ជិះម៉ូតូបុកគ្នាជាមួយរថយន្តក្រុង បុរស២នាក់ស្លា.ប់យ៉ាងអាណោចអាធ័ម
ខេត្តពោធិ៍សាត់ ៖ គ្រោះថ្នាក់ចរាចរណ៍ដ៏រន្ធត់មួយរវាងរថយន្តក្រុងដឹកអ្នកដំណើររបស់ក្រុមហ៊ុនរស្មីភ្នំពេញ និងម៉ូតូ បណ្ដាលឲ្យបុរស២នាក់ស្លា.ប់យ៉ាងអាណោចអាធ័ម …
ខេត្តពោធិ៍សាត់ ៖ គ្រោះថ្នាក់ចរាចរណ៍ដ៏រន្ធត់មួយរវាងរថយន្តក្រុងដឹកអ្នកដំណើររបស់ក្រុមហ៊ុនរស្មីភ្នំពេញ និងម៉ូតូ បណ្ដាលឲ្យបុរស២នាក់ស្លា.ប់យ៉ាងអាណោចអាធ័ម …
ខេត្តពោធិ៍សាត់ ៖ គ្រោះថ្នាក់ចរាចរណ៍ដ៏រន្ធត់មួយរវាងរថយន្តក្រុងដឹកអ្នកដំណើររបស់ក្រុមហ៊ុនរស្មីភ្នំពេញ និងម៉ូតូ បណ្ដាលឲ្យបុរស២នាក់ស្លាប់យ៉ាងអាណោចអាធ័ម ។ ហេតុការណ៍នេះកើតឡើងកាលពីវេលាម៉ោង១រំលងអាធ្រាត ឈានចូលថ្ងៃទី១៥ ខែកុម្ភៈ ឆ្នាំ២០១៧ ត្រង់ចំណុចមុខសាលាបឋមសិក្សាស្នាមព្រះ ស្ថិតក្នុងឃុំស្នាមព្រះ ស្រុកបាកាន ខេត្តពោធិ៍សាត់ ។
លោកវរសេនីយ៍ត្រី ស៊ឹម រ័ត្ន អនុប្រធានការិយាល័យចរាចរណ៍ផ្លូវគោក នៃស្នងការដ្ឋាននគរបាលខេត្ត បានឲ្យដឹងថា គ្រោះថ្នាក់ចរាចរណ៍នេះបង្កឡើងរវាងរថយន្ដក្រុងដឹកអ្នកដំណើររបស់ក្រុមហ៊ុនរស្មីភ្នំពេញ ពណ៌សឆ្នូតខៀវ ពាក់ស្លាកលេខ ភ្នំពេញ 3C-7676 ជាមួយម៉ូតូម៉ាកហុងដាឌ្រីម សេ១២៥ ស៊េរីឆ្នាំ២០១៣ ពណ៌ខ្មៅ ពាក់ស្លាកលេខ ពោធិ៍សាត់ 1F-2359 ក្នុងទិសដៅបញ្ច្រាសទិសគ្នា ។
លោកឲ្យដឹងទៀតថា នៅវេលាពាក់កណ្ដាលអាធ្រាតនោះរថយន្ដក្រុងធ្វើដំណើរក្នុងទិសដៅពីលិចទៅកើត រីឯជនរងគ្រោះជិះម៉ូតូឌុបគ្នាពីកើតទៅលិច សុទ្ធតែល្បឿនលឿនដូចគ្នា លុះដល់ចំណុចកើតហេតុមិនដឹងជាយ៉ាងម៉េចស្រាប់តែបុកគ្នាយ៉ាងពេញទំហឹង បណ្ដាលអ្នកជិះម៉ូតូស្លាប់ទាំង២នាក់យ៉ាងអណោចអធមនៅនឹងកន្លែងកើតហេតុ ។ ជនរងគ្រោះម្នាក់ឈ្មោះ ខៀវ ចេក ភេទប្រុស អាយុ២៣ឆ្នាំ និងម្នាក់ទៀតឈ្មោះ ភួង ខុន ភេទប្រុស អាយុ៣២ឆ្នាំ រស់នៅភូមិទួលខ្មែរ ឃុំស្នាមព្រះ ស្រុកបាកាន ជាមួយគ្នា ។ ចំណែកអ្នកបើកបររថយន្តក្រុងមិនស្គាល់អត្តសញ្ញាណបានរត់គេចខ្លួនបាត់ស្រមោល ។
ក្រោយពេលកើតហេតុ រថយន្ដនិងម៉ូតូ ត្រូវបានយកទៅរក្សាទុកនៅអធិការដ្ឋាននគរបាលស្រុកបាកាន ដើម្បីដោះស្រាយទៅតាមច្បាប់ចរាចរណ៍ផ្លូវគោកនៅពេលក្រោយ ។ ចំណែកសាកសពបានប្រគល់ឲ្យក្រុមគ្រួសារយកទៅធ្វើបុណ្យតាមប្រពៃណី ៕
ចែករំលែកព័តមាននេះ