ស្ងាត់ៗ… ធ្លាយរឿងដោះដូរមន្ទីរពាណិជ្ជកម្មខេត្តតាកែវ
- តាកែវ
ក្រោយធ្លាយរឿងដោះដូរអគាររដ្ឋបាលមន្ទីរពាណិជ្ជកម្មខេត្តតាកែវ កាលពីពេលថ្មីៗនេះ ទើបដឹងថា មានការចុះកិច្ចសន្យាដោះដូរសាងសង់អគាររដ្ឋបាលថ្មី មានទីតាំងផ្សេងជាមួយទីតាំង
ក្រោយធ្លាយរឿងដោះដូរអគាររដ្ឋបាលមន្ទីរពាណិជ្ជកម្មខេត្តតាកែវ កាលពីពេលថ្មីៗនេះ ទើបដឹងថា មានការចុះកិច្ចសន្យាដោះដូរសាងសង់អគាររដ្ឋបាលថ្មី មានទីតាំងផ្សេងជាមួយទីតាំង
ខេត្តតាកែវ ៖ ក្រោយធ្លាយរឿងដោះដូរអគាររដ្ឋបាលមន្ទីរពាណិជ្ជកម្មខេត្តតាកែវ កាលពីពេលថ្មីៗនេះ ទើបដឹងថា មានការចុះកិច្ចសន្យាដោះដូរសាងសង់អគាររដ្ឋបាលថ្មី មានទីតាំងផ្សេងជាមួយទីតាំងអគារចាស់ និងដីឃ្លាំង តាំងពីថ្ងៃទី២២ ខែកក្កដា ឆ្នាំ២០២១មកម្ល៉េះ។
ក្រោមហេតុផលអគារមន្ទីរពាណិជ្ជកម្មចាស់ មានសភាពចង្អៀត មិនមានលក្ខណៈងា.យស្រួលសម្រាប់មន្ត្រីបម្រើការងារជូនរដ្ឋ ទើបមានការពិភាក្សាជាមួយនឹងថ្នាក់លើ ធ្វើការដោះដូរទីតាំងចាស់ និងដីឃ្លាំងមួយកន្លែង ជាមួយនឹងអគារថ្មីនៅទីតាំងផ្សេងជាមួយនឹងក្រុមហ៊ុនហ្គ្រីនត្រេដ។
នេះបើតាមការលើកឡើងពីលោក ទេស សុផល ប្រធានមន្ទីរពាណិជ្ជកម្មខេត្តតាកែវ ក៏ដូចជាកំណត់ហេតុប្រគល់ទទួលទីតាំងដី និងឃ្លាំងអក្សរ (ក) ជាមួយអគាររដ្ឋបាលមន្ទីរពាណិជ្ជកម្មខេត្តតាកែវ ចុះថ្ងៃទី២២ ខែកក្កដា ឆ្នាំ២០២១ ក្រោយអធិបតីភាពលោក ប៉ាវ ហេងតារា រដ្ឋលេខាធិការក្រសួងពាណិជ្ជកម្ម។
តាមខ្លឹមសារ នៃកំណត់ហេតុផងដែរ ក្រោយការចុះកិច្ចសន្យាដោះដូររួចជាស្ថាពរ ទីតាំងអគារចាស់ គឺត្រូវបានធ្វើលិខិតស្នើសុំខ្ចីពីក្រុមហ៊ុនហ្គ្រីនត្រេដ រយៈពេល២ឆ្នាំសម្រាប់មន្ត្រីមន្ទីរពាណិជ្ជកម្មបម្រើការងារ ក្នុងអំឡុងពេលដែលអគារថ្មីមិនទាន់ស្ថាបនារួចរាល់។ ករណីនេះ ត្រូវបានមហាជនមើលឃើញថា ពិតជាបានផលលាភសក្ការៈពីការដោះដូរនេះមិនតិចនោះទេ ព្រោះដីនៅទីតាំងចាស់មានតម្លៃថ្លៃកប់ក្តោង ក្បែរលានដុល្លាឯណោះ ទៅទីតាំងថ្មីតម្លៃអស់លុយតិច រឿងអីមិនសល់លុយខ្លះ ហើយឲ្យរបូតចេញពីមាត់ម៉េចបាន ត្រូវ ឬខុស យ៉ាងណាយ៉ាងណី ត្រូវពឹងលើរបាយការណ៍សិនទៅ… ហេ! ហេ!
សូមបញ្ជាក់ថា ទីតាំងដីអគារមន្ទីរពាណិជ្ជកម្មបច្ចុប្បមានទំហ ២៤៨ម៉ែត្រក្រឡា អគារចំនួន៣ល្វែងទំហ ២១៦ ម៉ែត្រក្រឡា កំពស់២ជាន់ និងដីមួយកន្លែងទៀតនៅភូមិព្រៃសណ្តែក ឃុំព្រៃស្លឹក ស្រុកទ្រាំង ខេត្តតាកែវ មានទំហ ៣៤៧១ ម៉ែត្រក្រឡា ជាមួយទីតាំងដីទំហ១៣៣៣ ម៉ែត្រក្រឡា និងឃ្លាំងអក្សរ (ក) របស់ក្រុមហ៊ុនហ្គ្រីនត្រេដ ស្ថិតនៅភូមិ១ សង្កាត់រកាក្នុង ក្រុងដូនកែវ ខេត្តតាកែវ សម្រាប់សាងសង់អគារដ្ឋបាលថ្មី នៃមន្ទីរពាណិជ្ជកម្មខេត្តតាកែវ។
ព័ត៌មានពិស្តារបន្ថែមនឹងមានផ្សាយជូននៅលើកាសែតកោះសន្តិភាព ។
ចែករំលែកព័តមាននេះ