រោគសញ្ញាកង្វះជាតិកាល់ស្យូមក្នុងរាងកាយ
កង្វះជាតិកាល់ស្យូមគឺជារឿងធម្មតាចំពោះកុមារ ស្ត្រីអស់រដូវ និងស្ត្រីវ័យចំណាស់ ។ វាកើតឡើងដោយសារតែមានសារជាតិកាល់ស្យូមតិចក្នុងរបបអាហារដែលអ្នកទាំងនោះ …
កង្វះជាតិកាល់ស្យូមគឺជារឿងធម្មតាចំពោះកុមារ ស្ត្រីអស់រដូវ និងស្ត្រីវ័យចំណាស់ ។ វាកើតឡើងដោយសារតែមានសារជាតិកាល់ស្យូមតិចក្នុងរបបអាហារដែលអ្នកទាំងនោះបរិភោគជារៀងរាល់ថ្ងៃ ។ កត្តាផ្សេងទៀតរួមមានការចាស់ទៅតាមអាយុ ការផ្លាស់ប្តូរអ៊័រម៉ូន និងកម្រិតវីតាមីន D ទាប ។
មនុស្សជាច្រើនមិនសូវចាប់អារម្មណ៍នឹងរោគសញ្ញានៃកង្វះជាតិកាល់ស្យូមទេ រហូតដល់បញ្ហានេះគ្រប់គ្រងលែងបាន ។ វាជាការសំខាន់ដើម្បីដោះស្រាយបញ្ហានេះឱ្យបានឆាប់តាមដែលអាចធ្វើបាន ដូច្នេះទើបវាអាចជួយលុបបំបាត់ផលវិបាកផ្សេងនាពេលអនាគត ។
អត្ថបទខាងក្រោមនេះនឹបបង្ហាញអ្នកអំពីរោគសញ្ញានៃការកង្វះជាតិកាល់ស្យូមក្នុងរាងកាយ ។
១-ឆ្អឹងខ្សោយ ៖ ជាតិកាល់ស្យូមមិនគ្រប់គ្រាន់ក្នុងរាងកាយអាចប៉ះពាល់ដល់សុខភាពនៃឆ្អឹង ដោយសាររ៉ែនេះចាំបាច់សម្រាប់ការសាងសង់ឆ្អឹងរបស់អ្នក និងធ្វើឲ្យពួកវាមានសុខភាពរឹងមាំ ។
២-ចុករួយ និងឈឺចាប់សាច់ដុំ ៖ ការចុករួយ និងឈឺចាប់សាច់ដុំបង្ហាញថាអ្នកខ្វះសារជាតិកាល់ស្យូម ។ វាអាចធ្វើឲ្យកោសិកាប្រសាទក្នុងសាច់ដុំរបស់អ្នកមានភាពរំញោចខ្លាំង ដូច្នេះនាំឱ្យមានការចុករួយសាច់ដុំ ។ វាគឺជារោគសញ្ញាមួយក្នុងចំណោមរោគសញ្ញាចម្បងជាច្រើននៃកង្វះជាតិកាល់ស្យូម ។
៣-មានជំងឺជាញឹកញាប់ ៖ កាល់ស្យូមជួយឱ្យរាងកាយមានប្រព័ន្ធភាពស៊ាំដែលមានសុខភាពល្អ ហើយវាអាចជួយប្រយុទ្ធប្រឆាំងនឹងមេរោគផ្សិត និងបាក់តេរី។ អ្នកដែលខ្វះជាតិកាល់ស្យូមច្រើនតែកើតជំងឺផ្តាសាយ និងការឆ្លងមេរោគ ។
៤-ធ្មេញខ្សោយ ៖ កាល់ស្យូមជាធាតុផ្សំចម្បងនៃធ្មេញ ហើយពេលខ្វះសារជាតិនេះអាចនាំឱ្យធ្មេញមានជំងឺ និងទន់ខ្សោយ ។
៥-ពិបាកក្នុងការសម្រកទម្ងន់ ៖ ការខ្វះជាតិកាល់ស្យូមក្នុងរបបអាហារប្រចាំថ្ងៃពិតជាអាចរារាំងដល់គោលដៅក្នុងការសម្រកទម្ងន់របស់អ្នក ។ ដោយសារតែជាតិកាល់ស្យូមដើរតួនាទីយ៉ាងសំខាន់ក្នុងការគ្រប់គ្រងការធ្វើមេតាបូលីសថាមពល ហើយវាអាចបង្កើនដំណើរការសម្រកទម្ងន់របស់អ្នក ៕
ចែករំលែកព័តមាននេះ