ឃាត់កុំឲ្យស្រែក«យកអីវ៉ាន់អត់ ៗ !» សំពងរហូតសន្លប់
រាជធានីភ្នំពេញ ៖ បុរសម្នាក់ខណៈស្រែកឃាត់ជន២នាក់ដែលតែងតែដើរស្រែកបែបម៉ូថា «យកអីវ៉ាន់អត់ ៗ !» ធ្វើឲ្យជន២នាក់នោះខឹងយ៉ាងខ្លាំង ក៏ទាញដំបងសំពងរហូតសន្លប់ …
រាជធានីភ្នំពេញ ៖ បុរសម្នាក់ខណៈស្រែកឃាត់ជន២នាក់ដែលតែងតែដើរស្រែកបែបម៉ូថា «យកអីវ៉ាន់អត់ ៗ !» ធ្វើឲ្យជន២នាក់នោះខឹងយ៉ាងខ្លាំង ក៏ទាញដំបងសំពងរហូតសន្លប់ …
រាជធានីភ្នំពេញ ៖ បុរសម្នាក់ខណៈស្រែកឃាត់ជន២នាក់ដែលតែងតែដើរស្រែកបែបម៉ូថា «យកអីវ៉ាន់អត់ ៗ !» ធ្វើឲ្យជន២នាក់នោះខឹងយ៉ាងខ្លាំង ក៏ទាញដំបងសំពងរហូតសន្លប់ស្ដូកស្ដឹងបង្កឲ្យមានការភ្ញាក់ផ្អើលកាលពីវេលាម៉ោង៣ និង៣០នាទីរសៀល ថ្ងៃទី២៥ ខែកុម្ភៈ ឆ្នាំ២០១៧ ស្ថិតនៅក្នុងភូមិព្រៃសាលា សង្កាត់កាកាប ខណ្ឌពោធិ៍សែនជ័យ រាជធានីភ្នំពេញ ។
យុវជនរងគ្រោះឈ្មោះ លឹម រតនា អាយុ២៨ឆ្នាំ មុខរបរជាងផ្សារដែក ស្នាក់នៅភូមិកើតហេតុ ។ ដោយឡែកក្រុមអ្នកលក់ថ្នាំញៀនទាំង២នាក់នោះម្នាក់ឈ្មោះ ប៉េង អាយុប្រហែលជាង២០ឆ្នាំ និងម្នាក់ទៀតឈ្មោះ កែក អាយុប្រហែល៣០ឆ្នាំ ស្នាក់នៅក្នុងភូមិកើតហេតុដែរ ។
ស្ត្រីម្នាក់ឈ្មោះ ទ្រី សម្ផស្ស អាយុ៥៦ឆ្នាំ មុខរបរលក់បន្លែ ត្រូវជាម្ដាយរបស់យុវជនរងគ្រោះ បានរៀបរាប់ថា មុនពេលកើតហេតុ ក្រុមជួញដូរគ្រឿងញៀន២នាក់នោះបានដើរទៅមុខផ្ទះរបស់គាត់ ហើយបានស្រែកសួរកូនគាត់ថា «យកអីវ៉ាន់អត់ ៗ ?» ដែលអីវ៉ាន់នោះពួកគេសំដៅទៅលើថ្នាំញៀន ប៉ុន្តែដោយសារមិនចង់ឲ្យអ្នកផ្សេងចាប់អារម្មណ៍ទើបពួកគេស្រែកជាម៉ូបែបនេះ ហើយដែលការស្រែកនោះមិនមែនទើបតែម្ដងឡើយ គឺបានទៅស្រែកជារៀងរាល់ថ្ងៃតែម្ដង ។
ស្ត្រីរូបនោះបញ្ជាក់ថា ទោះបីជាជនទាំងនោះទៅស្រែក និងខំអូសទាញកូនគាត់បែបណា ក៏កូនគាត់មិនបានចាប់អារម្មលង់តាមការអូសទាញដែរ មិនតែប៉ុណ្ណោះកូនគាត់បានឃាត់មិនឲ្យស្រែកបែបនេះ នៅមុខផ្ទះតទៅទៀតទេ ទៅស្រែកឯណាក៏ស្រែកទៅ ព្រោះកូនគាត់មិនដែលពាក់ព័ន្ធនឹងគ្រឿងញៀនឡើយ ។
ស្ត្រីខាងលើបានបន្តទៀតថា កូនគាត់បាននិយាយទៅកាន់ជនទាំង២នាក់នោះវិញថា «ហើយម៉េចចូលចិត្តតែមកដល់មុខផ្ទះខ្ញុំ ហើយស្រែកថា យកអីវ៉ាន់ៗចឹង ឈប់ស្រែកទៀតទៅ តិចគេថា ផ្ទះខ្ញុំមានលក់អីវ៉ាន់នឹងឥឡូវហើយ» ភ្លាមៗនោះអ្នកលក់គ្រឿងញៀនបានសំឡុតវិញថា «ម៉េចអញស្រែកមិនបានអី អាចោរម្រាយ អាឯងចេញពីក្នុងផ្ទះមកមើល អាឯងខ្លាំង អាឯងចេញមក» ខណៈនោះកូនគាត់កំពុងដេកលើគ្រែមុខផ្ទះ ហើយគាត់ក៏បានឃាត់មិនឲ្យកូនគាត់ចេញទៅ និងតបតជាមួយពួកនោះទេ ប៉ុន្តែជនសង្ស័យខាងលើមិនអស់ចិត្តឡើយបានទាញដំបងឈើមួយកំណាត់ដែលភ្លើងឆេះមិនអស់ស្រដៀងទៅនឹងធ្យូងដែរចូលមកវាយកូនរបស់គាត់៦ដំបងបណ្ដាលឲ្យសន្លប់ ទើបឈប់វាយ ហើយបន្ទាប់មកម្ដាយពួកគេបានទៅហៅត្រឡប់ទៅផ្ទះវិញបាត់អស់ ។
ស្ត្រីជាម្តាយជនរងគ្រោះបានសំណូមពរដល់សមត្ថកិច្ចនគរបាលជួយអន្តរាគមន៍ និងរកយុត្តិធម៌ជូនកូនគាត់ផង ៕
ចែករំលែកព័តមាននេះ