ប្រទេសចិន ៖ ប្រាក់យន់ចិននៅក្រៅប្រទេសបានធ្លាក់ចុះដល់កម្រិតទាបក្នុងរយៈពេល១ខែកន្លងមកនេះ ខណៈដែលគម្លាតរវាងប្រាក់យន់នៅក្នុងប្រទេស និងក្រៅប្រទេសកាន់តែរីកធំដោយសារតែឥទ្ធិពល
ប្រទេសចិន ៖ ប្រាក់យន់ចិននៅក្រៅប្រទេសបានធ្លាក់ចុះដល់កម្រិតទាបក្នុងរយៈពេល១ខែកន្លងមកនេះ ខណៈដែលគម្លាតរវាងប្រាក់យន់នៅក្នុងប្រទេស និងក្រៅប្រទេសកាន់តែរីកធំដោយសារតែឥទ្ធិពលនៃប្រាក់ដុល្លារអាមេរិកកាន់តែរឹងមាំ ។
ប្រាក់យន់នៅក្នុងទីក្រុងហុងកុងបានធ្លាក់ចុះដល់កម្រិតទាបដែលមានតំលៃ៦,៨៧យន់ក្នុង១ដុល្លារអាមេរិក នៅវេលាម៉ោងម៉ោង១០និង២៥នាទីព្រឹកថ្ងៃចន្ទ ស្មើនឹង០,១៩% ឬ១២៩ពិន្ទុដែលខ្សោយជាងកាលពីថ្ងៃសុក្រសប្ដាហ៍មុន ។
ចំណែកតម្លៃប្រាក់យន់នៅទីក្រុងសៀងហៃបានធ្លាក់ចុះ០,១១% ស្មើនឹង៦,៨៨យន់ក្នុង១ដុល្លារអាមេរិក ឈានដល់កម្រិតទាបបំផុតរបស់ខ្លួន ចាប់តាំងពីថ្ងៃទី ៨ ខែកុម្ភៈមក ។
ធនាគារកណ្តាលចិនកាលពីថ្ងៃចន្ទបានកំណត់ពិន្ទុ ដោយយោងលើប្រាក់យន់ធៀបនឹងប្រាក់ដុល្លារអាមេរិកនៅតម្លៃ៦,៨៨យន់ក្នុង១ដុល្លារ ដែលមាន៧៩ពិន្ទុជាមូលដ្ឋានឬស្មើនឹង០,១១% ខ្សោយជាងកាលពីថ្ងៃសុក្រសប្ដាហ៍មុន ដែលបានឈានដល់កម្រិតទាបបំផុតក្នុងរយៈពេល៤សប្តាហ៍ ។
លោក Pan Gongsheng ប្រធានរដ្ឋបាលរដ្ឋនៃអត្រាប្តូរប្រាក់បរទេសបានឱ្យដឹងថា ប្រាក់យន់នឹងរក្សាស្ថិរភាពរបស់ខ្លួន ថ្វីបើមានការប្រែប្រួលមួយចំនួន ខណៈដែលសេដ្ឋកិច្ចរបស់ចិនមានភាពប្រសើរឡើង ។
ប្រាក់ដុល្លារអាមេរិកបានបង្កើនឥទ្ធិពលកាន់ តែខ្លាំងដែលជំរុញដោយការសន្យាទាក់ទងនឹងការយកពន្ធរបស់ប្រធានាធិបតីអាមេរិកលោកDonald Trump ។
ប្រាក់ចំណេញរបស់ក្រុមហ៊ុននៅអាមេរិកត្រូវបានរំពឹងថានឹងកើនឡើង បន្ទាប់ពីលោកប្រធានាធិបតី Donald Trump បានសន្យាពីការប្រកាសពន្ធដ៏សំខាន់នៅក្នុងរយៈពេលពីរឬបីសប្តាហ៍ទៀត ដោយវិនិយោគិនមានការចាប់អារម្មណ៍ក្នុងការចង់ដឹងពីសេចក្តីលម្អិតនៃវិធានការជំរុញសារពើពន្ធដែលលោកបានសន្យា ។
រូបិយប័ណ្ណដទៃទៀតទាំងអស់ ក៏ធ្លាក់ចុះដែរ បើធៀបនឹងប្រាក់ដុល្លារអាមេរិក ។
ប្រាក់យេនជប៉ុនបានធ្លាក់ចុះ០,០៨% ឬស្មើនឹង១១៣,៩៥យេនក្នុង១ដុល្លារនៅម៉ោង១០និង២៥នាទីព្រឹកថ្ងៃចន្ទ ។ កាលពីថ្ងៃសុក្រ សប្ដាហ៍មុន លោកប្រធានាធិបតីTrumpបានសន្យាថា នឹងបង្កើនសន្តិសុខនិងកិច្ចសហប្រតិបត្តិការសេដ្ឋកិច្ចជាមួយប្រទេសជប៉ុន ៕
ចែករំលែកព័តមាននេះ