ហ៊ីណូព្រលះកាមរីឆ្លាម សំណាងណាស់មិនមានអ្នកបាត់បង់ជីវិត
ខេត្តកំពង់ស្ពឺ ៖ យ៉ាងហោចណាស់មនុស្ស២នាក់បានរងរបួសក្នុងហេតុការណ៍គ្រោះថ្នាក់ចរាចរណ៍មួយដែលបានកើតឡើងរវាងរថយន្តកាមរីឆ្លាមនឹងរថយន្តហ៊ីណូសណ្តោងកុងតឺន័រ។
ខេត្តកំពង់ស្ពឺ ៖ យ៉ាងហោចណាស់មនុស្ស២នាក់បានរងរបួសក្នុងហេតុការណ៍គ្រោះថ្នាក់ចរាចរណ៍មួយដែលបានកើតឡើងរវាងរថយន្តកាមរីឆ្លាមនឹងរថយន្តហ៊ីណូសណ្តោងកុងតឺន័រ។ ក្រោយពេលកើតហេតុតៃកុងឡានហ៊ីណូបានចុះរត់គេចខ្លួនបាត់ដោយសមត្ថកិច្ចបានត្រឹមតែចុះធ្វើកំណត់ហេតុវាស់វែង និងធ្វើរបាយការណ៍ជូនថ្នាក់លើតែប៉ុណ្ណោះ។ ហេតុការណ៍គ្រោះថ្នាក់នេះកើតឡើងនៅវេលាម៉ោង៤ និង៤៥នាទីទាបភ្លឺ ថ្ងៃទី១៧ កុម្ភៈ២០១៧ តាមបណ្តោយផ្លូវជាតិលេខ៤ ចន្លោះគីឡូម៉ែត្រលេខ៨៦ និង៨៧ ស្ថិតក្នុងភូមិទី១ ឃុំត្រែងត្រយឹងស្រុកភ្នំស្រួច ខេត្តកំពង់ស្ពឺ។
ជនរងគ្រោះភាគីកាមរីឆ្លាមឈ្មោះ ទុយ សុភត្រា ភេទប្រុស អាយុ២៧ឆ្នាំ ជាអ្នកបើកបរ និងឈ្មោះ សាន្ត ប៊ុនធឿន ភេទប្រុស អាយុ៤៤ឆ្នាំ អ្នកទាំង២នាក់រស់នៅរាជធានីភ្នំពេញ ចំណែកអ្នកបើករថយន្តបង្កមិនស្គាល់អត្តសញ្ញាណបានរត់គេចខ្លួនបាត់។
ប្រភពពីសមត្ថកិច្ចស្រង់សម្ដីសាក្សីបានឲ្យដឹងថាមុនពេលកើតហេតុគេបានឃើញរថយន្តកាមរីធ្វើដំណើរពីលិចទៅកើត លុះមកដល់កន្លែងកើតហេតុ ស្រាប់តែបុកគ្នាជាមួយរថយន្តហ៊ីណូ បណ្ដាលឲ្យភាគីកាមរីរងរបួសស្រាល និងបានចុះពីរថយន្តហៅឲ្យប្រជាពលរដ្ឋធ្វើដំណើរឆ្លងកាត់ឲ្យជួយចាប់តៃកុងឡានហ៊ីណូ និងបានយកទូរស័ព្ទថតរូបភាពបង្ហោះលើហ្វេសប៊ុកទៀតផងឃើញដូច្នោះតៃកុងឡានហ៊ីណូបានឱកាសរត់គេចខ្លួន។ ឃើញហេតុការណ៍ដូចច្នេះ ប្រជាពលរដ្ឋបានរាយការណ៍ទៅសមត្ថកិច្ចឲ្យចុះមកអន្តរាគមន៍ និងធ្វើកំណត់ហេតុ។
លោកអនុសេនីយ៍ឯក ប្រាក់ ប៊ុនឡៃ នាយប៉ុស្តិ៍រដ្ឋបាលត្រែងត្រយឹង បានឲ្យដឹងថា រថយន្តកាមរីឆ្លាមពណ៌ទឹកមាសពាក់ស្លាកលេខ ភ្នំពេញ 2D-8604 ធ្វើដំណើរពីលិចទៅកើតបានរេចង្កូតទៅបុករថយន្តហ៊ីណូពណ៌បៃតងចាស់ ពាក់ស្លាកលេខ ភ្នំពេញ 3A-3048ដែលធ្វើដំណើរពីកើតទៅលិចបញ្ច្រាសទិសគ្នាទើបបណ្តាលឲ្យមានហេតុការណ៍អាក្រក់បែបនេះកើតឡើងដោយរថយន្តកាមរីធ្លាក់ទៅម្ខាងផ្លូវតែម្តង។
ដោយឡែកលោក សាន្ត ប៊ុនធឿន បានរៀបរាប់ថា មុនពេលកើតហេរុរូបលោក និងក្រុមការងារបានត្រលប់មកពីកំពង់សោមទៅភ្នំពេញវិញ តែមកដល់ចំណុចកើតហេតុលោកមើលទៅឡានកុងតឺន័រឃើញឡានរេហាក់ដូចជាងងុយដេក លោកបានប្រាប់តៃកុងឡានលោកថា សុំឲ្យមានការប្រុងប្រយ័ត្ន ស្រាប់តែនិយាយមិនទាន់ចប់ផងឡានកុងតឺន័ររេចង្កូតមករកឡានលោក ពេលនោះតៃកុងឡានលោកបានព្យាយាមបើកគេចដែរតែនៅមិនផុតឡានកុងតឺន័រ រួចបានមកបុកឡានលោកពេញទំហឹងតែម្តង។
សមត្ថកិច្ចនគរបាលចរាចរណ៍បាននិយាយថា ពេលសមត្ថកិច្ចចុះទៅដល់លោក សាន្ត ប៊ុនធឿន មិនបានផ្តល់ការសហការនោះទេគឺលោកគិតតែថតវីដេអូសុំឲ្យមិត្តភក្តិក្នុងបណ្ដាញសង្គមហ្វេសប៊ុកជួយអន្តរាគមន៍ទៅវិញ ក្រោយថតវីដេអូបង្ហោះហើយ លោក សាន ប៊ុនធឿន បានឡើងជិះឡានតាក់ស៊ីទៅភ្នំពេញបាត់តែម្តង។ដោយឃើញដូច្នេះសមត្ថកិច្ចបានត្រឹមធ្វើកំណត់ហេតុវាស់វែង និងអូសយកវត្ថុតាងទាំង២មកកាន់អធិការដ្ឋាននគរបាលស្រុក រង់ចាំស្រាវជ្រាវរកម្ចាស់រថយន្តហ៊ីណូឲ្យចូលខ្លួនមកដោះស្រាយជាមួយភាគីលោក សាន្ត ប៊ុនធឿន តាមនីតិវិធី៕
ចែករំលែកព័តមាននេះ