រាជធានីភ្នំពេញ ៖ អនុវត្តតាមបញ្ជា ឯកឧត្តម នាយឧត្ដមសេនីយ៍ សន្តិបណ្ឌិត នេត សាវឿន អគ្គស្នងការនគរបាលជាតិ និង ឯកឧត្តម នាយឧត្ដមសេនីយ៍ ម៉ក់ ជីតូ អគ្គស្នងការរងទទួលផែនប្រឆាំងបទល្មើសគ្រឿងញៀ.ន ក្រោមការបញ្ជាដឹកនាំផ្ទាល់របស់ឯកឧត្តម ឧត្ដមសេនីយ៍ឯក ឡឹក វណ្ណៈ នាយកមន្ទីរប្រឆាំងគ្រឿងញៀ.ន។ កាលពីរំលងអធ្រាត្រថ្ងៃទី១៦ ខែកញ្ញា ឆ្នាំ២០២២ កម្លាំងជំនាញ (ក៣) នៃមន្ទីរប្រឆាំងបទល្មើសគ្រឿងញៀ.ន ដឹកនាំដោយលោកឧត្តមសេនីយ៍ទោ ប្រុញ សាន, លោកឧត្តមសេនីយ៍ទោ ភឹម ច័ន្ទតារ៉ា នាយករងមន្ទីរ មានការចូលរួមពីស្នងការដ្ឋាននគរបាលរាជធានីភ្នំពេញ ព្រមទាំងមានការសម្រលសម្រួលដោយលោក ទី មុនិន្ន ព្រះរាជអាជ្ញារង នៃអយ្យការអមសាលាដំរាជធានីភ្នំពេញ បានធ្វើការបង្ក្រាប នៅ០៣ដោលដៅផ្សេងគ្នា ៖
គោលដៅទី១- នៅចំណុចផ្លូវ២៨៨ ស្ថិតក្នុងសង្កាត់បឹងកេងកង១ ខណ្ឌបឹងកេងកង រាជធានីភ្នំពេញ ឃាត់ខ្លួនជនសង្ស័យបានម្នាក់ មានឈ្មោះ ទូច កុងហ៊ាង និងគ្រឿងញៀ.នប្រមាណជាង៥គីឡូ។ គោលដៅទី២- នៅចំណុចផ្លូវ៦០ម៉ែត្រ ស្ថិតក្នុងសង្កាត់ចាក់អង្រែលើ ខណ្ឌមានជ័យ រាជធានីភ្នំពេញ ឃាត់ខ្លួនជនសង្ស័យម្នាក់ និងថ្នាំញៀ.នប្រមាណជាង១គីឡូ។ គោលដៅទី៣- ឆែកឆេរបន្ទប់របស់ឈ្មោះ ទូច កុកហ៊ាង លេខ២១០៣ ជាន់ទី២១ សណ្ឋាគារ អអេន ហ្វេស ផ្លូវ៦០ម៉ែត្រ ក្នុងសង្កាត់ចាក់អង្រែលើ ខណ្ឌមានជ័យ រាជធានីភ្នំពេញ ដកហូតមានសំភារៈកែច្នៃ និងថ្នាំញៀ.នមួយចំនួន។
លទ្ធផលសរុប ៖ ឃាត់ខ្លួនជនសង្ស័យ២នាក់ ម្នាក់ឈ្មោះ ទូច កុកហ៊ាង ភេទប្រុស អាយុ៣១ឆ្នាំ និងម្នាក់ទៀតឈ្មោះ ហុង ស្រេង ភេទប្រុស អាយុ៤៧ឆ្នាំ។ ក្នុងនោះសមត្ថកិច្ចក៏បានចាប់យកវត្ថុតាងរួមមាន ៖ សារធាធាតុញៀ.នប្រភេទ កេតាមីន (KETAMIN) ទម្ងន់សុទ្ធ ២៩៦ ក្រាម។ សារធាតុញៀ.នប្រភេទ អ៊ិចស្តាស៊ី (MDMA) ទម្ងន់សុទ្ធ៧គីឡូ និង ៥១២.៦៩ក្រាម។ សរុបសារធាតុញៀ.ន៧គីឡូ ៨០៨.៦៩ក្រាម។ សារធាតុគីមី៣គីឡូ ៣៦៥.២ក្រាម។
ក្រោយឃាត់ខ្លួន ជនសង្ស័យរួមនឹងវត្ថុតាង ត្រូវបានសមត្ថកិច្ចកសាងសំណុំរឿងបញ្ជូនទៅសាលាដំបូងរាជធានីភ្នំពេញ បន្តចាត់ការតាមនីតិវិធីច្បាប់៕
ចែករំលែកព័តមាននេះ