្មោះ NGUYEN VAN VO ភេទប្រុស អាយុ៤២ឆ្នាំ ជនជាតិវៀតណាម
៣-ឈ្មោះ LUONG VON THET ភេទប្រុស អាយុ២៥ឆ្នាំ ជនជាតិវៀតណាម
៤-ឈ្មោះ VO HONG QUAN ភេទប្រុស អាយុ៣៥ឆ្នាំ ជនជាតិវៀតណាម (និងជាមេខ្លោង) ។
បច្ចុប្បន្នជនសង្ស័យខាងលើ កម្លាំងការិយាល័យ កំពុងកសាងសំណុំរឿងបញ្ជូនទៅសាលាដំបូងរាជធានីភ្នំពេញ ដើម្បីចាត់ការបន្តតាមនីតិវិធីច្បាប់ ៕
ចែករំលែកព័តមាននេះ