ប្រធានាធិបតីអាមេរិក លោកដូណាល់ ត្រាំ កាលពីថ្ងៃទី១៥ កុម្ភៈ បានចោទភ្នាក់ងារស៊ើបការណ៍អាមេរិកថា ផ្តល់ដោយខុសច្បាប់បណ្តាព័ត៌មានដល់សារព័ត៌មានក្រោយការចេញផ្សាយក្នុងកាសែតញូវយ៉កថែមពីការលាតត្រដាងនានានូវទំនាក់ទំនងរវាងបណ្តាសមាជិកក្រុមយុទ្ធនាការឃោសនាបោះឆ្នោតរបស់លោក និងរុស្ស៊ី ។
ក្នុងសារមួយតាម TWITTER ប្រធានាធិបតីអាមេរិកអះអាងថា ព័ត៌មានទាំងឡាយត្រូវបានគេទម្លាយខុសច្បាប់ឱ្យដល់កាសែតញូវយ៉កថែម និងវ៉ាស៊ីនតោនប៉ុស្តិ៍ ដោយសហគមន៍អ្នកស៊ើបការណ៍ ។
លោកដូណាល់ ត្រាំ ក្នុងសារនេះបានរិះគន់ឥរិយាបថរបស់ទីភ្នាក់ងារសន្តិសុខជាតិ NSA និង FBI ។ ក្នុងសារតាម TWITTER មួយទៀត លោកត្រាំ វាយតម្លៃថា ការរិះគន់ពីការទាក់ទងជាមួយរុស្ស៊ីពុំមានន័យអ្វីឡើយនិយាយរួមទៅវាគ្រាន់តែជាការប៉ុនប៉ងមួយ ដើម្បីបិទបាំងការខុសឆ្គងជាច្រើននៃក្រុមយុទ្ធនាការឃោសនាបោះឆ្នោតរបស់លោកស្រីហ៊ីល ឡារី គ្លីនតុន ប៉ុណ្ណោះ ។
ដោយដកស្រង់ប្រភពជាច្រើន កាសែតញូវយ៉កថែមរាយការណ៍កាលពីថ្ងៃទី១៤ កុម្ភៈ ថា ការលួចស្តាប់ និងការស្រង់ការសន្ទនាតាមទូរស័ព្ទបង្ហាញថា សមាជិកជាច្រើនរបស់ក្រុមឃោសនាលោកត្រាំ និងបណ្តាមនុស្សរបស់លោកត្រាំ បានបង្កើនការទាក់ទងជាមួយពួកភ្នាក់ងារស៊ើបការណ៍រុស្ស៊ីនាឆ្នាំនៃការឃោសនាបោះឆ្នោត ។
ក្នុងសន្និសីទសារព័ត៌មានរួមមួយជាមួយនាយករដ្ឋមន្ត្រីអុីស្រាអែល លោកបេន ចាមីន នេតាន់យ៉ាហ៊ូ លោកត្រាំ រំលឹកពីការលាលែងរបស់ទីប្រឹក្សាសន្តិសុខជាតិរបស់លោកគឺលោក MICHAEL FLYNN ដែលលោកថាជាមនុស្សល្អបំផុតមួួយ ដោយលោកវិនិច្ឆ័យថា ការជំរុញឱ្យលោកលាលែង ព្រោះតែការលាតត្រដាងពីការទាក់ទងរបស់លោកជាមួយឯកអគ្គរដ្ឋទូតរុស្ស៊ីជារឿងអយុត្តិធម៌ខ្លាំងណាស់ និងថាបណ្តាឯកសារបកអាក្រាតលោកត្រូវចេញផ្សាយដោយខុសច្បាប់ ៕
ចែករំលែកព័តមាននេះ