ស្មោះអីស្មោះណោះ! ព្រមឱ្យនាងទៅដេកជាមួយប្រុសផ្សេងបាន កុំឱ្យតែនាងសុំបែក
អង់គ្លេស ៖ តើប្រុសៗប៉ុន្មាននាក់ សុខចិត្តឲ្យមនុស្សដែលខ្លួនស្រឡាញ់ទៅដេកជាមួយប្រុសផ្សេង? ស្ទើរតែគ្មានទៅហើយ…..។
អង់គ្លេស ៖ តើប្រុសៗប៉ុន្មាននាក់ សុខចិត្តឲ្យមនុស្សដែលខ្លួនស្រឡាញ់ទៅដេកជាមួយប្រុសផ្សេង? ស្ទើរតែគ្មានទៅហើយ…..។
យោងតាមប្រភពពី Oddity Central បានឲ្យដឹងថា គូស្នេហ៍មួយគូនៅចក្រភពអង់គ្លេស បានយល់ព្រមព្រៀងគ្នា ដោយខាងប្រុសសុខចិត្តឲ្យខាងស្រីទៅដេកជាមួយប្រុសផ្សេង តាមតែខាងស្រីចង់ ហើយខាងប្រុសធ្វើបែបនេះ ព្រោះតែមិនចង់ឲ្យនាងបែកចិត្តពីខ្លួន ។
Adam Gillet និង Beatrice Gibbs អាចនិយាយបានថា ជាគូសង្សារចម្លែកខុសពីគេ ។ Adam អាយុ២៧ឆ្នាំ ដែលជាកម្មករនៅក្នុងរោងជាង បានអនុញ្ញាតឲ្យមិត្តស្រីរបស់ខ្លួន នាង Beatrice អាយុ២២ឆ្នាំ ដែលជាអ្នកផាត់មុខ ទៅដេកជាមួយប្រុសផ្សេងណាក៏បានឲ្យតែនាងចង់ដេកជាមួយ។
អ្វីដែលគាត់ចង់បាន គឺចង់ឲ្យនាងនៅតែស្រឡាញ់រូបគាត់ ។ តែចំពោះខ្លួនគាត់វិញ មិត្តស្រីគាត់មិនឲ្យទៅមានស្រីក្រៅទេ។ សំខាន់គឺគាត់ខ្លួនឯងថា ស្រឡាញ់នាងតែម្នាក់មិនយកអ្នកផ្សេង។
ពួកគេទាំងពីរនាក់ជួបគ្នាជាលើកដំបូង នៅក្នុងតៀមស្រាមួយកន្លែង កាលពីឆ្នាំ២០១៤ ហើយពេលនោះ ក៏បានដេកជាមួយគ្នាពេញមួយយប់។ ពួកគេមិនទាន់ក្លាយជាសង្សារនៅឡើយ ទាល់តែឆ្នាំ២០១៥ ទើបស្នេហារបស់ពួកគេចាប់ផ្តើម ។ ខាងស្រីមិនពេញចិត្តនឹងមានសង្សារតែមួយទេ ។ នាងចង់ដេកជាមួយប្រុសផ្សេងទៀត និងចំណាយពេលជាមួយអ្នកដទៃ។
មួយខែក្រោយ ស្នេហាចាប់ផ្តើមនាងក៏សុំបែក តែខាងប្រុសមិនព្រមទេ ហើយក៏យល់ព្រមឱ្យនាងដេកជាមួយប្រុសផ្សេងតាមចិត្តនាងស្រឡាញ់ ឲ្យតែនាងនៅស្រឡាញ់និងរស់នៅជាមួយរូបគាត់។
តាំងពីពួកគេយល់ព្រមនឹងគ្នាហើយ នាង Beatrice បានដេកជាមួយប្រុសដទៃសរុប៤នាក់ ។ លើសពីនេះទៅទៀត នាងថើបប្រុសក្នុងមួយយប់ៗ មិនតិចនាក់ទេ រហូតដល់៦នាក់ក៏មានដែរ ។ ពិតជាមិនគួរឲ្យជឿ !
ចែករំលែកព័តមាននេះ